পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীয়ে কাইলৈ অন্ধ্ৰ প্ৰদেশৰ গান্টুৰ, তামিলনাডুৰ তিৰুপুৰ আৰু কৰ্ণাটকৰ হুবলি ভ্ৰমণ কৰিব৷ এই তিনিওখন ৰাজ্যতে তেওঁ বিভিন্ন উন্নয়নমূলক প্ৰকল্প মুকলি কৰিব৷

অন্ধ্ৰ প্ৰদেশত প্ৰধানমন্ত্ৰী

প্ৰধানমন্ত্ৰীৰ যাত্ৰাকালৰ প্ৰথমটো গন্তব্যস্থান হ’ব অন্ধ্ৰ প্ৰদেশৰ গাণ্টুৰ য’ত তেওঁ য়েটুকাৰ বাইপাছত বিভিন্ন প্ৰকল্প মুকলি কৰিব৷

দেশৰ শক্তি নিৰাপত্তাক সৱলীকৰণ কৰাৰ উদ্দেশ্যে প্ৰধানমন্ত্ৰীয়ে ভাৰতীয় কৌশলগত পেট্ৰ’লিয়াম সংৰক্ষণ লিমিটেড (আইএছপিআৰএল)ৰ ১.৩৩ মেট্ৰিকটন বিশাখাপট্টনম কৌশলগত পেট্ৰ’লিয়াম সংৰক্ষণ (এছপিআৰ)ৰ সুবিধা দেশবাসীলৈ উচৰ্গা কৰিব৷

অন্ধ্ৰ প্ৰদেশৰ কৃষ্ণা–গোদাৱৰী সংগমত অৱস্থিত অ’এনজিচিৰ বশিষ্ঠ আৰু এছ১ উন্নয়নমূলক প্ৰকল্প প্ৰধানমন্ত্ৰীয়ে মুকলি কৰিব৷

তেওঁ কৃষ্ণপট্টনমত ভাৰত পেট্ৰ’লিয়াম কৰ্প’ৰেচন লিমিটেডৰ (বিপিচিএল)ৰ নতুন টাৰ্মিনেলৰ আধাৰশিলা স্থাপন কৰিব৷

এই প্ৰকল্পসমূহৰ দ্বাৰা অন্ধ্ৰ প্ৰদেশ আৰু ইয়াৰ চুবুৰীয়া ৰাজ্যসমূহত গেছভিত্তিক উদ্যোগসমূহে অধিক সুবিধা লাভ কৰিব পাৰিব৷

ইয়াৰ পিছত প্ৰধানমন্ত্ৰী তিৰুপুৰ আৰু তামিলনাডুলৈ ৰাওনা হ’ব৷

তামিলনাডুত প্ৰধানমন্ত্ৰী

প্ৰধানমন্ত্ৰীয়ে তামিলনাডুৰ তিৰুপুৰত পেৰুমানাল্লুৰ গাঁৱত বিভিন্ন উন্নয়নমূলক প্ৰকল্প মুকলি কৰিব৷

তিৰুপুৰত তেওঁ ইএছআইচি চিকিৎসালয়ৰ আধাৰশিলা স্থাপন কৰিব৷ ত্ৰিচী বিমানবন্দৰৰ নতুন সংবদ্ধ বিল্ডিং আৰু চেন্নাই বিমানবন্দৰৰ আধুনিকীকৰণৰ আধাৰশিলাও প্ৰধানমন্ত্ৰীয়ে স্থাপন কৰিব৷

তেওঁ চেন্নাইৰ ইএছআইচিৰ ৪৭০খন বিচনাযুক্ত চিকিৎসালয় ৰাষ্ট্ৰলৈ বুলি উচৰ্গা কৰিব৷

এই উপলক্ষে বিপিচিএলৰ এন্ন’ৰ বন্দৰীয় টাৰ্মিনেল ৰাষ্ট্ৰলৈ বুলি উচৰ্গা কৰা হ’ব৷

প্ৰধানমন্ত্ৰী মোদীয়ে চেন্নাই বন্দৰৰ পৰা চেন্নাই পেট্ৰ’লিয়াম কৰ্প’ৰেচন লিমিটেড (চিপিচিএল)ৰ মানালি শোধনাগাৰলৈ খাৰুৱা তেলৰ পাইপলাইনো মুকলি কৰিব৷ ইয়াৰ জৰিয়তে খাৰুৱা তেলৰ সুৰক্ষিত পৰিবহণ সম্ভৱ হ’ব৷

প্ৰধানমন্ত্ৰীয়ে চেন্নাই মেট্ৰ’ৰ অংশ এজি–ডিএমএছ মেট্ৰ’ ষ্টেচনৰ পৰা ৱাশ্বাৰমেনপেট মেট্ৰ’ ষ্টেচনলৈ যাত্ৰীবাহী সেৱা মুকলি কৰিব৷ এই ১০ কিলোমিটাৰ চেন্নাই মেট্ৰ’ৰ পৰ্যায়–১ৰ অংশ৷

ইয়াৰ পিছত প্ৰধানমন্ত্ৰী কৰ্ণাটকৰ হুবলিলৈ ৰাওনা হ’ব৷

কৰ্ণাটকত প্ৰধানমন্ত্ৰী

প্ৰধানমন্ত্ৰীৰ যাত্ৰাৰ অন্তিম পৰ্যায়ত তেওঁ কৰ্ণাটকৰ হুবলিলৈ যাব৷ তেওঁ হুবলিৰ গাব্বুৰত বিভিন্ন উন্নয়নমূলক প্ৰকল্প মুকলি কৰিব৷

প্ৰধানমন্ত্ৰী মোদীয়ে আইআইটি ধাৰৱাড় আৰু আইআইআইটি–ধাৰৱাড়ৰ আধাৰশিলা স্থাপন কৰিব৷

এই উপলক্ষে ধাৰৱাড়ৰ চিটী গেছ বিতৰণ প্ৰকল্প ৰাষ্ট্ৰলৈ বুলি উচৰ্গা কৰা হ’ব৷ চৰকাৰে সমগ্ৰ দেশতে স্বচ্ছ ইন্ধনৰ উপলব্ধতা সহজলভ্য কৰি তোলাৰ বাবে চিটী গেছ বিতৰণ (চিজিডি)ৰ নেটৱৰ্ক সম্প্ৰসাৰণ কৰাত গুৰুত্ব প্ৰদান কৰিছে৷

দেশৰ শক্তি নিৰাপত্তাক সৱলীকৰণ কৰাৰ উদ্দেশ্যে প্ৰধানমন্ত্ৰীয়ে ভাৰতীয় কৌশলগত পেট্ৰ’লিয়াম সংৰক্ষণ লিমিটেড (আইএছপিআৰএল)ৰ ১.৫ মেট্ৰিকটন মাংগালোৰ কৌশলগত পেট্ৰ’লিয়াম সংৰক্ষণ (এছপিআৰ) আৰু ২.৫ মেট্ৰিকটন পাডুৰ এছপিআৰৰ সুবিধা দেশবাসীলৈ উচৰ্গা কৰিব৷

১৮ কিলোমিটাৰ দৈৰ্ঘৰ চিকজাজুৰ–মায়াকণ্ডা অংশৰ দ্বৈতকৰণ আন এক উল্লেখযোগ্য প্ৰকল্প হিচাপে বিবেচিত হৈছে৷ এই অংশটো ১৯০ কিলোমিটাৰ দৈৰ্ঘৰ হুবলি–চিকজাজুৰ দ্বৈতকৰণ প্ৰকল্পৰ অংশ আৰু ই দক্ষিণ পশ্চিম ৰে’লৱেৰ বেংগালুৰু–হুব্বালিত অৱস্থিত৷

প্ৰধানমন্ত্ৰীয়ে ৩৪৬ কিলোমিটাৰ দৈৰ্ঘৰ হছপেট–হুবলি–ভাস্ক’ ডা গামা পথৰ বৈদ্যুতিকীকৰণৰো মুকলি কৰিব৷

তাৰোপৰি সকলোৰে বাবে গৃহ প্ৰতিশ্ৰুতিৰ উদ্দেশ্য সাধনৰ বাবে প্ৰধানমন্ত্ৰীয়ে ধাৰৱাড়ত পিএমএৱাই (ইউ)ৰ অধীনত নিৰ্মিত ২৩৮৪টা গৃহৰ ই–গৃহ প্ৰৱেশৰো সাক্ষী হৈ ৰ’ব৷

*****

AKT/AK/KP/MANN