मुख्य पानावर जा
Search
मेन्‍यु
मेन्‍यु बंद करा
HOME

पीएम्इंडियापीएम्इंडिया

ताज्या घडामोडी

उपलब्ध माहिती पत्र सूचना कार्यालयाचा स्वयं स्त्रोत आहे

सरदार सरोवर धरण पंतप्रधानांतर्फे केले राष्ट्रार्पण, डभोई इथे नर्मदा महोत्सव सांगता समारंभात पंतप्रधान सहभागी


पंतप्रधान नरेंद्र मोदी यांनी आज सरदार सरोवर धरणाचे राष्ट्रार्पण केले. यावेळी केवडिया येथे धरणापाशी प्रार्थना आणि मंत्र म्हटले गेले. पंतप्रधानांनी कोनशिलेचे अनावरणही केले.

त्यानंतर पंतप्रधानांनी सरदार सरोवर धरणापासून काही अंतरावरच असलेल्या साधू बेटावर बांधकाम सुरु असलेल्या सरदार वल्लभभाई पटेल स्मृतिस्थळाला भेट दिली. या कामाच्या प्रगतीबद्दल पंतप्रधानांना माहिती देण्यात आली.

डभोई इथे मोठ्या जनसभेत पंतप्रधानांनी राष्ट्रीय आदिवासी स्वातंत्र्यसैनिक संग्रहालयासाठी पायाभरणी केली. नर्मदा नदीबाबत गुजरातच्या विविध जिल्ह्यात जागरुकता निर्माण करण्यासाठी आयोजित नर्मदा महोत्सवाचा सांगता समारंभ यावेळी झाला.
एवढ्या मोठ्या संख्येने जमलेला जनसमुदाय समाजात माता नर्मदे विषयी असलेला आदरभाव दर्शवत आहे, असे पंतप्रधान यावेळी म्हणाले. विश्वकर्मा जयंतीचे औचित्य साधून आपण राष्ट्र बांधणीसाठी काम करत असलेल्या सर्वांना वंदन करत असल्याचे पंतप्रधानांनी सांगितले.

सरदार पटेल यांचे धरणाबाबतचे विचार पंतप्रधानांनी उद्‌धृत केले. सरदार पटेल आणि डॉ.बाबासाहेब आंबेडकर यांनी सिंचनावर खूप भर दिला होता, असे पंतप्रधानांनी सांगितले.

जलस्रोतांचा अभाव हा विकासातला मोठा अडथळा आहे, असे पंतप्रधान म्हणाले. पूर्वी सीमाभागात भेट देत असताना सीमा सुरक्षा दलाच्या जवानांना पुरेसे पाणी मिळत नसल्याची आठवण त्यांनी सांगितली. सीमाभागातल्या या जवानांसाठी आम्ही नर्मदेचे पाणी आणले असल्याचे पंतप्रधानांनी सांगितले.

सरदार सरोवर धरण उभारणीत गुजरातच्या संत आणि द्रष्टे यांनी मोठी भूमिका बजावली आहे. नर्मदा नदीच्या पाण्यामुळे नागरिकांच्या जीवनात परिवर्तन घडेल, असे ते म्हणाले.

देशाच्या पश्चिम भागात पाण्याची टंचाई आहे, तर पूर्व भागात वीज आणि गॅसचा तुटवडा आहे. यावर मात करुन देशाला विकासाच्या नव्या उंचीवर पोहोचवण्यासाठी सरकार काम करत आहे, असे पंतप्रधानांनी सांगितले.

एकतेचा पुतळा सरदार पटेलांसाठी मानवंदना ठरेल आणि पर्यटकांच्या आकर्षणाचे केंद्र ठरेल. वसाहतवादाविरुद्ध लढा दिलेल्या आदिवासी समुदायातल्या स्वातंत्र्यसैनिकांच्या आठवणींना पंतप्रधानांनी यावेळी उजाळा दिला.

B.Gokhale/S.Kakade/D.Rane

लोकप्रिय बातम्या

समावेशक विकास आणि राष्ट्रीय सक्षमीकरणाच्या 11 वर्षांच्या कामगिरीवर प्रकाश टाकणारा लेख पंतप्रधान नरेंद्र मोदी यांनी केला सामायिक 11 Jun, 2025
‘एकतेचा महायज्ञ ‘ चे प्रतीक ठरलेल्या महाकुंभची सांगता,प्रयागराज इथे एकतेच्या महाकुंभात तब्बल 45 दिवसांपर्यंत ज्या प्रकारे एकतेच्या महासोहळ्याचे,एका महोत्सवात एकाच ठिकाणी एकत्र आलेल्या 140 कोटी देशवासियांच्या आस्थेचे जे दर्शन घडले ते खरोखरच मंत्रमुग्ध करणारे होते – पंतप्रधान नरेंद्र मोदी 27 Feb, 2025
2025 या वर्षाच्या सर्व पद्म पुरस्कार विजेत्यांचे पंतप्रधान नरेंद्र मोदी यांनी केले अभिनंदन 25 Jan, 2025
स्वामित्व योजने अंतर्गत प्रॉपर्टी कार्ड्स वितरण सोहळ्यात पंतप्रधानांनी केलेले भाषण आणि लाभार्थ्यांसोबत साधलेला संवाद 18 Jan, 2025
प्रख्यात गायक मोहम्मद रफी यांच्या 100 व्या जयंतीनिमित्त त्यांच्या स्मृतींना पंतप्रधानांकडून अभिवादन 24 Dec, 2024

ताज्या बातम्या

आशियाई क्रीडा स्पर्धेत, सुवर्णपदक कायम राखल्याबद्दल भारतीय पुरुष हॉकी संघाचे पंतप्रधान नरेंद्र मोदींकडून  अभिनंदन 03 Oct, 2026
आशियाई क्रीडा स्पर्धेत पुरुषांच्या 97 किलो वजनी गटात फ्रीस्टाईल कुस्ती प्रकारात कांस्यपदक जिंकल्याबद्दल पंतप्रधानांनी दीपक पुनियाचे अभिनंदन केले 03 Oct, 2026
आशियाई क्रीडा स्पर्धेत कुस्ती प्रकारात पुरुषांच्या 57 किलो वजनीगटात ऐतिहासिक सुवर्णपदकाची कमाई करणाऱ्या अमन सहरावतचे पंतप्रधानांकडून अभिनंदन 03 Oct, 2026
आशियाई क्रीडा स्पर्धेत, सुवर्णपदक कायम राखल्याबद्दल पंतप्रधान नरेंद्र मोदींनी केले भारतीय पुरुष क्रिकेट संघाचे अभिनंदन 03 Oct, 2026
आशियाई क्रीडा स्पर्धेत महिलांच्या वैयक्तिक गोल्फ प्रकारात ऐतिहासिक सुवर्णपदक जिंकल्याबद्दल पंतप्रधानांनी प्रणवी शरथ उर्स यांचे अभिनंदन केले 03 Oct, 2026