পি এম ইণ্ডিয়া

গুজৰাটৰ জনপ্ৰিয় মুখ্যমন্ত্ৰী শ্ৰী ভূপেন্দ্র ভাই পেটেল, ভাৰতত থকা জাপানৰ ৰাষ্ট্ৰদূত শ্ৰী কেইচি ওনো চান, ছুজুকি মটৰ কৰ্পোৰেচনৰ সভাপতি শ্ৰী তোশিহিৰো ছুজুকি চান, মাৰুতি চুজুকি ইণ্ডিয়া লিমিটেডৰ পৰিচালন সঞ্চালক হিছাচি টেকুচি চান, অধ্যক্ষ শ্ৰী আৰ চি ভাৰ্গভা, হনচলপুৰ প্ৰকল্পৰ সকলো কৰ্মচাৰী, অন্যান্য গণ্যমান্য ব্যক্তিসকল, মহিলা আৰু ভদ্রলোকসকল!

গণেশ উৎসৱৰ এই উচ্ছ্বাসত আজি ভাৰতৰ ‘মেক ইন ইণ্ডিয়া‘ যাত্ৰাত এক নতুন অধ্যায় সংযোগ কৰা হৈছে। এইটো আমাৰ মেক ইন ইণ্ডিয়া, মেক ফৰ দ্য ৱৰ্ল্ডৰ লক্ষ্যৰ দিশত এক বৃহৎ অগ্ৰগতি। আজিৰ পৰা ভাৰতত নিৰ্মিত বৈদ্যুতিক বাহনসমূহ ১০০ খন দেশলৈ ৰপ্তানি কৰা হ‘ব। লগতে, আজি হাইব্ৰিড বেটাৰী ইলেক্ট্ৰ‘ড উৎপাদনো আৰম্ভ কৰা হৈছে। এই দিনটোৱে ভাৰত আৰু জাপানৰ মাজৰ বন্ধুত্বপূৰ্ণ সম্পৰ্ককো এক নতুন মাত্ৰা প্ৰদান কৰিছে। মই সকলো দেশবাসী, জাপান আৰু ছুজুকি কোম্পানীক বহুত বহুত অভিনন্দন জনাইছো। এক প্ৰকাৰে, তেৰ বছৰ হৈছে কৈশোৰৰ আৰম্ভণি, আৰু কৈশোৰ হৈছে পাখি বিস্তাৰ কৰাৰ সময়, উৰণীয়া সপোনৰ সময়। আৰু কৈশোৰ কালত বহুতো সপোন উদ্ভৱ হয়। এক প্ৰকাৰে কৈশোৰ কালত ভৰি মাটিত নাথাকে। মই সুখী যে আজি মাৰুতিয়ে কৈশোৰ কালত প্ৰৱেশ কৰিছে। মাৰুতিৰ এই স্তৰত গুজৰাটৰ প্ৰৱেশ, অৰ্থাৎ অনাগত দিনবোৰত মাৰুতিয়ে এক নতুন শাখা বিস্তাৰ কৰিব, নতুন উদ্যম আৰু উৎসাহেৰে আগবাঢ়ি যাব, মোৰ সম্পূৰ্ণ বিশ্বাস আছে।

বন্ধুসকল,

ভাৰতৰ এই সফলতাৰ কাহিনীৰ বীজ প্ৰায় ১৩বছৰ আগতে ৰোপণ কৰা হৈছিল। ২০১২ চনত, যেতিয়া মই ইয়াত মুখ্যমন্ত্ৰী আছিলো, আমি হনচলপুৰত মাৰুতি ছুজুকীক ভূমি আৱণ্টন কৰিছিলো। সেই সময়ৰ দৃষ্টিভংগীও আছিল আত্মনিৰ্ভৰ ভাৰত, মেক ইন ইণ্ডিয়া। তেতিয়াৰ আমাৰ প্ৰচেষ্টাই আজি দেশৰ সংকল্পসমূহ পূৰণ কৰাত ডাঙৰ ভূমিকা পালন কৰি আছে।

বন্ধুসকল,

এই উপলক্ষে, মই প্ৰয়াত অ’ছামু ছুজুকি ছানক মোৰ সম্পূৰ্ণ হৃদয়েৰে স্মৰণ কৰিব বিচাৰো। আমাৰ চৰকাৰে তেওঁক পদ্মবিভূষণৰে সন্মানিত কৰাৰ সৌভাগ্য লাভ কৰিছিল। মই সুখী যে আজি আমি তেওঁ মাৰুতি–ছুজুকি ইণ্ডিয়াৰ যি সপোন দেখিছিল তাৰ বৃহৎ সম্প্ৰসাৰণৰ সাক্ষী হৈছো।

বন্ধুসকল,

ভাৰতত গণতন্ত্ৰৰ ক্ষমতা আৰু জনগাঁথনিৰ সুবিধা আছে। আমাৰ দক্ষ কৰ্মচাৰীৰ এক বিশাল সাগৰ আছে। গতিকে ই আমাৰ প্ৰতিজন অংশীদাৰৰ বাবে এক বিজয়ৰ পৰিস্থিতিৰ সৃষ্টি কৰে। আজি আপোনালোকে দেখিছে, ছুজুকি জাপানে ভাৰতত নিৰ্মাণ কৰি আছে, আৰু যিবোৰ বাহন নিৰ্মাণ কৰা হৈছে সেইবোৰ পুনৰ জাপানলৈ ৰপ্তানি কৰা হৈছে। এয়া কেৱল জাপান আৰু ভাৰতৰ মাজৰ সম্পৰ্কৰ শক্তিয়েই নহয়, ই ভাৰতৰ ওপৰত বিশ্বজনীন কোম্পানীসমূহৰ আস্থাও প্ৰদৰ্শন কৰে। এক প্ৰকাৰে, মাৰুতি চুজুকিৰ দৰে কোম্পানীবোৰ মেক ইন ইণ্ডিয়াৰ ব্ৰেণ্ড এম্বেছাদৰ হৈ পৰিছে। মাৰুতি একেৰাহে ৪বছৰ ধৰি ভাৰতৰ সৰ্ববৃহৎ বাহন ৰপ্তানিকাৰী হৈ আহিছে। এতিয়া আজিৰে পৰা আৰম্ভ হোৱা বৈদ্যুতিক বাহন ৰপ্তানিও একে পৰিসৰতে আৰম্ভ কৰা হৈছে। এতিয়া বিশ্বৰ কেইবা ডৰ্জন দেশত চলা বৈদ্যুতিক বাহনবোৰত লিখা হ’ব–মেড ইন ইণ্ডিয়া!

বন্ধুসকল,

আমি সকলোৱে জানো যে বৈদ্যুতিক বাহনে পৰিৱেশ তন্ত্ৰৰ আটাইতকৈ গুৰুত্বপূৰ্ণ অংশটো হ’ল বেটাৰি। কেইবছৰমান আগলৈকে বেটাৰিবোৰ সম্পূৰ্ণৰূপে ভাৰতলৈ আমদানি কৰা হৈছিল। বৈদ্যুতিক বাহনৰ উৎপাদন শক্তিশালী কৰিবলৈ ভাৰতৰ বাবে বেটাৰি নিৰ্মাণ কৰাটো প্ৰয়োজনীয় আছিল। এই দৃষ্টিভংগীৰে ২০১৭ চনত আমি ইয়াত টিডিএছজি বেটাৰী প্ৰকল্পৰ ভেটি স্থাপন কৰিছিলো। টিডিএছজিৰ নতুন প্ৰচেষ্টাত, এই কাৰখানাত তিনিটা জাপানী কোম্পানীয়ে একেলগে ভাৰতত প্ৰথমবাৰৰ বাবে কোষ নিৰ্মাণ কৰিব। বেটাৰী চেল ইলেক্ট্ৰোডসমূহো ভাৰতত স্থানীয়ভাৱে নিৰ্মাণ কৰা হ’ব। এই স্থানীয়কৰণে ভাৰতৰ আত্মনিৰ্ভৰশীলতাক নতুন শক্তি প্ৰদান কৰিব। ই হাইব্ৰিড বৈদ্যুতিক বাহনৰ ব্যৱসায়ক আৰু অধিক ত্বৰান্বিত কৰিব। এই ঐতিহাসিক আৰম্ভণিৰ বাবে মই আপোনালোকক শুভেচ্ছা জনাইছো।

বন্ধুসকল,

কেইবছৰমান আগলৈকে, বৈদ্যুতিক বাহনক কেৱল এক নতুন বিকল্প হিচাপেহে দেখা গৈছিল। কিন্তু, মই সদায় বিশ্বাস কৰি আহিছোঁ যে বৈদ্যুতিক বাহন হৈছে বহুতো সমস্যাৰ এক দৃঢ় সমাধান। সেয়েহে, যোৱা বছৰ ছিংগাপুৰ ভ্ৰমণৰ সময়ত মই কৈছিলো, আমি আমাৰ পুৰণি বাহন, পুৰণি এম্বুলেন্সসমূহক হাইব্ৰিড বৈদ্যুতিক বাহনলৈ ৰূপান্তৰিত কৰিব পাৰোঁ। মাৰুতি ছুজুকিয়ে প্ৰত্যাহ্বানটো গ্ৰহণ কৰিছিল আৰু মাত্ৰ ৬মাহৰ ভিতৰতে এটা কাৰ্যকৰী প্ৰটোটাইপ সাজু কৰিছিল। মই এইমাত্ৰ সেই হাইব্ৰিড এম্বুলেন্সৰ প্ৰটোটাইপটো দেখিছো। এই হাইব্ৰিড এম্বুলেন্সবোৰ পিএম ই–ড্ৰাইভ আঁচনিৰ সৈতে সম্পূৰ্ণৰূপে খাপ খায়। প্ৰায় ১১হাজাৰ কোটি টকাৰ এই আঁচনিখন ই–এম্বুলেন্সৰ বাবেও বাজেট কৰা হৈছে। হাইব্ৰিড বৈদ্যুতিক বাহনে প্ৰদূষণ হ্ৰাস কৰিব আৰু পুৰণি বাহনসমূহক ৰূপান্তৰিত কৰাৰ বিকল্প প্ৰদান কৰিব।

বন্ধুসকল,

পৰিষ্কাৰ শক্তি আৰু পৰিষ্কাৰ গতিশীলতা হৈছে আমাৰ ভৱিষ্যত। এনে প্ৰচেষ্টাই দ্ৰুতগতিত ভাৰতক পৰিষ্কাৰ শক্তি আৰু পৰিষ্কাৰ গতিশীলতাৰ বাবে এক নিৰ্ভৰযোগ্য কেন্দ্ৰ হিচাপে গঢ়ি তুলিব।

বন্ধুসকল,

আজি, যেতিয়া বিশ্বই যোগান শৃংখলাত হোৱা ব্যাঘাতৰ সৈতে যুঁজি আছে, এনে লাগিছে যে যোৱা দশকত ভাৰতে গ্ৰহণ কৰা নীতিবোৰ দেশৰ বাবে যথেষ্ট উপযোগী। ২০১৪ চনত যেতিয়া দেশখনে মোক সেৱা কৰাৰ সুযোগ দিছিল, আমি তাৰ বাবে প্ৰস্তুতি আৰম্ভ কৰিছিলো। আমি মেক ইন ইণ্ডিয়া অভিযান আৰম্ভ কৰিছিলো, যিয়ে দেশত গোলকীয় আৰু ঘৰুৱা উভয় উৎপাদনকাৰীৰ বাবে এক অনুকূল পৰিৱেশৰ সৃষ্টি কৰিছিল। আমি ভাৰতক উৎপাদন দক্ষ আৰু বিশ্বব্যাপী প্ৰতিযোগিতামূলক কৰি তুলিবলৈ ঔদ্যোগিক কৰিডৰ সৃষ্টি কৰি আছো। আমি প্লাগ–এণ্ড–প্লে আন্তঃগাঁথনি সৃষ্টি কৰি আছো। লজিষ্টিক পাৰ্ক নিৰ্মাণ কৰা হৈছে। ভাৰতে বহু ক্ষেত্ৰত নিৰ্মাতাসকলক উৎপাদন সংযুক্ত উদ্দীপনাৰ সুবিধাও প্ৰদান কৰি আছে।

বন্ধুসকল,

আমি বহুতো গুৰুত্বপূৰ্ণ সংস্কাৰৰ জৰিয়তে বিনিয়োগকাৰীসকলৰ পুৰণি অসুবিধাবোৰো দূৰ কৰিছিলো। ইয়াৰ ফলত বিনিয়োগকাৰীসকলৰ বাবে ভাৰতীয় উৎপাদনত বিনিয়োগ কৰাটো সহজ হৈ পৰিছে। ফলাফল আমাৰ সন্মুখত আছে, সেই একে দশকত ইলেক্ট্ৰনিকছৰ উৎপাদন প্ৰায় ৫০০ শতাংশ বৃদ্ধি পাইছে। ২০১৪ চনৰ তুলনাত মোবাইল ফোনৰ উৎপাদন ২,৭০০শতাংশ বৃদ্ধি পাইছে। যোৱা দশকত প্ৰতিৰক্ষা উৎপাদন ২০০ শতাংশতকৈও অধিক বৃদ্ধি পাইছে। এই সফলতাই আজি ভাৰতৰ সকলো ৰাজ্য আৰু প্ৰতিখন ৰাজ্যক অনুপ্ৰাণিত কৰিছে। সংস্কাৰ আৰু বিনিয়োগক লৈ তেওঁলোকৰ মাজত এক সুস্থ প্ৰতিযোগিতা আৰম্ভ হৈছে, যাৰ ফলত সমগ্ৰ দেশ উপকৃত হৈছে। মই সকলো ৰাজ্যক প্ৰতিখন বৈঠকত, ব্যক্তিগত কথোপকথনত, অতি ৰাজহুৱাভাৱে কৈ আহিছো যে আমি সক্ৰিয় হ’ব লাগিব। আমি উন্নয়নমুখী নীতি গ্ৰহণ কৰিব লাগিব। আমি চিংগল উইণ্ড ‘ক্লিয়াৰেন্সৰ ওপৰত গুৰুত্ব দিব লাগিব। আইনৰ সংস্কাৰৰ ওপৰত গুৰুত্ব দিব লাগিব। এইটো প্ৰতিযোগিতাৰ যুগ, ৰাজ্যখনে যিমান দ্ৰুতগতিত ইয়াৰ নীতিবোৰ পৰিষ্কাৰ কৰি ৰাখে, বিনিয়োগকাৰীৰ আত্মবিশ্বাস সিমানেই বেছি হয়। বিনিয়োগকাৰীসকল সাহসৰে আহে। আজি সমগ্ৰ বিশ্বই ভাৰতৰ ফালে দৃষ্টি ৰাখিছে। এই ক্ষেত্ৰত কোনো ৰাজ্যই পিছ পৰি থকা উচিত নহয়। প্ৰতিখন ৰাজ্যই এই সুযোগ গ্ৰহণ কৰা উচিত। এনেকুৱা প্ৰতিযোগিতা হ’ব লাগে যাতে ভাৰতলৈ অহা বিনিয়োগকাৰীয়ে মই এই ৰাজ্যলৈ যাব লাগে নে সেই ৰাজ্যলৈ যাব লাগে সেই বিষয়ে চিন্তা কৰাত অসুবিধা হয়। এনে এক স্পষ্ট প্ৰতিযোগিতা হ’ব লাগে, ই দেশখনক লাভান্বিত কৰিব আৰু সেয়েহে মই সকলো ৰাজ্যক আমন্ত্ৰণ জনাইছো যে আহক সংস্কাৰৰ বাবে প্ৰতিযোগিতা কৰো, আহক সুশাসনৰ বাবে প্ৰতিযোগিতা কৰো, আহক উন্নয়নমুখী নীতিৰ বাবে প্ৰতিযোগিতা কৰো আৰু ২০৪৭ চনৰ ভিতৰত উন্নত ভাৰত গঠনৰ লক্ষ্য ত্বৰান্বিত কৰাত আমাৰ অংশগ্ৰহণ নিশ্চিত কৰো।

বন্ধুসকল,

ভাৰত ইয়াতেই থমকি ৰোৱা নাই। যিবোৰ খণ্ডত আমি ভাল প্ৰদৰ্শন কৰিছো, সেইবোৰ ক্ষেত্ৰত আমি অধিক ভাল প্ৰদৰ্শন কৰিব লাগিব। ইয়াৰ বাবে আমি অভিযান নিৰ্মাণৰ ওপৰত গুৰুত্ব দিছো। আগন্তুক সময়ত আমাৰ মনোযোগ ভৱিষ্যতৰ উদ্যোগৰ ওপৰত থাকিব। ভাৰতে অৰ্ধপৰিবাহী খণ্ডত অগ্ৰগতি লাভ কৰিছে। দেশত ইয়াৰ ৬টা কাৰখানা থাকিব। আমি অৰ্ধপৰিবাহী নিৰ্মাণক আৰু আগুৱাই নিব লাগিব।

বন্ধুসকল,

ভাৰত চৰকাৰে অটো উদ্যোগৰ বাবে দুৰ্লভ পৃথিৱী চুম্বকৰ অভাৱৰ সৈতে জড়িত অসুবিধাসমূহৰ বিষয়েও অৱগত। এই দিশত দেশৰ সামৰ্থ্য বৃদ্ধি কৰিবলৈ আমি ৰাষ্ট্ৰীয় গুৰুত্বপূৰ্ণ খনিজ অভিযানো আৰম্ভ কৰিছো। ইয়াৰ অধীনত, গুৰুত্বপূৰ্ণ খনিজ পদাৰ্থৰ সন্ধান কৰি দেশৰ বিভিন্ন স্থানত ১২,০০ ৰো অধিক অনুসন্ধান অভিযান চলোৱা হ’ব।

বন্ধুসকল,

অহা সপ্তাহত মই জাপানলৈ যাম। ভাৰত আৰু জাপানৰ মাজৰ সম্পৰ্ক কেৱল কূটনৈতিক সম্পৰ্কতকৈ অধিক, ই এক সাংস্কৃতিক আৰু বিশ্বাসৰ সম্পৰ্ক। আমি ইজনে সিজনৰ উন্নয়নৰ ক্ষেত্ৰত আমাৰ অগ্ৰগতি দেখিছোঁ। আমি মাৰুতি ছুজুকিৰ সৈতে আৰম্ভ কৰা যাত্ৰা এতিয়া বুলেট ট্ৰেইনৰ গতিত উপনীত হৈছে। ভাৰত–জাপান অংশীদাৰিত্বৰ ঔদ্যোগিক সম্ভাৱনা উপলব্ধি কৰাৰ মুখ্য পদক্ষেপ গুজৰাটৰ পৰাই আৰম্ভ হৈছিল। মোৰ মনত আছে, ২০ বছৰ পূৰ্বে যেতিয়া আমি ভাইব্ৰেণ্ট গুজৰাট সন্মিলন আৰম্ভ কৰিছিলো, তেতিয়া জাপান এক গুৰুত্বপূৰ্ণ অংশীদাৰ আছিল। আপোনালোকে বিবেচনা কৰক, এখন উন্নয়নশীল দেশ, এখন সৰু ৰাজ্য, ইয়াৰ বিনিয়োগ সন্মিলন, আৰু জাপানৰ দৰে উন্নত দেশক ইয়াৰ অংশীদাৰ হিচাপে, ই দেখুৱায় যে ভাৰত আৰু জাপানৰ ভেটি কিমান শক্তিশালী আৰু যেতিয়া মই আজি ভাইব্ৰেণ্ট গুজৰাট ভ্ৰমণৰ কথা স্মৰণ কৰিছো, মোৰ বন্ধুসকল ইয়াত বহি আছে, তেওঁলোক আগতে ভাৰতৰ ৰাষ্ট্ৰদূত আছিল, ২০০৩ চনত, আজি তেওঁলোক ইয়াতো আছে, এতিয়া তেওঁলোক অৱসৰ গ্ৰহণ কৰিছে, কিন্তু ভাৰতৰ প্ৰতি তেওঁলোকৰ প্ৰেম, গুজৰাটৰ প্ৰতি থকা প্ৰেম একেই, মই তেওঁলোকক স্বাগতম জনাইছো। গুজৰাটৰ জনসাধাৰণেও জাপানৰ জনসাধাৰণক সমান মৰ্য্যাদাৰে চোৱাচিতা কৰিছিল। আমি উদ্যোগটোৰ সৈতে জড়িত নিয়ম–কানুনবোৰ জাপানী ভাষাত ছপা কৰো। যেতিয়া মই গুজৰাটত আছিলো, মই প্ৰতিটো সৰু সৰু বস্তুৰ যত্ন লৈছিলোঁ, আনকি মোৰ ভিজিটিং কাৰ্ড, যিটো মই জাপানী ভাষাত তৈয়াৰ কৰিছিলোঁ। আমি প্ৰস্তুত কৰা ভিডিঅ ‘সমূহ আছিল প্ৰচাৰমূলক, ভিডিঅ‘টোৰ মান ভাল আছিল, ডাবিং জাপানী ভাষাত কৰা হৈছিল। অৰ্থাৎ, মই জানিছিলো যে মই এই পথত অতি দৃঢ়ভাৱে আগবাঢ়িব লাগিব আৰু মই সকলো ৰাজ্যক কওঁ, সকলোৱে কঠোৰ পৰিশ্ৰম কৰক, খেলপথাৰলৈ আহক, ই অতি লাভজনক হ‘ব।

মোৰ মনত আছে, আৰম্ভণিতে যেতিয়া জাপানৰ পৰা আমাৰ বন্ধুসকল আহিছিল, মই তেওঁলোকৰ ওচৰ চাপিছিলো আৰু তেওঁলোকৰ বিষয়ে সকলো বুজি পাইছিলোঁ। মই লক্ষ্য কৰিছো যে জাপানীসকলৰ এক প্ৰকৃতি আছে যে তেওঁলোকৰ সাংস্কৃতিক পৰিৱেশ তন্ত্ৰ হৈছে তেওঁলোকৰ প্ৰথম অগ্ৰাধিকাৰ। তেওঁলোকে দৰে জাপানী খাদ্য বিচাৰে। গুজৰাটৰ লোকসকলো এনেকুৱা। তেওঁলোকে শনিবাৰ–দেওবাৰে গুজৰাটৰ কোনো এখন ৰেষ্টুৰেণ্টত খাবলৈ অভ্যস্ত, সেয়েহে তেওঁলোকে তাত যাব, মেক্সিকান খাদ্য বিচাৰিব, ইটালীয় খাদ্য বিচাৰিব। কিন্তু যদি গুজৰাটৰ বাহিৰৰ ক’ৰবাত যায়, গুজৰাটীসকলে নিজৰ খাদ্য বিচাৰি থাকে। মই দেখিছোঁ যে জাপানৰ লোকসকলৰো এই প্ৰকৃতি আছে আৰু সেয়েহে মই ইয়াত জাপানী ৰন্ধন প্ৰণালীৰ ব্যৱস্থা কৰিলো, মই জানো, পিছত মোক কোৱা হৈছিল যে জাপানৰ মানুহ  গ‘ল্ফ অবিহনে থাকিব নোৱাৰে, মই তাক অগ্ৰাধিকাৰ দিছিলো আৰু মোৰ জাপানী বন্ধুসকলৰ কথা মনত ৰাখি, আমি গুজৰাটত ৭-৮ টা নতুন গ‘ ল্ফ ক’চ বিকশিত কৰিছিলো, যি গুজৰাটত গ‘ল্ফৰ কোনো চিনেই নাছিল। চাওক, বিকাশ কৰিবলৈ, বিনিয়োগ আনিবলৈ, বিশ্বক আকৰ্ষিত কৰিবলৈ, প্ৰতিটো দিশ চাব লাগিব আৰু আমাৰ দেশত বহুতো ৰাজ্য আছে, যিবোৰে কৰে। মই পিছ পৰি থকা ৰাজ্যসমূহক অনুৰোধ জনাইছো যে আপোনালোকেও প্ৰতিটো দিশক এক সুযোগ হিচাপে বিবেচনা কৰক আৰু উন্নয়নৰ এক নতুন দিশ গ্ৰহণ কৰক। কেৱল এইটোৱেই নহয়, আমাৰ বিদ্যালয়ত, আমাৰ মহাবিদ্যালয়সমূহত আৰু আমাৰ বিশ্ববিদ্যালয়সমূহত জাপানী ভাষা অতি বৃহৎ পৰিসৰত শিকোৱাত অগ্ৰাধিকাৰ দিয়া হৈছে। আজি গুজৰাটত বহুতো জাপানী ভাষাৰ শিক্ষক আছে। বহু বিদ্যালয়ত জাপানী ভাষা শিকোৱা হৈছে।

বন্ধুসকল,

আমাৰ এই প্ৰচেষ্টাসমূহৰ জৰিয়তে ভাৰত আৰু জাপানৰ জনসাধাৰণৰ মাজত সম্পৰ্ক যথেষ্ট বৃদ্ধি পাইছে। আমি দক্ষতা আৰু মানৱ সম্পদৰ সৈতে জড়িত ইজনে সিজনৰ প্ৰয়োজনীয়তাও পূৰণ কৰিবলৈ সক্ষম হৈছো। মই বিচাৰো যে মাৰুতি–ছুজুকিৰ দৰে কোম্পানীবোৰো এনে প্ৰচেষ্টাৰ অংশ হওক আৰু যুৱ বিনিময়ৰ দৰে প্ৰচেষ্টা বৃদ্ধি কৰক।

বন্ধুসকল,

একেদৰে, আমি অনাগত সময়ত সকলো গুৰুত্বপূৰ্ণ ক্ষেত্ৰত আগবাঢ়ি যাব লাগিব। মই আত্মবিশ্বাসী যে আজিৰ আমাৰ প্ৰচেষ্টাই ২০৪৭ চনৰ এখন উন্নত ভাৰতৰ নিৰ্মাণক নতুন শিখৰলৈ লৈ যাব আৰু মই নিশ্চিত যে এই লক্ষ্যত উপনীত হ‘বলৈ জাপান আমাৰ নিৰ্ভৰযোগ্য অংশীদাৰ হৈ থাকিব, আমাৰ বন্ধুত্ব অবিচ্ছেদ্য হৈ থাকিব আৰু মই আগতেই কৈছিলো যে জাপান আৰু ভাৰতৰ ক্ষেত্ৰত এয়া ইজনে সিজনৰ বাবে গঢ়ি তোলা সম্পৰ্ক। মই আজি বিশেষকৈ মাৰুতীক বহুত বহুত শুভেচ্ছা জনাইছো আৰু এই মুহূৰ্তত কৈশোৰ কালৰ আৰম্ভণি হৈছে, আপুনি আপোনাৰ পৰিসৰ বিস্তাৰ কৰিব লাগিব। নতুন সপোন বোৱাব লাগিব, আপোনাৰ সংকল্পৰ বাবে, ইয়াৰ পূৰণৰ বাবে, আমি আপোনাৰ সৈতে সম্পূৰ্ণ শক্তিৰে আছো। এই বিশ্বাসৰে আমি সকলোৱে আত্মনিৰ্ভৰশীল ভাৰতৰ অভিযানক আগুৱাই লৈ যাম। ভোকেল ফৰ লোকেল হওক। স্বদেশী– এয়া আমাৰ জীৱন মন্ত্ৰ হ’ব লাগে বন্ধুসকল, গৌৰৱেৰে স্বদেশীৰ ফালে আগবাঢ়ি যাওক। জাপানৰ দ্বাৰা ইয়াত তৈয়াৰ কৰা বস্তুবোৰো থলুৱা। স্বদেশীৰ বিষয়ে মোৰ ব্যাখ্যা অতি সৰল, কোনে টকা পায় তাৰ সৈতে ইয়াৰ কোনো সম্পৰ্ক নাই। এয়া ডলাৰ, এয়া পাউণ্ড, ই ক‘লা, ই বগা, মই ইয়াত গুৰুত্ব নিদিওঁ। কিন্তু তাত যি উৎপাদন আছে, তাত মোৰ দেশবাসীসকলৰ ঘাম থাকিব। টকা কাৰোবাৰ, ঘাম আমাৰ। এই উৎপাদনত মোৰ দেশৰ, মোৰ মাতৃ ভাৰতৰ মাটিৰ গোন্ধ থাকিব। এই মনোভাৱেৰে, মোৰ সৈতে আহক বন্ধুসকল,২০৪৭ চনত আমি এনে এখন ভাৰত সৃষ্টি কৰিম, আপোনাৰ ভৱিষ্যত প্ৰজন্মই এই ত্যাগৰ বাবে, আপোনাৰ এই অৱদানৰ বাবে, আপোনাৰ ভৱিষ্যত প্ৰজন্মৰ উজ্জ্বল ভৱিষ্যতৰ বাবে, আত্মনিৰ্ভৰশীল ভাৰতৰ এই মন্ত্ৰৰ বাবে, স্বদেশী পথৰ বাবে গৌৰৱান্বিত হ‘ব। এই মনোভাৱৰ সৈতে, মই আপোনালোক সকলোকে শুভেচ্ছা জনাইছো যিহেতু আপোনালোকে বিশ্বৰ এই কল্যাণত ভাৰতৰ অৱদান বৃদ্ধি কৰি আছে! বহুত বহুত ধন্যবাদ!

***

MJPS/ST/AV/RK/MK