প্ৰধানমন্ত্ৰী শ্ৰী নৰেন্দ্ৰ মোদীয়ে ২০২৬ চনৰ ৫ নৱেম্বৰত নতুন দিল্লীৰ ইন্দিৰা গান্ধী ক্ৰীড়া চৌহদত বিয়লি প্ৰায় ৪.৩০ বজাত এছিয়ান পেৰা গেমছ ২০২৬ত অংশগ্ৰহণ কৰা ভাৰতীয় দলটোৰ সৈতে মত বিনিময় কৰিব। এই উপলক্ষে তেওঁ দলটোক উদ্দেশ্যি ভাষণো দিব।
চলিত বৰ্ষৰ জাপানৰ আইচি-নাগোয়াত অনুষ্ঠিত এছিয়ান পেৰা গেমছত ভাৰতে সৰ্বশ্ৰেষ্ঠ প্ৰদৰ্শন কৰে। মুঠ ৯৭ গৰাকী ভাৰতীয় পেৰা খেলুৱৈয়ে ১১৪ টা পদক লাভ কৰে, যাৰ ভিতৰত আছে ৩০ টা স্বৰ্ণ, ৩৫ টা ৰূপ আৰু ৪৯ টা ব্ৰঞ্জৰ পদক।
এই কাৰ্যসূচীত খেলুৱৈ, প্ৰশিক্ষক, ভাৰতীয় পেৰালিম্পিক কমিটি আৰু ভাৰতীয় অলিম্পিক এছ’চিয়েচনৰ বিষয়া, ৰাষ্ট্ৰীয় ক্ৰীড়া ফেডাৰেচনৰ প্ৰতিনিধি, যুৱ পৰিক্ৰমা আৰু ক্ৰীড়া মন্ত্ৰালয়ৰ বিষয়াসকলে অংশগ্ৰহণ কৰিব।
****
MJPS/SS/PRK/NB
