પીએમઇન્ડિયા

રોબર્ટ ફિકો, સ્લોવાકિયાના પ્રધાનમંત્રી

( Jun 15, 2026 )

માનનીય પ્રધાનમંત્રી, હું તમને ભારતના સૌથી લાંબા સમય સુધી સેવા આપનારા પ્રધાનમંત્રી બનવા બદલ અભિનંદન આપું છું. તે એક રાજકીય ચમત્કાર છે.

ઓસ્ટ્રેલિયાના પ્રધાનમંત્રી એન્થની અલ્બાનિઝ

( May 28, 2026 )

આધુનિક ઓસ્ટ્રેલિયાની વાર્તા ભારતીય-ઓસ્ટ્રેલિયન કોમ્યુનિટી (સમુદાય) ના નોંધપાત્ર યોગદાનને સ્વીકાર્યા વિના કહી શકાય નહીં. ઉદ્યોગસાહસિકતા અને ઇનોવેશન (નવીનતા) થી લઈને હેલ્થકેર (આરોગ્ય સંભાળ), શિક્ષણ, ટેકનોલોજી અને પબ્લિક સર્વિસ (જાહેર સેવા) સુધી, ભારતીય-ઓસ્ટ્રેલિયન સતત રાષ્ટ્રની સફળતાને આકાર આપવામાં યોગદાન આપી રહ્યા છે. જેમ-જેમ ભારત એક વૈશ્વિક આર્થિક મહાશક્તિ તરીકે ઉભરી રહ્યું છે અને દુનિયાની ત્રીજી સૌથી મોટી અર્થવ્યવસ્થા બનવા તરફ અગ્રસર છે, તેમ-તેમ વ્યાપાર, રોકાણ, શિક્ષણ, ટેકનોલોજી અને લોકો વચ્ચેના ઊંડા સંબંધોના માધ્યમથી આપણા બંને દેશો વચ્ચેનો સેતુ વધુ મજબૂત બનતો જઈ રહ્યો છે. સાથે મળીને, ઓસ્ટ્રેલિયા અને ભારત 21મી સદીની સૌથી મહત્વપૂર્ણ વ્યાૂહાત્મક અને આર્થિક ભાગીદારીઓમાંથી એકનું નિર્માણ કરી રહ્યા છે.

જોતુનના સીઇઓ મોર્ટેન ફોન

( May 19, 2026 )

ભારતમાં ગત કેટલાય વર્ષોમાં ઘણો બદલાવ આવ્યો છે. અમે લાંબા સમયથી ત્યાં મોજૂદ છીએ અને મારું માનવું છે કે આનું એક ઉદાહરણ એ છે કે ભારતની અંદર રાજ્યો વચ્ચેના વ્યાપારને કઈ રીતે સરળ બનાવવામાં આવ્યો છે. પીએમ મોદીએ આજે ભારતમાં શિપબિલ્ડિંગ (જહાજ નિર્માણ) ની વાત કહી, જે મારા હૃદયની ખૂબ જ નજીક છે, કારણ કે અમારી કંપની ગ્લોબલ મરીન કોટિંગ્સ ઇન્ડસ્ટ્રીમાં 25% માર્કેટ શેર (બજાર હિસ્સો) ધરાવે છે. તેથી ભારતમાં જેટલા વધુ શિપ (જહાજ) બનાવવામાં આવશે, તેટલી જ વધુ વ્યાવસાયિક તકો અમને પ્રાપ્ત થશે.

નોર્વેના પ્રધાનમંત્રી જોનાસ ગહર સ્ટોરે

( May 19, 2026 )

ભારતીય પ્રધાનમંત્રીનું અહીં આવીને પોતાનો દ્રષ્ટિકોણ દર્શાવવો અમારા માટે ખૂબ જ ઉપયોગી છે. ભારત પોતાના સંપર્કો અને અનુભવોની સાથે આંતરરાષ્ટ્રીય મંચ પર સતત મોટી અને મહત્વપૂર્ણ ભૂમિકા ભજવી રહ્યું છે.

પ્રોસસના સીઇઓ ફેબ્રિસિયો બ્લોઇસી

( May 17, 2026 )

અમે 90,000 કરોડ રૂપિયાથી વધુનું રોકાણ કર્યું છે અને પીએમ મોદીના નેતૃત્વમાં આ તો માત્ર શરૂઆત છે. અમે આ વાત પર ચર્ચા કરી રહ્યા છીએ કે અમે વધુ મોટા સ્તર પર રોકાણ કેવી રીતે કરી શકીએ. અમે ત્યાં AI (આર્ટિફિશિયલ ઇન્ટેલિજન્સ) મોડલ્સને પ્રશિક્ષિત કરવા પર કામ કરી રહ્યા છીએ અને મારું માનવું છે કે પીએમ મોદીનું નેતૃત્વ શાનદાર રહ્યું છે, જેણે એ સુનિશ્ચિત કર્યું છે કે ભારત ન માત્ર પોતાના વર્તમાન રોકાણકારોને જાળવી રાખે, પરંતુ ટેકનોલોજીમાં રોકાણના માધ્યમથી વધુ સમૃદ્ધ ભવિષ્યનું નિર્માણ કરે. આ જ અમારી પ્રતિબદ્ધતા છે.

એપીએમ ટર્મિનલ્સના સીઇઓ કીથ સ્વેન્ડસેન

( May 17, 2026 )

માનનીય પ્રધાનમંત્રીજીને જ્યારે હું પહેલીવાર વાઇબ્રન્ટ ગુજરાત સમિટમાં મળ્યો હતો, ત્યારે જે બાબતોએ મને અત્યંત પ્રભાવિત કર્યો હતો, તેમાંની એક પોર્ટ સેક્ટર (બંદર ક્ષેત્ર) વિશેનું તેમનું વિસ્તૃત જ્ઞાન તથા આર્થિક પ્રગતિને આગળ વધારવામાં પરિવહન સેક્ટરના મહત્વની તેમની ઊંડી સમજણ હતી. ગુજરાતમાં મુખ્યમંત્રી રહેવાના સમયથી જ તેમને પોર્ટ સેક્ટરનું ખૂબ જ વિશિષ્ટ અને ગહન જ્ઞાન હતું.

બેન્જામિન નેતન્યાહૂ, ઇઝરાયલના પ્રધાનમંત્રી

( Feb 25, 2026 )

મારા મિત્ર, તમારા (PM મોદી) નેતૃત્વ હેઠળ, ભારતે પોતાને એશિયન વાઘ તરીકે સ્થાપિત કર્યું છે, ધ્યેય તરફ આગળ વધી રહ્યું છે: વધુ વિકાસ, વધુ પ્રગતિ, વધુ સમૃદ્ધિ, વધુ ખુશી.

બેન્જામિન નેતન્યાહૂ, ઇઝરાયલના પ્રધાનમંત્રી

( Feb 25, 2026 )

પ્રધાનમંત્રી મોદીને પર્સનલી મળવું અને ગળે લગાડવું કંઈક અનોખું છે. તે વિશ્વભરમાં "મોદી હગ" તરીકે ઓળખાય છે. જ્યારે તમે કોઈને એકદમ આત્મીયતાથી આલિંગન આપો છો, ત્યારે સ્પષ્ટ થાય છે કે તે માત્ર દેખાવ નથી. તે સાચી લાગણી છે. તેને "મોદી હગ" કહેવામાં આવે છે અને નેસેટના દરેક સભ્ય વતી હું તમને તે આલિંગન આપવા માંગુ છું; તે ફક્ત આપણી વચ્ચેની બહાદુર વ્યક્તિગત મિત્રતા જ નહીં, પણ આપણા બંને દેશો વચ્ચે રહેલા પ્રેમને પણ પ્રતિબિંબિત કરે છે.

બેન્જામિન નેતન્યાહૂ, ઇઝરાયલના પ્રધાનમંત્રી

( Feb 25, 2026 )

નરેન્દ્ર, મારા પ્રિય મિત્ર, આજે તમને અહીં જોઈને મને ખૂબ જ આનંદ થયો છે. કારણ કે મારે ડિપ્લોમેટિક થવું છે, તેથી હું તેને રેન્ક નહીં આપું, તેનાથી હું મુશ્કેલીમાં પડી શકું છું. પરંતુ હું તમારા અહીં આવવાથી એટલો ખુશ ક્યારેય નથી થયો. તમે ઇઝરાયેલના મહાન મિત્ર છો, ભારત અને ઇઝરાયેલ વચ્ચેની ગાઢ ભાગીદારીના ઊર્જાવાન સમર્થક છો અને આંતરરાષ્ટ્રીય મંચ પર એક મહાન નેતા છો.

શ્રી એચ.ડી. દેવગૌડા, ભૂતપૂર્વ પ્રધાનમંત્રી

( Feb 04, 2026 )

મોદીજી એક દેશભક્ત છે. આ ભૂલશો નહીં... તેઓ ખૂબ જ મહેનત કરી રહ્યા છે કે જેથી આ દેશનું અર્થતંત્ર 2047 સુધીમાં પોતાના લક્ષ્યો પ્રાપ્ત કરી શકે અને ભારત વિશ્વના અગ્રણીઓમાંનું એક બને... જ્યાં સુધી આર્થિક સિદ્ધિની વાત છે... મોદીજી આ માટે ખૂબ જ મહેનત કરી રહ્યા છે... હું તેમને તેના માટે અભિનંદન આપવા માંગુ છું.