Search

অনৌবা পাউশিং

মচাকশিং অসি পি আই বিদগী মশা মথন্তা লৌথোকচবনি

প্রধান মন্ত্রী শ্রী নরেন্দ্র মোদীনা বিহারগী বৈশালিদা চাওরাক্না লুপা করোর ৩৪,৪৭০গী ওইবা জাতিগী চাওখৎ-থৌরাংগী প্রোজেক্তশিং শঙ্গাখ্রে, উরেপ-উয়ুং তমখ্রে অমসুং কত্থোকখ্রে


প্রধান মন্ত্রী শ্রী নরেন্দ্র মোদীনা ঙসি বিহারগী বৈশালিদা চাওরাক্না লুপা করোর ৩৪,৪৭০গী চংগদবা জাতিগী চাওখৎ-থৌরাংগী প্রোজেক্তশিং শঙ্গাখ্রে, উরেপ-উয়ুং তমখ্রে অমসুং  কত্থোকখ্রে। থৌরম অসিদা মীয়াম তিনখিবা মিয়ামদা ৱা ঙাংলদুনা প্রধান মন্ত্রীনা থোইদোক্না ফোংদোকখি মদুদি মিয়ামগী থাজবগী অচৌবা কুম্মৈ, সথ অসি হন্দক্তা লোয়শিনখ্রে, মদুদা মমা-মপাশিংনা মখোয়গী ইমুং-মনুং, খুন্নাই, অমসুং  মালেম পুম্বগী য়াইফনবা অরুবা ‘নিরজলা’ রোজা অমা পাংথোকখি। শ্রী মোদীনা হায়খি, “হৌজিক সথি মৈয়াগী থৌজালদগী ঐখোয়না মফম অসিদা চাওখৎ-থৌরাংগী থৌরম পাঙথোক্লি।”

প্রধান মন্ত্রীনা অকনবা ৱাফম থমখি মদুদি “সবকা সাথ, সবকা বিকাস” হায়বা মন্ত্র অসিগা লোয়ননা মিয়ামগী য়াইফনবা গনতন্ত্রগী শক্তি শিজিন্নদুনা বিহারগী চাওখত্‍‌পগী খোঙচৎ অসি মাংলোমদা চংশিল্লে। মহাক্না হায়খি মদুদি হৌজিক লৈরিবা সরকার অসিগী চহি অমা লোয়শিনবগী থৌরম ওইনা গনতন্ত্রগী অচৌবা লম ওইরিবা বৈশালি খনবসি য়াম্না চুম্মী। বৈশালি অমসুং  বিহারগী লৈমায়দা ইকায় খুম্নবা উৎলদুনা মহাক্না মায়পাকপা অসিগা মরি লৈনবা পুম্নমকপু নুংঙায়বা ফোঙদোকখি। চাওরাক্না দিকেদ অহুমগী মমাঙদা বিহারনা মতৌ করম্না আশা অমসুং  থাজবগী অনৌবা লম্বি অমা খনখিবগে হায়বদু প্রধান মন্ত্রীনা নিংশিংখি। নিতিশ কুমারনা মুখ্য মন্ত্রী ওইনা শাংলবা মতমদা রাজ্য অসিনা অফবা লৈঙাক্লোনগী মায়কৈদা খোঙথাং কয়া লৌখৎখি, অমসুং  হৌজিক মহাক্কী থৌজালদগী সমরাত চৌধরিনা খোঙচৎ অসি মাংলোমদা পুখৎলি। প্রধান মন্ত্রীনা লুপা কোতি লিশিং কয়াগী চাওখৎ-থৌরাংগী প্রোজেক্তশিং শঙ্গাখি অমসুং  উরেপ-উয়ুং তমখি। মসিগী মনুংদা নিতিশ কুমারবু ইকায়খুম্নবা ওইনা “নিতিশ সেতু” হায়না মমিং থোনবা গঙ্গা তুরেলগী মথক্তা লৈবা লেন ৬কি দরগাহ-বিদুপুর কেবল থোঙ অসি য়াওরি। মহাক্না থোঙ অসিগী সোসিএল ইম্পেক্ততা অকনবা ৱাফম থমখি, মসিনা পতনা অমসুং  বৈশালিগী মরক্তা লৈরিবা অরাপ্পা অমসুং  খুদোংচাদবশিং হন্থহল্লগনি, অমসুং  মহৈ-মরোং, মনা-মশিং, উহৈ-ৱাহৈ, শঙ্গোম অমসুং  শঙ্গোম অফম্ববু অচৌবা কৈথেলশিংদা পুথোক পুশিন তৌবদা লাইথোকহল্লগনি হায়না ফোঙদোকখি। শ্রী মোদীনা হায়খি, “মসিনা মফম অসিদা লৈরিবা নহাশিংদা মহৈ-মশিং তম্বগী খুদোংচাবা ফংহল্লগনি, অমসুং  অহল ওইরবশিংদা হেন্না ফবা হেলথকেয়র ফংহল্লগনি।”

বিহারদা মোদর্ন রোদ নেতৱার্ককি খোঙজেল য়াংনা পাকথোক-চাওথোকহনবদা অকনবা ৱাফম থম্লদুনা প্রধান মন্ত্রীনা ঔরঙ্গবাদ-চোরদাহা লেন– ৬কি হায়ৱে শঙ্গাবা অমসুং  অতৈ হায়ৱে প্রোজেক্ত কয়া উরেপ-উয়ুং তম্বা অদুবু থোইদোক্না ফোংদোকখি। প্রধান মন্ত্রী মোদীনা হায়খি, “প্রোজেক্তশিং অসিদা লুপা কোতি লিশিং কয়া চাদিং তৌগনি।”

প্রধান মন্ত্রীনা পনখি মদুদি, লম্বিগী নেতৱর্ককি মথক্তা, বিহারদা ইনর্জি অমসুং  অরবান দিবেলপমেন্ত সেক্তরদসু য়াম্না থুনা অহোঙবা লাক্লি। মসিদা বক্সর থর্মেল পাৱর প্লান্ত শাবা, পিরপেন্তি থর্মেল পাৱর প্লান্তকিদমক ত্রান্সমিসন সিস্তেমগী উরেপ-উয়ুং তম্বা অমসুং  ফুলৱারিয়া দামদা সোলর ইনর্জি প্লান্ত অসিনচিংবা অচৌবা ইনিসিয়েতিবশিং য়াওরি। রাজ্য অসিগী হৌখ্রবা অমসুং  হৌজিক্কী মতম অসি চাংদম্নরদুনা প্রধান মন্ত্রীনা হায়খি, “বিহারগী খুঙ্গং লিশিং কয়াদা মৈ য়ৌদবা মতম অমা লৈরম্মি; ঙসিদি বিহার অসি পাৱর জেনেরেসনগী অচৌবা হব অমা ওইরক্লি।”

প্রধান মন্ত্রী অৱাস য়োজনাগী মখাদা লায়রবা ইমুং লিশিং কয়াদা পক্কাগী য়ুমশিংগী শোশিং শিন্নবগা লোয়ননা অরবান ত্রান্সপোর্তকি খুদোংচাবা ফংহন্নবা ঙসি মোদর্ন পি.এম. ই-বস ১০০ লমথাখিবা অদু থোইদোক্না পল্লদুনা মোদীনা রিমার্ক তৌরদুনা হায়খি, “ঐহাক্না বিহারগী মিয়ামদা চাওখৎ-থৌরাংগী থবক পুম্নমক অসিগীদমক নুংঙায়বা ফোঙদোকচরি।”

বিহারগী ত্রান্সফোর্মেসনগী শাংলবা খোঙচৎকি মতাঙদা খন্নরদুনা প্রধান মন্ত্রীনা হায়খি মদুদি ঙসি রাজ্য অসিনা ইনভেস্তমেন্ত ফিগরশিং, ক্রিমিনেলশিংগী মায়োক্তা এক্সন লৌখত্‍‌পা, অমসুং  চাওখৎ-থৌরাংগীদমক হকচাং ফবা কম্পিতিসন অমদা মিত্‍‌য়েং থমলি। প্রধান মন্ত্রী মোদীনা হায়খি, “নোর্থ বিহার ওইগেরা, নালন্দা-গয়াজি ওইগেরা, শাহবাদ-কৈমুর ওইগেরা, নত্রগা কেপিতেল পতনা ওইগেরা – লমদম খুদিংমক্তা চাওখত্‍‌পগী অনৌবা ৱারি অমা ইখ্রে।” হৌখিবা চহি অমদা হৌজিক লৈরিবা সরকার অসিনা মায়পাকপশিং অসি বিহারগী খোঙজেল য়াংনা চাওখৎলকপগী খুদম ওইনা পনদুনা প্রধান মন্ত্রীনা ইনিসিয়েতিব কয়া অমা লিস্ত তৌখি। মসিদা লুপা কোতি লাখ ২ হেনবগী ইনভেস্তমেন্তকি এগ্রিমেন্তশিং; গয়াজিদা লুপা কোতি ৬,০০০গী স্তীল প্রোজেক্ত অমগী থবক হৌবা; মোতিহারি য়াওনা থোঙ লোল্লবা চিনিগী মিলশিং অমুক হন্না হিংগৎহন্নবা অনৌবা চুগী ইন্সেন্তিব পোলিশি অমা; লৌমি খুদিংমক্কী লৌবুক্তা ইশিং ফংহন্নবা অনৌবা ত্যুব ৱেল ১১,০০০ থম্নবা থৌরাং; ইরিগেসনগীদমক্তা পূং ১২গী মৈ শোয়দনা ফংহন্নবা পুৱারি ওইরবা ৱারেপ; চহি অমদা অনৌবা দিগ্রী কোলেজ ২০০ হেন্না হাংদোকপা অমসুং  নুপিমচাশিংগীদমক “মা সিতা মহিলা বিস্ববিদ্যালয়”গী অয়াবা পিবা। প্রধান মন্ত্রী মোদীনা হায়খি, “বিহারগী চাওখত্‍‌পগী লিস্ত অসি অসুক শাংই মদুদি মসি প্লেৎফোর্ম অমখক্তদগী মপুঙ ফানা লেপথোকপা ঙমদে; বিহারগী চাওখত্‍‌পা অসি মফম অসিদা লাকপখক্তদা খঙবা ঙমগনি।”

প্রধান মন্ত্রীনা হায়খি মদুদি ইন্তেন্সন অদু ময়েক শেংলবা মতমদা মদুগী ফল অদু ময়েক শেঙনা উবা ফঙই। মহাক্না ফোঙদোকখি মদুদি মহাক্কী সরকারনা চহি ১২গী মনুংদা মিওই মিলিয়ন ৫০০ লায়রবা কোকহনখ্রে। শ্রী মোদীনা অকনবা ৱাফম থমখি, “মসি সরকারগী ৱীলপাৱর অমসুং  লায়রবশিংগী নুংঙাই-য়াইফনবা হৌদোকখিবা স্কীমশিংগী মহৈনি।”

প্রধান মন্ত্রীনা লায়রবগী মায়োক্তা লান্থেংনরিবা অসিদা ভারতনা মায় পাক্লি হায়না ফোঙদোকখি। মসি ফংবা ঙম্নবা সরকারনা খুদোংচাদবা নাগরিক লাখ কয়াগী পূন্সি মহিং লাইথোকহনবা অমসুং  মখোয়দা খুদোংচাবশিং ফংহনবদা মরু ওইবা পিখ্রে। মসিদা মিওই মিলিয়ন ৮০দা ফ্রী ফুদ গ্রেন ফংহনবা; ইমুং লাখ কয়াদা পক্কাগী য়ুমশিং পিদুনা সেক্যুরিতিগী ৱাখল্লোন অমা পিবা; মমল য়াম্লবা লাইয়েংগী পোৎলুম কোকহন্নবা ফ্রি মেদিকেল কেয়রগী গরেন্তি পিবা; অমসুং  তোইলেৎ, মৈ, অমসুং  ইশিং ফংহন্দুনা ইকায় খুম্নবা পূন্সি অমা শোয়দনা ফংহনবা। অহোঙবা অসিগী মতাঙদা ফোঙদোক্লদুনা প্রধান মন্ত্রী মোদীনা হায়খি, “মসিনা মরম ওইদুনা মতম অমদা লায়রবা ওইরম্বা মিওইশিং ফাওবা থাজবা হেনগত্‍‌লে অমসুং  লায়রববু মায়থিবা পিদুনা মাংলোমদা চংশিল্লে।” লায়রবা কোকহন্নবগী খোঙজংদা বিহারগী মরুওইবা থৌদাং অদু ফোঙদোক্লদুনা, হৌজিক লৈরিবা সরকার অসিগী কন্না হোৎনবনা মরম ওইদুনা – মফম অদুদা রাজ্য সরকারনা কেন্দ্র স্কীমশিং ইমপ্লিমেন্ত তৌখি অমসুং  য়ুমথোঙ খুদিংদা য়ৌহনখি – প্রধান মন্ত্রীনা হায়খি মদুদি বিহারগী ইমুং লাখ ৪৩না পুক্কা য়ুম ফংলে, অমসুং  অতোপ্পা মিলিয়ন ১১না ওগস্ততা অয়াবা পিখি। মসিগী মথক্তা, পি.এম.কিসান সম্মান নিধিগী মখাদা চাওরাক্না লৌমি লাখ ৭৫না লুপা কোতি লিশিং কয়া ফংখ্রে, অমসুং  সেলফ-হেলপ গ্রুপশিং (এস.ঐচ.জি.শিং)দা মতেং পাংবনা খুঙ্গংগী নুপি লাখ ৫০দা “লাখপতি দিদিজ” ওইহন্নবা শক্তি পিখ্রে। শ্রী মোদীনা হায়খি, হোত্‍‌নরিবশিং অসিনা মরম ওইদুনা ঙসি বিহারগী মিওই কোতি কয়া লায়রবা কোকহনখ্রে, অমসুং  লৈবাক অসিনা মসিগী মায়পাকপা অসিসু ফংবা ঙম্লে।

মহাক্কী ৱারোল লোয়শিনবদা প্রধান মন্ত্রীনা বিহারদা মমাঙদা অমুক্তা ওইখিদ্রিবা মওংদা চাওখত্‍‌পগী খোঙচৎকিদমক নুংঙায়বা ফোঙদোকখি অমসুং  কোওপরেসন পার্ত্নর পুম্নমক্তা খোঙজেল অসি ঙাক্তুনা থম্নবা হায়খি। প্রধান মন্ত্রী মোদীনা অকনবা ৱাফম থমখি, “ঐখোয়না লেপ্পা নত্রগা চোকথবা তৌরোইদবনি; ঐখোয়না মখা তানা পুন্না থবক তৌমিন্নদুনা তৌবা ঙম্বা, য়াইফবা অমসুং  মশানা মরোমদোম লেপচবা ঙম্বা বিহার অমা শেমগৎকদবনি।”

***