পি এম ইণ্ডিয়া

প্ৰধানমন্ত্ৰী, শ্ৰী নৰেন্দ্ৰ মোদীয়ে আজি ভিডিঅ’ কনফাৰেন্সিঙৰ জৰিয়তে বিকশিত ভাৰত সংকল্প যাত্ৰাৰ একাংশ হিতাধিকাৰীৰ সৈতে মত বিনিময় কৰে। কেন্দ্ৰীয় মন্ত্ৰী, সাংসদ, বিধায়ক আৰু স্থানীয় পৰ্যায়ৰ প্ৰতিনিধিৰ লগতে দেশৰ বিভিন্ন প্ৰান্তৰ পৰা হাজাৰ হাজাৰ বিকশিত ভাৰত সংকল্প যাত্ৰাৰ হিতাধিকাৰীয়ে যোগদান কৰে।

২০১৭ চনৰ পৰা জৈৱিক কৃষক মিজোৰামৰ আইজলৰ পৰা মিষ্টাৰ শ্বুয়ায়া ৰাল্টেই প্ৰধানমন্ত্ৰীক আদা, মিজো জলকীয়া আৰু অন্যান্য শাক-পাচলি উৎপাদনৰ বিষয়ে অৱগত কৰি নতুন দিল্লীলৈকে অৱস্থিত কোম্পানীসমূহক নিজৰ উৎপাদিত সামগ্ৰী বিক্ৰী কৰিব পৰাৰ কথা উল্লেখ কৰে, যাৰ জৰিয়তে তেওঁৰ আয় ২০,০০০ টকাৰ পৰা ১,৫০,০০০ টকালৈ বৃদ্ধি হৈছে।

প্ৰধানমন্ত্ৰীয়ে ইয়াৰ থলুৱা উৎপাদিত সামগ্ৰী বজাৰত বিক্ৰী কৰাৰ সন্দৰ্ভত সোধা-পোছাৰ পিছত ৰালটে কয় যে উত্তৰ-পূব অঞ্চলত মিছন অৰ্গেনিক ভেল্যু চেইন ডেভেলপমেণ্টৰ অধীনত এনে এখন বজাৰ সৃষ্টি কৰা হৈছে য’ত কৃষকসকলে কোনো ধৰণৰ হেঁচা নোহোৱাকৈ নিজৰ উৎপাদিত সামগ্ৰী বিক্ৰী কৰিব পাৰিব। প্ৰধানমন্ত্ৰীয়ে সন্তুষ্টি প্ৰকাশ কৰে যে দেশৰ বহু কৃষকে জৈৱিক কৃষিৰ দিশত আগবাঢ়িছে আৰু কৃষক মিষ্টাৰ ৰালটে উত্তৰ-পূৰ্বাঞ্চলৰ সুদূৰ অঞ্চলৰ পৰা আহি্ছে। শ্ৰী মোদীয়ে আঙুলিয়াই দিয়ে যে জৈৱিক কৃষি জনসাধাৰণ আৰু মাটি উভয়ৰে স্বাস্থ্যৰ বাবে অতি গুৰুত্বপূৰ্ণ। যোৱা ৯ বছৰত প্ৰধানমন্ত্ৰীয়ে জনায় যে ৰাসায়নিক মুক্ত উৎপাদিত সামগ্ৰীৰ বজাৰ ৭ গুণতকৈ অধিক বৃদ্ধি পাইছে, যাৰ ফলত কৃষকৰ আয় বৃদ্ধিৰ লগতে গ্ৰাহকৰ স্বাস্থ্যও উন্নত হৈছে। জৈৱিক কৃষি চৰ্চা কৰা কৃষকসকলক ধন্যবাদ জ্ঞাপন কৰাৰ লগতে বেৰত থকা কৃষকসকলকো এই পদক্ষেপ ল’বলৈ আহ্বান জনায়।

***

DS/TS/DB