پی ایم انڈیا

نئی دہلی،23 اگست /  وزیراعظم نریندر مودی نے آج ضلع جالندھر میں مختلف پروجیکٹوں کا افتتاح کیا۔ ان پروجیکٹوں میں گورنمنٹ سول اسپتال ، دودھ کا پروسیسنگ پلانٹ اور جونا گڑھ زراعت یونویرسٹی کی کچھ عمارتیں شامل ہیں ۔۔

 اس موقع پر ایک عوامی جلسے سے خطاب کرتے ہوئے ، وزیراعظم نے کہا کہ 500 کروڑ روپے سے زیادہ لاگت کے 9 پروجیکٹ ہیں جنہیں ؤج یا تو قوم کے نام وقف کیا جا رہا ہے یا ان کا سنگ بنیاد رکھا جا رہا ہے ۔ انہوں نے کہا کہ ہندوستان کے ترقی کے سفر میں ایک نئی توانائی اور ایک نئی تحریک ہے 

وزیراعظم نے کہا کہ گجرات میں ریاست کے ہر حصے میں پانی کی وافر فراہمی کو یقینی بنانے کے لئے مسلسل کوششیں کی گئی ہیں ۔ انہوں نے مزید کہا کہ  ہم پانی کے تحفظ کی سمت میں بھی کام کر رہے ہیں۔

وزیراعظم جناب مودی نے کہا کہ تمام گجرات میں میڈیکل کالج اور اسپتال کھولے جائیں گے ۔ انہوں نے کہا کہ اس قدم سے نہ صرف مریضوں کو مدد ملے گی بلکہ ان طالب عملوں کو بھی مدد ملے گی جو میڈیشن پڑھنا چاہتے ہیں ۔ انہوں نے اس موقع پر جن اوشدھی یوجنا کا ذکر کی جس کے تحت جن اوشدھی اسٹور کھولے جا رہے ہیں ، جہاں دوائیں کم قیمت پر دستیاب ہو سکیں گی۔ انہوں نے مزید کہا کہ یہ بہت اہم ہے کہ غربا اور متوسط طبقے کی سستی اور دواؤں تک رسائی ممکن ہو سکے ۔

 وزیراعظم نے کہا کہ حکومت نے صفائی ستھرائی پر زور دیا ہے  جس کی عالمی پیمانے پر ستائش کی جا رہی ہے ۔ انہوں نے مزید کہا کہ صفائی پر زور دینا اس لئے اہم ہے کہ  ‘‘صاف بھارت ’’ سے اس بات کو یقینی بنایا جا سکے گا لوگ بیمار نہ ہوں ۔

وزیراعظم نے کہا کہ صحت کے شعبے میں اچھے ڈاکٹروں اور پیرا میڈیکل عملے کی ضرورت ہے ۔ ہم یہ بھی چاہتے ہیں کہ طبی آلات ہندوستان میں بنائے جائیں ۔ انہوں نے مزید کہا کہ اس شعبے کو عالمی ٹیکنالوجیکل جدیدیت کے ساتھ رفتار پکڑنا لازمی ہے  ۔

وزیراعظم نے یقین دہانی کرائی کہ پردھان منتری جن آروگیہ یوجنا –آیوشمان بھارت کے آنے سے صحت کے شعبے میں تبدیلی آئے گی اور غریبوں کو اعلیٰ قسم کی صحت خدمات قابل استطاعت قیمت میں مل سکیں گی۔

**************

( م ن ۔ش ت ۔ م ف (

U. No.7843