پی ایم انڈیا

وزیر اعظم جناب نریندر مودی نے 23-24 جولائی 2025 کو برطانیہ کے اپنے سرکاری دورے کے دورے پر آج برطانیہ کے وزیر اعظم عزت مآب سر کیئر اسٹارمرسےملاقات کی۔ بکنگھم شائر کے چیکرز میں برطانیہ کے وزیر اعظم کی ملکی رہائش گاہ پہنچنے پر وزیر اعظم سٹارمر نے ان کا پرتپاک استقبال کیا۔ دونوں رہنماؤں نے دوبدو ملاقات کے ساتھ ساتھ وفود کی سطح پر بات چیت کی۔

دونوں وزرائے اعظم نے تاریخی بھارت،برطانیہ جامع اقتصادی اور تجارتی معاہدے (سی ای ٹی اے) پر دستخط کا خیرمقدم کیا جو جامع اسٹریٹجک پارٹنرشپ کو ایک نئی سطح پر لے جائے گا، جبکہ دونوں معیشتوں میں دو طرفہ تجارت، سرمایہ کاری، اقتصادی تعاون اور روزگار کے مواقع کو نمایاں طور پر بڑھا دے گا۔ دونوں فریقوں نے ایک ڈبل کنٹری بیوشن کنونشن پر بات چیت کرنے پر بھی اتفاق کیا ہے، جو کہ سی اےٹی اے کے ساتھ نافذ العمل ہوگا اور مسابقت کو فروغ دے کر اور تجارتی اداروں کے لیے کاروبار کرنے کی لاگت کو کم کرکے دونوں ممالک میں پیشہ ور افراد اور سروس انڈسٹری کو سہولت فراہم کرے گا۔ کیپٹل مارکیٹس اور مالیاتی خدمات کے شعبوں میں بڑھتے ہوئے تعاون کا ذکر کرتے ہوئے، وزیر اعظم مودی نے اس بات پر زور دیا کہ دونوں فریقبھارت کے پہلے بین الاقوامی مالیاتی خدمات کے مرکز گجرات میں گفٹ سٹی اور برطانیہ کے متحرک مالیاتی ماحولیاتی نظام کے درمیان زیادہ سے زیادہ تعامل کو فروغ دینے کے لیے کام کر سکتے ہیں۔

دونوں رہنماؤں نے دوطرفہ تعلقات کے تمام پہلوؤں کا جائزہ لیا اوربھارت ،برطانیہ وژن 2035 کو اپنایا۔ وژن 2035 دستاویز معیشت اور ترقی، ٹیکنالوجی، اختراع، تحقیق اور تعلیم، دفاع اور سلامتی، موسمیاتی کارروائی، صحت اور عوام سے عوام کے تعلقات کے کلیدی شعبوں میں اگلے دس سالوں کے لیے تعلقات کو آگے بڑھاتے ہوئے جامع اسٹریٹجک پارٹنرشپ میں مزید عزائم اور تجدید رفتار کو فروغ دے گی۔

دونوں رہنماؤں نے دفاعی صنعتی روڈ میپ کو حتمی شکل دینے کا بھی خیرمقدم کیا تاکہ دونوں ممالک کے ساتھ ساتھ عالمی منڈی میں بڑھتی ہوئی مانگ کو پورا کرنے کے لیے دفاعی مصنوعات کی مشترکہ ڈیزائن، مشترکہ ترقی اور مشترکہ پیداوار میں تعاون کو فروغ دیا جا سکے۔ دونوں ممالک کی مسلح افواج کی باقاعدہ شمولیت کا خیرمقدم کرتے ہوئے، انہوں نے مضبوط ہوتی ہوئی دفاعی اور سیکیورٹی شراکت داری پر اطمینان کا اظہار کیا۔

دونوں رہنماؤں نے نئی اور ابھرتی ہوئی ٹیکنالوجیز میں بڑھتے ہوئے تعاون پر اطمینان کا اظہار کیا اور ٹیکنالوجی اور سیکورٹی انیشیٹو(ٹی ایس آئی) کے تیز رفتار نفاذ پر زور دیا، جو ٹیلی کام، اہم معدنیات،اے آئی، بائیو ٹیکنالوجی اور ہیلتھ ٹیکنالوجی، سیمی کنڈکٹرز، جدید مواد اور کوانٹم پر توجہ مرکوز کرتا ہے۔ٹی ایس آئی نے آج ایک سال مکمل کر لیا۔

دونوں وزرائے اعظم نے تعلیم کے شعبے میں بھارت اور برطانیہ کے درمیان بڑھتی ہوئی شراکت داری کا بھی خیر مقدم کیا، جس میں برطانیہ کی چھ یونیورسٹیاں نئی تعلیمی پالیسی (این ای پی) کے تحت بھارت میں کیمپس کھولنے کے لیے کام کر رہی ہیں۔ ساؤتھمپٹن یونیورسٹی جس نے 16 جون 2025 کو گروگرام میں اپنا کیمپس کھولا، این ای پی کے تحت بھارت میں اپنا کیمپس کھولنے والی پہلی غیر ملکی یونیورسٹی ہے۔

دونوں فریقوں نے اکیڈمیا، فنون، ادب، طب، سائنس، کھیل، کاروبار اور سیاست کے شعبوں میں برطانیہ میں مقیم بھارتیہ باشندوں کی گرانقدر شراکت کا اعتراف کیا۔ انہوں نے اتفاق کیا کہ یہ پل بھارت،برطانیہ تعلقات کی ترقی اور ترقی کا ایک اہم ستون ہے۔

وزیر اعظم مودی نے پہلگام دہشت گردانہ حملے کے بعد بھارتیہ عوام کے ساتھ بھرپور حمایت اور یکجہتی کے لیے وزیر اعظم سٹارمر کا شکریہ ادا کیا۔ دونوں رہنماؤں نے دہشت گردی کے خلاف عالمی جنگ کو مضبوط بنانے کا عزم کیا۔ یہ نوٹ کرتے ہوئے کہ انتہا پسندی اور بنیاد پرستی دونوں معاشروں کے لیے خطرہ ہیں، انہوں نے اس خطرے سے نمٹنے کے لیے دو طرفہ تعاون کو مزید بڑھانے پر اتفاق کیا۔ وزیر اعظم مودی نے اقتصادی مجرموں اور مفروروں کو انصاف کے کٹہرے میں لانے کے لیے برطانیہ سے تعاون بھی طلب کیا۔

دونوں رہنماؤں نے باہمی دلچسپی کے عالمی اور علاقائی مسائل پر بھی تبادلہ خیال کیاجن میںہند-بحرالکاہل، مغربی ایشیا اور روس،یوکرین تنازعہ میں ہونے والی پیش رفت شامل ہیں۔

وزیر اعظم مودی نے وزیر اعظم سٹارمر کی گرمجوشی سے مہمان نوازی کے لیے ان کا شکریہ ادا کیا اور انہیں جلد از جلد بھارت کا دورہ کرنے کی دعوت دی۔

دورے کے دوران دونوں فریقین کی طرف سے درج ذیل دستاویزات پر دستخط کیے گئے

جامع اقتصادی اور تجارتی معاہدہ(سی اے ٹی اے)

) انڈیا-یوکے وژن 2035 (لنک

دفاعی صنعتی روڈ میپ

) ٹیکنالوجی اور سیکورٹی اقدام پر بیان(لنک

سینٹرل بیورو آف انویسٹی گیشن، انڈیا اور نیشنل کرائم ایجنسی آف یو کے کے درمیان مفاہمت نامے

***

(ش ح۔اص)

UR No 3272