పిఎంఇండియా

భార‌త‌దేశం మ‌రియు యుఎస్ లు కలసి, గ్లోబ‌ల్ ఆంత్ర‌ప్ర‌న‌ర్ షిప్ స‌మిట్ (జిఇఎస్‌)కు 2017 న‌వంబ‌ర్ 28-30వ తేదీల మ‌ధ్య హైద‌రాబాద్ లో ఆతిథ్యమివ్వ‌నున్నాయి.

ప్ర‌ధాన మంత్రి శ్రీ న‌రేంద్ర మోదీ త‌న ట్విట‌ర్ అకౌంట్ లో వ‌రుస‌గా న‌మోదు చేసిన ట్వీట్ ల‌లో:

‘‘భార‌త‌దేశం మ‌రియు యుఎస్ లు గ్లోబ‌ల్ ఆంత్ర‌ప్ర‌న‌ర్ షిప్ స‌మ్మిట్ (జిఇఎస్‌)కు2017 న‌వంబ‌ర్ 28-30వ తేదీల మ‌ధ్య హైద‌రాబాద్ లో స‌హ ఆతిథ్యాన్ని ఇవ్వ‌నున్నాయి.

ఈ శిఖ‌రాగ్ర స‌భ ఔత్సాహిక పారిశ్రామిక‌వేత్త‌లు మరియు స్టార్ట్- అప్ లు ప్ర‌పంచ నేత‌ల‌తో భేటీ అయ్యేందుకు ఒక అపూర్వమైనటువంటి అవ‌కాశాన్ని కల్పిస్తుంది.

హైద‌రాబాద్ లో జ‌రిగే గ్లోబ‌ల్ ఆంత్ర‌ప్ర‌న‌ర్ షిప్ స‌మిట్ – 2017 కు తరలివచ్చే యుఎస్ ప్ర‌తినిధి వ‌ర్గానికి నాయకురాలుగా ఇవాంకా ట్రంప్ హాజరవుతారని నేను ఎదురుచూస్తున్నాను’’ అని పేర్కొన్నారు.

****