پی ایم انڈیا

جمہوریہ کرغیز کے صدر اعلی جناب سورونبے شریاپوویخ جین بیخوف نے 30 مئی 2019، کو نئی دلی میں وزیراعظم نریندر مودی کی حلف برداری کی تقریب میں شرکت کی۔

کرغزستان، شنگھائی کوآپریشن آرگنائزیشن کی موجودہ چیئر ہے اور وسطی ایشیا میں بھارت کا ایک اہم شراکت دارملک ہے۔ صدر جین بیخوف  نے گرمجوشی سے  وزیراعظم کو مبارک باد پیش کی اور 13 سے 15 جون 2019 کے دوران،  ایس سی او  سربراہ ملاقات میں ان کی  شرکت اور باہمی ملاقات کے لیے انہیں کرغزستان کے دعوت نامے کی یاد دلائی۔

اس امر کا ذکر کرتے ہوئے کہ بھارت اور کرغزستان کے مابین گرمجوشانہ اور دوستانہ تعلقات استوار ہیں، وزیراعظم نے اس بات پر اطمینان کا اظہار کیا کہ گزشتہ برسوں میں باہمی تعلقات مستحکم ہوئے ہیں۔ انہوں نے حلف برداری کی تقریب میں صدر جین بیخوف کی موجودگی کا گرمجوشانہ شکریہ ادا کیا اور کرغزستان  کے دورے کے لیے دعوت نامے کے تئیں اظہار تشکر کیا اور کہا کہ وہ اس دورے کے لیے مشتاق ہیں۔

۔۔۔۔۔۔۔۔۔۔۔

U-369