Search

ન્યૂઝ અપડેટ

વિષયવસ્તુ પીઆઇબીથી આપમેળે પ્રાપ્ત થાય છે

પ્રધાનમંત્રીએ ખેડૂતોની સમૃદ્ધિ વધારવા અને ગ્રામીણ ભારતને મજબૂત કરવા માટે લેવામાં આવેલા પરિવર્તનકારી પગલાં અંગેનો એક લેખ શેર કર્યો


પ્રધાનમંત્રી શ્રી નરેન્દ્ર મોદીએ આજે કેન્દ્રીય મંત્રી શ્રી શિવરાજ સિંહ ચૌહાણનો એક લેખ શેર કર્યો છે. આ લેખમાં જણાવવામાં આવ્યું છે કે છેલ્લાં 12 વર્ષોમાં સ્વદેશી વેક્સિનોના વિકાસે પશુધન અને મરઘાં-પાલનને ચેપી રોગોથી બચાવવામાં કેવી રીતે મહત્વપૂર્ણ ભૂમિકા ભજવી છે. આ પ્રયાસોએ પશુઓના સ્વાસ્થ્યનું રક્ષણ કરવામાં, રોગોને કારણે થતા નુકસાનને ઘટાડવામાં, ખેડૂતોની આવક વધારવામાં અને ખેડૂત સમુદાયોના જીવનધોરણમાં સુધારો કરવામાં મદદ કરી છે.

શ્રી મોદીએ જણાવ્યું હતું કે સ્વદેશી વેક્સિનોનો વિકાસ પશુ આરોગ્ય સંભાળના ક્ષેત્રમાં ભારતની વધતી જતી ક્ષમતાઓને પ્રતિબિંબિત કરે છે, અને સાથે જ તે એક મજબૂત તથા આત્મનિર્ભર કૃષિ ઇકોસિસ્ટમ ઊભી કરવા પ્રત્યે દેશની પ્રતિબદ્ધતાને પણ દર્શાવે છે.

શ્રી મોદીએ ‘X’ પર પોસ્ટ કર્યું;

છેલ્લા 12 વર્ષોમાં, આપણા ખેડૂતોની સમૃદ્ધિ સુનિશ્ચિત કરવા અને ગ્રામીણ ભારતને સશક્ત બનાવવા માટે અનેક ઐતિહાસિક પગલાં લેવામાં આવ્યા છે.

આ લેખમાં, કેન્દ્રીય કૃષિ અને ખેડૂત કલ્યાણ મંત્રી @ChouhanShivraj વિગતવાર સમજાવે છે કે કેવી રીતે સ્વદેશી વેક્સિનોનો વિકાસ પશુધન અને મરઘાં-પાલનને ચેપી રોગોથી બચાવવામાં મદદ કરી રહ્યો છે. આનાથી માત્ર ખેડૂતોની આવકમાં જ વધારો થયો નથી, પરંતુ તેમનું જીવન પણ વધુ સારું અને સરળ બન્યું છે.

 

SM/DK/JT

સોશિયલ મીડિયા પર અમને ફોલો કરો :  PM India@PIBAhmedabad   Image result for facebook icon /pibahmedabad1964   PM India /pibahmedabad  PM Indiapibahmedabad1964@gmail.com [ PM India 0KB ]