ভারত ইমানা য়াইফরে।
ভারত ইমানা য়াইফরে।
স্তেজতা লেংশিল্লিবা মশক নাইরবা দিগ্নিতরীশিং, অমসুং মশিং য়াম্না মফম অসিদা তিল্লিবা বিহারগী ঐগী নুংশিরবা ইচিল-ইনাওশিং – ঐহাক্না মুখ্য মন্ত্রী অমসুং এন.দি.এ.গী লুচিংবা পুম্নমক্তা নখোয়গী নরক্তা য়াওনবা, নখোয় পুম্নমক উনবা অমসুং নখোয়দা ইকাই খুম্নবা উৎনবগী খুদোংচাবা ঐঙোন্দা পীনবিবগীদমক তৌবিমল খঙবা ফোংদোকচরি। মশিং য়াম্লবা মীয়াম অসিবু কেমেরানা মপুং ফানা লৌবা ঙমগনি হায়বা ঐহাক্না থাজদে। য়ামখ্রবা মীয়াম – মসি চাউখৎপগী মাইকৈদা চংশিল্লি হায়বগী শঙ-শঙ উবা ফংলিবা খুদম অমনি।
মরুপশিং,
থাজবগী কুহ্মৈ, ছাথ লোইখিবতা ঙাইরি। ঐখোয়গী ইমাশিং অমসুং ইচে-ইচলশিংনা কন্না বর্তন তৌখি – ঈশিং ফাওবা থকখিদে – মখোয়গী ইমুং-মনুং, খুন্নাই অমসুং মালেম পুম্বগী য়াইফনবগীদমক থৌনিখি। হৌজি ছাথি মৈয়াগী থৌজালশিংগা লোয়ননা ঐখোয়না মফম অসিদা চাউখৎ-থৌরাংগী কুহ্মৈ অমা পাংথোক্লি।
মরুপশিং,
বিহারগী চাউখৎ-থৌরাংগী খোঙচৎ অসিদা ঐখোয়না ‘সবকা সাথ, সবকা বিকাস’ হায়বা মন্ত্রনা লমজিংদুনা মাংদা চংশিনখি। ঐখোয়না দেমোক্রেসীগী শক্তি অসি মীয়ামগী য়াইফনবগীদমক শীজিন্নখি। এন.দি.এ. সরকারনা মাগী চৎলিবা তর্মগী চহি অমা মপুং ফারকপা অসিদা ঐখোয়না বৈশালিগী পুৱারী ওইরবা লমদম অসিবু থৌরম অসি পাংথোক্নবা খনখি। নুমিৎ অসিদা ঐহাক্না বৈশালি অমসুং বিহারগী লমদমদা ইকাই খুম্নবা উৎচরি। ঐহাক্না এন.দি.এ.গী শরুক ওইরিবা দল পুম্নমক, ঐখোয়গী মশিং লাকঙমদ্রবা পার্তীগী ৱার্করশিং অমসুং বিহারগী মীয়ামদা য়াইফ-পাউজেল পীজরি।
মরুপশিং,
দিকেদ অহুমগী মমাংদা বিহারনা অনৌবা লম্বী অমা খনখি – আশা অমসুং থাজবা। দিকেদ কয়া অৱাবা মায়োক্নদুনা লাক্লবা বিহারনা ইকাই খুম্নরবা নিতিশজীগী লুচিং মখাদা ‘গুদ গভর্নান্স’তা থাজবগী অনৌবা ইথিল অমা ফংখি। নিতিশজীনা চহি কয়া বিহারগী মুখ্য মন্ত্রী ওইনা থৌ পুখি। হৌজিক মহাক্কী থৌজালশিংগা লোয়ননা সমরৎ চৌধরীজী অমসুং মহাক্কী অপুনবা তিমনা মসিগী মিসন অসি মাংদা পুরি। চপ মান্নবা ৱাখল্লোনদা লুপা করোর লিশিং কয়াগী চাউখৎ-থৌরাংগী প্রোজেক্তশিং ঙসি শঙ্গাখ্রে অমসুং মফম অসিদা উরেপ উয়ুং তমখ্রে। অমসুং ঐহাক্না চেৎনা থাজৈ মদুদি ঐগী মরুপ রাম বিলাসজীগী থৱায়না ঐখোয়দা লৈশিং চাইথবিরি – মরমদি মহাক্কী মঙলানশিং অদুবু ঐখোয়না মপুং ফাহল্লি।
মরুপশিং,
বিদুপুর শম্নহল্লিবা গঙ্গাগী মথক্তা লেন তরুক্কী কেবল-স্তে ব্রিদ অসি মীয়ামদা কত্থোকচখ্রে। ইকাই খুম্নরবা নিতিশজীবু ইকাই খুম্নবা উৎপা ওইনা অনৌবা থিং অসি ‘নিতিশ সেতু’ হায়না মমিং থোনখ্রে। মসিনা বিহারগী মীয়াম্না মহাক্কী কত্থোক্তুনা সেবা তৌবা অদুবু ইকাই খুম্নবা অমসুং শীংথাবগী খুদম অমা ওইরি। থোং অসিনা পত্না অমসুং বৈশালিগী মরক্তা চৎথোক চৎশিন তৌবদা চংবা মতম অমসুং শীংনবশিং হন্থহল্লগনি। মসিনা লৌউ-শিংউগী পোত্থোক – মহৈ-মরোং, উহৈ-ৱাহৈ, মনা-মশিং, শঙ্গোম অমসুং শঙ্গোমগী পোত্থোকশিংগুম্বা অসি অচৌবা কৈথেলশিংদা লায়না হৌজিক্তি য়ৌহনবা ঙম্লগনি। মখা তানা মসিনা নহারোলগীদমক এজুকেসন এক্সেস তৌহনবা অমসুং অহলশিংগীদমক মেদিকেল কেয়রগী এক্সেস ফংহনবদা চাউনা কান্নবা পীরগনি।
মরুপশিং,
বিহারদা অনৌবা লম্বীশিংগী নেৎৱার্ক অমা খোঙজেল য়াংনা শেমগৎলি। ঙসি ঔরঙ্গাবাদ-চোরদাহাগী লেন তরুক্কী হায়ৱে শঙ্গাখ্রে।
মরুপশিং,
অদোমগী মীনুংশি অদুগীদমক ঐহাক্না থম্মোয় শেংনা তৌবিমল খঙবা ফোংদোকচরি। ঐহাক্না মথংগী এঙ্গেজমেন্তগীদমক উত্তর প্রদেশতা চৎপা মথৌ তাই। ঐহাক্না নখোয়গী মীনুংশি অসি য়াম্না লুম্না লৌজৈ। ঐহাক্কী মফম য়াম্না লৈতে, অদুনা ঐহাক্না ঙসি ঐহাক্কী ৱারোল অসি লৌশিনবা তারে; অদুম ওইনমক ঐহাক্না ঐগী তৌবিমল খঙবা ফোংদোকচরি। ঙসিগী থৌরম অসিদা নহা ওইরিবা মীওইশিং উবা ফংজবদা ঐহাক্না য়াম্না নুংঙাইবা পোকই। ঐগী লৈবাক্কী নহারোল – অমসং বিহারগী নহারোলনা চাউখৎপগী অচৌবা কান্নবা অসি মপুং ফানা শীজিন্নরি; মরম অদুনা ঐহাক্না মখোয়দা নুংঙাইবা অমসুং থৱায় য়াওবা অসি উবা ফংলিবনি।
মরুপশিং,
ঙসি হায়ৱে প্রোজেক্ত কয়ামরুমগী উরেপ-উয়ুং তমখ্রে। লুপা করোর চা কয়া প্রোজেক্তশিং অসিদা চাদিং তৌরগনি।
মরুপশিং,
রোদ নেৎৱার্ক্কা লোয়ননা বিহারদা ইনর্জী অমসুং অর্বান দিবেলপমেন্ত অসিসু খোঙজেল য়াংনা অহোংবা লাক্লি। হীরম অসিদা, মরু ওইবা প্রোজেক্তশিং অসি পায়খৎলি, খুদম ওইনা বুক্সর থর্মেল পাৱর প্লান্ত শাবা, পিরপেন্তি থর্মেল পাৱর প্লান্তগী ত্রান্সমিসন সিস্তেম উরেপ-উয়ুং তম্বা অমসুং ফুলৱারিয়া দাম শাবা, মসিদা সোলর ইনর্জী প্লান্ত অমসু য়াওরি। বিহারগী খুঙ্গং লিশিং কয়াদা মৈ ফংলমদবা মতম অমা লৈরমখি; ঙসি চপ মান্নবা বিহার অসিনা মৈ পুথোক্নবগী অচৌবা হব অমা ওইরক্লি।
ইচিল-ইনাওশিং,
ঙসি অর্বান ত্রান্সপোর্ত হেন্না খুদোংচাহন্নব অনৌবা পি.এম.-ই-বস ১০০সু লমথাখ্রে। মসিগী মথক্তা প্রধান মন্ত্রী অৱাজ য়োজনাগী মখাদা য়ুমশিংগী শোসু ঙসি লায়রবা ইমুং লিশিং কয়াদা খুৎশিন্নখ্রে। ঐহাক্না চাউখৎ থৌরাংগী থৌশিলশিং অসিদা বিহার মীয়ামদা নুংঙাইবা ফোংদোকচরি।
মরুপশিং,
বিহারনা ঙসি লৈরিবা অসি য়ৌনবা য়াম্না ৱানা হৌনখি। এন.দি.এদ.না শক্তি পাইদ্রিঙৈগী মমাংগী মতম অদু নীংশিংবীয়ু – মতম অদুদা স্কেমশিংগী মরমদা ঙাক্তা ঙাংনরম্মি। অদুম ওইনমক ঙসি মীৎয়েং অসি বিহারদা লাক্লিবা ইনভেস্তমেন্তশিংগী মতাংদা লৈরিবা মশিংদা থম্মি। মমাংদা স্তেতিস্তিক্স অসি ক্রাইমশিংগী হেদলাইনশিংগী মতাংদা ওইরমখি; হৌজিক ক্রিমিনেলশিংগী মায়োক্তা লৌখৎপা এক্সনশিংগী মতাংদা ওইনা খন্ন-নৈনরি। এন.দি.এ. সরকারগী মখাদা চাউখৎ মাইকৈদা খোঙজেল য়াংনা চংশিনবা ময়েক শেংনা উবা ফংলি। অৱাং বিহার, নলন্দা-গায়া রিজন, শাহাবাদ-কাইমুর বেল্ত নত্ত্রগা কোনুং পত্না ওইরবসু চাউখৎপগী অনৌবা ৱারী অমা রাজ্য অসিগী শরুক খুদিংমক্তা ইরি।
মরুপশিং,
‘দবল-ইঞ্জিন’ সরকারগী মখাদা বিহারগী চাউখৎ খোঙজেল অসি হৌখিবা চহিশিংদা তৌখিবা থবকশিংনা শাখি ওইরি। মসিদা য়েংবীয়ু।
· এন.দি.এ. সরকারগী মখাদা লুপা করোর লাখ ২ হেনবগী ইনভেস্তমেন্ত এগ্রীমেন্তশিং· বিহারগীদমক খুৎয়েক পীনখ্রে
· গয়াজীদা লুপা করোর ৬,০০০রোমগী স্তীল প্রোজেক্ত অমগী থবক হৌখ্রে।·
· মোতিহারীদা অমা য়াওনা থোং লোল্লুরবা সুগর মিলশিং হিংগৎহন্নবা অনৌবা সুগরকেন ইন্সেন্তিব পোলিসী অমা হৌদোকখ্রে।
· লৌমীশিংগীদমক লৌবুক খুদিংমক্তা ঈশিং য়ৌহন্নবা অনৌবা ত্যুবৱেল ১১,০০০ ইনস্তোল তৌনবা ইনিসিএতিব অমা হৌদোকখ্রে
· ঈথৈ লৌখোংগীদমক মৈগী সপ্লাই পুং ১২ ফংহন্নবা পুৱারী ওইরবা ৱারেপ অমা লৌখ্রে।
· চহি অমগী মনুংদা অনৌবা দিগ্রী কোলেজ ২০০ হেন্না লিংখৎখ্রে।
· ঐখোগী ইচানু্পীশিংগীদমক “মা সিতা মহিলা বিশ্বাবিদ্যালয়” লিংখৎনবা অয়াবা পীখ্রে।
বিহারদা চাউখৎ-থৌরাংগী লিস্ত অসি য়াম্না শাংই মসিবু প্লেৎফোর্ম অমা খক্তা মপুং ফানা হায়বা ঙমলোই। কনাগুম্বনা হকথেংননা মাগী প্রোগ্রেস অসি এক্সপরিয়েন্স তৌনবা বিহারদা চৎপা তাই।
মরুপশিং,
থম্মোয় শেংনা থবক তৌরবা মতমদা ফলশিং অসি উবা ফংই। লৈবাক অমদা কোংগ্রেসনা দিকেদ কয়া ‘গরিবি হারাও’ হায়না লৌদুনা লাকখি – মসিনা লায়রবশিংবু লান্না লমজিংদুনা ভোৎ খোমখি – ঐখোয়না শুপ্নগী চহি ১২দা মীওই করোর ৫০ লায়রবদগী থোরকপা ঙমহনখ্রে। মসি সরকারগী ৱিলপাৱর অমসুং লায়রবশিংগীদমক য়াইফ-থৌরাংগী স্কিমগী ফলশিংগী মহৈনি।
মরুপশিং,
লৈবাক অসিনা লায়রবগী মায়োক্তা লান অসি ঙম্লি মরমদি ঐখোয়না লায়রবা মীওই করোর কয়াগীদমক পুন্সি লায়থোকহনবদা অমসুং মখোয়দা তঙাই ফদবা পোৎলমশিং ফংহনবদা মরু ওইবা মীৎয়েং থমখি। ঐখোয়না মীওই করোর ৮০দা লেম্না চেং-হৱায় ফংহখি, ইমুং করোর কয়াদা য়ুম পীখি মসিনা মখোয়দা সেক্যুরিতীগী ৱাখল্লোন অমা পোকহল্লি অমসুং লেম্না অনা লায়েং ফংহল্লি, মখোয়বু অতাংবা হেল্থকেয়রগী পোৎলুম কোকহল্লি। তোইলেৎশিং, মৈ অমসুং ঈশিং ফংহন্দুনা ঐখোয়না লায়রবা মীওই করোর কয়াদা ইকাই খুম্নরবা পুন্সি অমা ফংহল্লি। মসিগী ফৈ ওইনা ইশাদা থাজবগী ইথিল অমা লায়রবশিংগী মরক্তা পোকহন্দুনা মখোয়দা লায়রবা থেংননবা শক্তি পীখি অমসুং মাংলোমদা চংশিনহনখি।
মরুপশিং,
বিহারনা লায়রবশিংগী মায়োক্তা কেম্পেন চৎথবদা চাউনা শরুক তমখি। হৌখিবা চহি খরা অসিদা ‘দবল-ইঞ্জিন’ সরকারনা মসিদা চাউনা কত্থোকপগা লোয়ননা থবক তৌখি। কেন্দ্র সরকারনা স্কিম শেখি, অমরোমদা এন.দি.এ. সরকারনা রাজ্য অসিদা মখোয়বু ইমপ্লিমেন্ত তৌদুনা য়ুমথোং খুদিংদা য়াইফ থৌরাংগী প্রোগ্রামশিং য়ৌহল্লি। খুদম ওইনা বিহারদা ইমুং লাখ ৪৩না য়ুম ফংই অমসুং ওগস্ত থা অসিমক্তা য়ুম লাখ ১১গী অয়াবা ফংখ্রে। মখা তানা লুপা করোর লিশিং কয়া ‘পি.এম. কিসান সম্মান নিধি’ স্কিমগী মখাদা চাউরাক্না লৌমী লাখ ৭৫গী বেঙ্ক একাউন্তশিংদা ত্রান্সফর তৌখ্রে। সরকারনা রাজ্য অসিদা লৈরিবা খুঙ্গংগী নুপী লাখ ৫০ শক্তি পীরিবা সেল্ফ-হেল্প গ্রুপশিংদা সরকারনা তেংবাং পীদুনা মখোয়বু ‘লাখপতি দিদি’ ওইহল্লি (নুপীশিংনা য়ামদ্রবদা লুপা লাখ অমা ফাওবগী চহিগী ইনকম তানবা ঙম্লি)। অসিগুম্বা খোঙথাংশিং অসিগী মহৈ ওইনা বিহারগী মীওই করোর কয়ানা লায়রবদগী থোরকপা ঙমখ্রে, লৈবাক অসিগী অপুনবা মায় পাকপদা শরুক তম্মি।
মরুপশিং,
হৌজিক ঐখোয়না লেপ্পা নত্ত্রগা চোকথবা তৌরোইদবনি; এন.দি.এ.গী মপাং ওইরিবা দল পুম্নমক্না পুন্না থবক তৌমিন্নগদবনি, লেপ্পা লৈতনা তৌবা ঙম্বা, চাউখৎপা অমসুং মরোমদোম লেপচবা ঙম্বা বিহার অমা ওইহল্লসি। ফিরেপ অসিগা লোয়ননা ঐহাক্না চাউখৎ-থৌরাংগী অখন্নবা খোঙচৎ অসিগীদমক পুম্নমক্কী মফমদা অমুক হন্না য়াইফ-পাউজেল পীজরি। ময়াম পুম্নমকপু হন্না-হন্না থাগৎচরি!
ভারত ইমানা য়াইফরে।
ভারত ইমানা য়াইফরে।
ভারত ইমানা য়াইফরে।
হন্না-হন্না থাগৎচরি!
***
We are building a Bihar that is stronger, more prosperous and full of opportunities. https://t.co/vvTCLn7Y8o
— Narendra Modi (@narendramodi) November 21, 2026
गंगा मैया पर बने दरगाह-बिदुपुर छह-लेन केबल ब्रिज को जनता के लिए समर्पित किया गया है। इस आधुनिक ब्रिज का नाम आदरणीय नीतीश जी के सम्मान में...‘नीतीश सेतु’ रखा गया है: PM @narendramodi in Vaishali, Bihar
— PMO India (@PMOIndia) November 21, 2026
हमने करोड़ों गरीबों के जीवन को आसान बनाने, उन्हें सुविधाएं देने को प्राथमिकता दी है: PM @narendramodi in Vaishali, Bihar
— PMO India (@PMOIndia) November 21, 2026