પીએમઇન્ડિયા

પ્રધાનમંત્રી શ્રી નરેન્દ્ર મોદી અને આર્મેનિયા રિપબ્લિકના પ્રધાનમંત્રી, મહામહિમ શ્રી નિકોલ પાશિન્યાને આજે કિર્ગિઝ રિપબ્લિકના બિશ્કેકમાં 26મી SCO સમિટ દરમિયાન મુલાકાત કરી હતી. આ વર્ષે જૂનમાં આર્મેનિયામાં યોજાયેલી સામાન્ય ચૂંટણીઓ પછી પ્રધાનમંત્રી પાશિન્યાનની પુનઃનિમણૂક થયા બાદ પ્રધાનમંત્રી મોદી અને પ્રધાનમંત્રી પાશિન્યાન વચ્ચેની આ પ્રથમ બેઠક હતી.

પ્રધાનમંત્રી મોદીએ પ્રધાનમંત્રી પાશિન્યાનને ચૂંટણીમાં વિજય અને પદભાર સંભાળવા બદલ અભિનંદન પાઠવ્યા હતા. બેઠક દરમિયાન બંને નેતાઓએ સંરક્ષણ, આર્થિક, ફાર્મા, ખાણકામ, શિક્ષણ અને સાંસ્કૃતિક ક્ષેત્રો સહિત દ્વિપક્ષીય સહયોગ અંગે ચર્ચા કરી હતી. તેમણે તાજેતરના સમયમાં સંકેતો અનુસાર વિવિધ ક્ષેત્રોમાં દ્વિપક્ષીય સહયોગના વિસ્તાર પર સંતોષ વ્યક્ત કર્યો હતો અને બંને દેશો વચ્ચેની ખાસ ઉષ્મા અને મિત્રતા દ્વારા ચિહ્નિત આ સંબંધોને વધુ મજબૂત કરવા માટે પ્રતિબદ્ધતા દર્શાવી હતી.

બંને નેતાઓએ પશ્ચિમ એશિયાની પરિસ્થિતિ સહિત પ્રાદેશિક અને વૈશ્વિક વિકાસ પર પણ ચર્ચા કરી હતી. પ્રધાનમંત્રીએ આ પ્રદેશમાં શાંતિ અને સ્થિરતા સુરક્ષિત કરવા માટે સંવાદ અને મુત્સદ્દીગીરી દ્વારા સતત પ્રયાસોની જરૂરિયાતનો પુનરોચ્ચાર કર્યો હતો.

પ્રધાનમંત્રી પાશિન્યાને પ્રધાનમંત્રી મોદીને આર્મેનિયા-અઝરબૈજાન શાંતિ સમજૂતીના અમલીકરણની વર્તમાન સ્થિતિ વિશે માહિતી આપી હતી.

બંને નેતાઓએ દ્વિપક્ષીય સંબંધોને વધુ મજબૂત કરવા અને પરસ્પર હિતના ક્ષેત્રોમાં સહયોગને આગળ વધારવા માટે મળીને કામ કરવા સંમતિ દર્શાવી હતી.

SM/BS/JD