پی ایم انڈیا

عزت مآب ناروے کے وزیر اعظم ،

دونوں ممالک کے مندوبین ،

میڈیا کے ساتھیو،

 نمسکار!

ناروے کا دورہ کر کےمجھے بہت خوشی ہو رہی ہے ۔ یہ ملک فطرت اور انسانی ترقی کے درمیان ہم آہنگی کی ایک خوبصورت مثال ہے ۔

سب سے پہلے، میں اس پرتپاک اور شاندار استقبال کے لئے وزیر اعظم کا تہہ دل سے شکریہ ادا کرتا ہوں اور کل ناروے کے یوم آئین کے اہم موقع پر، دنیا کی سب سے بڑی جمہوریت کی جانب سے، میں ناروے جیسے مضبوط اور متحرک جمہوریت کے لیے نیک تمناؤں کا اظہار کرتا ہوں۔

مجھے پچھلے سال ناروے کا دورہ کرنا تھا ، لیکن پہلگام میں دہشت گردانہ حملے کی وجہ سے وہ دورہ ملتوی کرنا پڑا ۔ ان مشکل وقتوں میں ناروے نے دہشت گردی کے خلاف ہندوستان کے ساتھ مضبوطی سے کھڑے ہو کر حقیقی دوستی کا مظاہرہ کیا ۔ آج جب میں ناروے آیا ہوں ، میں اس یکجہتی کے لیے دل کی گہرائیوں سے شکریہ ادا کرتا ہوں ۔

دوستو ،

آج دنیا عدم استحکام اور غیر یقینی کے دور سے گزر رہی ہے ۔ یوکرین ہو یا مغربی ایشیا ، دنیا کے کئی حصوں میں تنازعات کی صورتحال ہے ۔ ایسی صورتحال میں ہندوستان اور یوروپ اپنے تعلقات کے ایک نئے سنہری دور میں داخل ہو رہے ہیں ۔

پچھلے سال، ہندوستان اور یورپی فری ٹریڈ ایسوسی ایشن (ای ایف ٹی اے) نے ایک تاریخی تجارتی اور اقتصادی شراکت داری کے معاہدے کو عملی جامہ پہنایا۔ یہ معاہدہ ہندوستان اور ناروے کے درمیان مشترکہ ترقی اور خوشحالی کو یقینی بنانے کے لیے ایک خاکہ ہے ۔ اس معاہدے میں اگلے پندرہ برسوں میں ہندوستان میں ایک سو ارب ڈالر کی سرمایہ کاری اور دس لاکھ ملازمتیں پیدا کرنے کا ہدف ہے ۔ آج ہم دونوں نے اس معاہدے کے وعدے کو نتیجہ میں بدلنے کے لئے بہت سے اہم فیصلے کئے ہیں ۔

دوستو ،

آج ہم بھارت اور ناروے کے تعلقات کو گرین اسٹریٹجک پارٹنرشپ کی شکل دے رہے ہیں ۔ اس اسٹریٹجک شراکت داری کے ساتھ ، ہماری کمپنیاں صاف توانائی سے لے کر آب و ہوا کی لچک ، بلیو اکانومی سے لے کر گرین شپنگ تک ہر شعبے میں ناروے کی ٹیکنالوجی اور سرمائے کے ساتھ ہندوستان کے پیمانے ، رفتار اور صلاحیتوں کو جوڑ کر عالمی حل تیار کریں گی ۔

دوستو ،

تحقیق ، تعلیم اور اختراع بھی ہمارے تعلقات کے مضبوط ستون بن رہے ہیں ۔ آج ہم نے پائیداری ، سمندری توانائی ، ارضیات اور صحت جیسے شعبوں میں تحقیقی تعاون بڑھانے پر اتفاق کیا ہے ۔

انجینئرنگ ، اے آئی ، سائبر اور ڈیجیٹل جیسے شعبوں میں ہم اپنی یونیورسٹی اور اسٹارٹ اپ ایکو سسٹم کو جوڑ کر اپنی شراکت داری کو مستقبل کے لئے تیار کریں گے ۔ ہنر مندی کے فروغ اور ٹیلنٹ کی نقل و حرکت میں بھی ہمارا تعاون مزید وسیع ہونے والا ہے ۔

دوستو ،

ناروے آرکٹک خطے کا ایک اہم ملک ہے ۔ آرکٹک اور قطبی تحقیق میں ہمارا دیرینہ تعاون ہے ۔ ہم ہندوستان کے آرکٹک ریسرچ اسٹیشن ‘‘ہمادِری’’کے آپریشن کے لیے ناروے کے مشکور ہیں ۔ اسرو اور ناروے کی خلائی ایجنسی کے درمیان آج جس مفاہمت نامے پر دستخط ہو رہے ہیں ، اس سے ہمارے خلائی تعاون کو بھی نئی جہتیں ملیں گی ۔

ان تمام شعبوں میں گہرے تعاون کے ساتھ ، ہمارے سائنس داں آب و ہوا کی تبدیلی کو سمجھنے ، نازک ماحولیاتی نظام کی حفاظت اور انسانی مستقبل کو محفوظ بنانے میں اپنا تعاون دیں گے ۔

دوستو،

ہندوستان اور ناروے کے درمیان گرین اسٹریٹجک پارٹنرشپ پوری دنیا کے لئے فائدہ مند ثابت ہوگی ۔ ہمیں بہت خوشی ہے کہ ناروے آج انڈو پیسیفک اوشین انیشیٹو میں شامل ہو رہا ہے ۔

دو بڑے سمندری ممالک کے طور پر ہم سمندری معیشت ، سمندری سلامتی اور صلاحیت سازی میں تعاون کو مضبوط کریں گے ۔ آج ہم نے سہ رخی ترقیاتی تعاون کے معاہدے پر دستخط کئے ہیں ۔ ہم مل کر ہندوستان کے ڈیجیٹل پبلک انفراسٹرکچر پروجیکٹوں کے ذریعے گلوبل ساؤتھ کے ممالک میں انسانی ترقی میں حصہ ڈالیں گے ۔

دوستو ،

ہندوستان اور ناروے دونوں ضوابط پر مبنی آرڈر ، مکالمے اور سفارت کاری پر یقین رکھتے ہیں ۔ ہم اس بات پر متفق ہیں کہ کوئی بھی مسئلہ فوجی تنازعہ کے ذریعے حل نہیں کیا جا سکتا ۔ یوکرین ہو یا مغربی ایشیا ، ہم تنازعہ اور امن کے جلد خاتمے کے لیے ہر کوشش کی حمایت کرتے ہیں اور کرتے رہیں گے ۔

ہم اس بات پر بھی متفق ہیں کہ بڑھتے ہوئے عالمی چیلنجوں سے نمٹنے کے لیے عالمی اداروں میں اصلاحات ضروری ہیں اور دہشت گردی کی تمام شکلوں کو جڑ سے اکھاڑ پھینکنا ہمارا مشترکہ عزم ہے ۔

عزت مآب،

آرکٹک سے بیرونی خلا تک ، گرین شپنگ سے لے کر بلیو اکانومی تک ، انرجی سکیورٹی سے لے کر فوڈ سکیورٹی تک ، ہمارا تعاون نئی سرحدوں کو چھو رہا ہے ۔ آئیے ہم اپنی گرین اسٹریٹجک پارٹنرشپ کے ذریعے ایک قابل اعتماد ، مستقبل پر مبنی اور طویل مدتی شراکت داری کا ایک نیا باب لکھیں ۔

آپ کا بہت بہت شکریہ ۔

***

ش ح۔ ک ا۔ ع ا

U.NO.7213