پی ایم انڈیا

وزیراعظم جناب  نریندر مودی نے آج میانمار کے صدر یو من آنگ ہلاینگ کے ساتھ تعمیری اور نتیجہ خیز بات چیت کی۔

وزیراعظم نے اس بات پر مسرت کا اظہار کیا کہ ہندوستان کے لیے یہ باعث اعزاز ہے کہ صدر یو من آنگ ہلاینگ نے صدر کا عہدہ سنبھالنے کے بعد اپنے پہلے غیر ملکی دورے کے لیے ہندوستان کا انتخاب کیا۔ انہوں نے اس بات پر بھی خوشی کا اظہار کیا کہ صدر نے ہندوستان میں اپنے پروگرام کا آغاز بھگوان بدھ کے آشیرواد کے ساتھ بودھ گیا سے کیا۔

بات چیت کے دوران دونوں رہنماؤں نے بھارت اور میانمار کے تعلقات کے تمام پہلوؤں کا جامع جائزہ لیا اور دوطرفہ تعاون کو مزید مضبوط بنانے کے طریقوں پر تبادلہ خیال کیا۔

ان مذاکرات میں تجارت، کمیاب زمینی عناصر (ریئر ارتھس)، صحت عامہ، روابط (کنیکٹیوٹی)، تاریخی ورثے کی بحالی اور صلاحیت سازی میں اضافے  کے شعبوں میں تعاون کو مزید گہرا کرنے کے مواقع شامل تھے۔ دونوں فریقوں نے بحری سیکیورٹی، سائبر سیکیورٹی اور باہمی دلچسپی کے دیگر شعبوں میں بھی مل کر کام کرنے پر اتفاق کیا۔

وزیراعظم نے اس بات پر زور دیا کہ میانمار ہندوستان کی ’نیبر ہڈ فرسٹ‘ (پڑوسی پہلے)، ’ایکٹ ایسٹ‘ اور ’انڈو-پیسفک‘کی پالیسیوں کے لیے انتہائی اہم ہے اور انہوں نے میانمار کے ساتھ اپنے تعلقات کو ہندوستان کی طرف سے دی جانے والی ترجیح کا اعادہ کیا۔

وزیراعظم نے سوشل میڈیا پلیٹ فارم ’ایکس‘پر لکھا:

’’میانمار کے صدر یو من آنگ ہلاینگ کے ساتھ ایک تعمیری اور نتیجہ خیز ملاقات ہوئی۔ ہندوستان میں ہمارے لیے یہ باعثِ مسرت اور اعزاز ہے کہ انہوں نے صدر کے طور پر اپنے پہلے غیر ملکی دورے کے لیے ہندوستان کا انتخاب کیا۔ یہ بات بھی اتنی ہی خوش آئند ہے کہ انہوں نے اپنے دورے کا آغاز بھگوان بدھ کے آشیرواد کے ساتھ بودھ گیا سے کیا۔ ہم نے بھارت اور میانمار کے تعلقات کے تمام پہلوؤں کا جائزہ لیا۔ میانمار ہندوستان کی ’نیبر ہڈ فرسٹ‘، ’ایکٹ ایسٹ‘ اور ’انڈو-پیسفک‘ پالیسیوں کا ایک اہم ستون ہے۔‘‘

’’ہماری بات چیت میں تجارت، کمیاب زمینی عناصر (ریئر ارتھس)، صحت عامہ، روابط (کنیکٹیوٹی)، تاریخی ورثے کی بحالی اور صلاحیتوں میں اضافے کے شعبوں میں تعاون کو مزید گہرا کرنے کے طریقوں کا احاطہ کیا گیا۔ ہم بحری سیکیورٹی، سائبر سیکیورٹی اور دیگر اہم شعبوں میں بھی مل کر کام کرنے پر متفق ہوئے ہیں۔‘‘

Had a productive meeting with President U Min Aung Hlaing of Myanmar. We in India are honoured that he has chosen India for his first foreign visit as President. Equally gladdening is the fact that he began the visit from Bodh Gaya, with the blessings of Lord Buddha. We reviewed… pic.twitter.com/eL1sXgsrE6

— Narendra Modi (@narendramodi) June 1, 2026

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔  م م۔ع ن)

U. No. 7842