ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা সাইন্স অমসুং তেক্নোলোজীগী লমদা পুন্না থবক তৌমিন্ননবগীদমক ভারত অমসুং কানাদাগী মরক্তা মেমোরেন্দন ওফ অন্দর্সতেন্দিং অমা অয়াবা পিখ্রে । এমওয়ু অদুনা মেকানিজম অমা ফংহল্লগনি অমসুং ভারত অমসুং কানাদাগী আর এণ্ড দি অমসুং একাদমিক ইনস্তিত্যুসনশিংগী মরক্তা সাইন্তিফিক কোওপরেসন পুক্নিং থৌগৎপদা মতেং ওইরগনি ।

অকক্নবা শক্তমশিং:  

• দিপার্তমেন্ত ওফ সাইন্স এণ্ড তেক্নোলোজীনা কানাদাগী নেচরেল সাইন্সেস এণ্ড ইঞ্জিনীয়রিং রিসার্স কাউন্সিলগা লোয়ননা মপুং ফাবা এমওয়ু অমগী মখাদা ভারত অমসুং কানাদাগী মরক্তা আর এণ্ড দি কোওপরেসনগী ইনোবেতিব মোদেল অমা ইমপ্লিমেন্ত তৌরগনি ।
• এমওয়ু অসিগী মখাদা, ইন্দিয়া-কানাদা সেন্তর ফোর ইনোবেতিব মল্তিদিসিপ্লিনরী পার্তনরশিপনা কমুনিতী ত্রান্সফোর্মেসন হেঙ্গৎহল্লগনি অমসুং সস্তেনেবিলিতী প্রোগ্রামনা ইন্দিয়া-কানাদা মল্তিদিসিপ্লিনরী রিসার্স পার্তনরশিপশিং প্রমোত তৌবদা মতেং ওইরগনি ।
• আর এণ্ড দি প্রোজেক্তশিং অদুনা সাইন্স অমসুং তেক্নোলোজীগী এপ্লিকেসনগী খুথাংদা সোলুসনশিং ফংহন্দুনা সোসিএল ত্রান্সফোর্মেসন  হেঙ্গৎহন্নবা মীৎয়েং থমগনি ।
• শরুক য়ারিবশিংনা ভারত অমসুং কানাদাদগী সাইন্তিফিক ওর্গনাইজেসনশিং, একাদেমিয়া অমসুং আর এণ্ড দি লেবোরেতরিশিংদগী রিসার্সশিং চৎথগনি ।
• ম্যুচেল কোওপরেসনগী শকখংলবা লমশিংদা সেফ এণ্ড সস্তেনেবল ইনফ্রাস্ত্রকচর অমসুং ইন্তেগ্রেতেদ ৱাতর মেনেজমেন্ত য়াওগনি ।
• মসিনা ইনস্তিত্যুস্নেল নেতৱার্কিং দিবেলপ তৌবদা মতেং ওইরগনি অমসুং ভারত অমসুং কানাদাগী সাইন্তিফিক ওর্গনাইজেসনশিং, সাইন্তিস্তশিং অমসুং স্পিসিয়েলিস্তশিংগী মরক্তা মরিশিং শেমগৎপদা মতেং ওইগনি ।

য়ুমফম:

এমওয়ু অসি ইং ২০০৫ গী নবেম্বর থাদা ভারত অমসুং কানাদাগী মরক্তা ইন্তর-গোবর্নমেন্ত এগ্রীমেন্ত ফোর সাইন্তিফিক এণ্ড তেক্নোলোজিকেল কোওপরেসন চৎথনবা পাংথোকখিবনি ।