Search

অনৌবা পাউশিং

মচাকশিং অসি পি আই বিদগী মশা মথন্তা লৌথোকচবনি

প্রধান মন্ত্রীনা জাতিগী লান্মীগী নীংশিং খুভম জাতিদা কত্থোক্কনি


প্রধান মন্ত্রী শ্রী নরেন্দ্র মোদীনা হয়েং ফেব্রুৱরী ২৫দা পাংথোক্কদবা য়াম্না চিংলেম্লবা থৌরম অমদা জাতিগী লান্মীগী নীংশিং খুভম জাতিদা কত্থোক্লগনি। থৌরম অদুদা মহাক্না এক্স–সর্বিসমেনশিংদসু ৱা ঙাংগনি।

নই দিল্লীগী ইন্দিয়া গেৎ মনাক্তা লৈরিবা জাতিগী লান্মীগী নীংশিং খুভম অসি নীংখা তম্লবা মতুংদা থোইদোকপা লানফমদা থৱাইনা পোন্থা ওইখিবা থোইদোকপা লান্মীশিংগী মফমদা জাতি অসিনা ইকায় খুম্নবা উৎপগী খুদম্নি।

জাতিগী লান্মীগী নীংশিং খুভম অসিনা পিস কীপিং মিসনশিং অমসুং কাউন্তর ইন্সরজেন্সী ওপরেসনশিংদা শরুক য়ারিবা অমসুং থৱায় কত্থোকখিবা লান্মীশিংবুসু নীংশিংলি।

প্রধান মন্ত্রীনা ২০১৪দা ৱার্ল্দ ক্লাস মোনুমেন্ত অমগুম জাতিগী লান্মীগী নীংশিং খুভমগীদমক মহাক্কী মীৎয়েং অদু পুথোকখি।

জাতিগী লান্মীগী নীংশিং খুভম অসিগী ৱাখল্লোন অসি চক্র মরিদা মপুং ওইবনি, মখোয় অদুদি, ‘অমর চক্র’, ‘বীরতা চক্র’, ‘ত্যাগ চক্র’ অমসুং ‘রক্ষক চক্র’নি।

জাতিগী লান্মীগী নীংশিং খুভম কম্প্লেক্স অসিদা সেন্ত্রেল ওবেলিস্ক অমা, ইতর্নেল ফ্লেম অমা, অমদি ইন্দিয়ন আর্মী, এয়ার ফোর্স, অমসুং নেভীনা লান্থেংনখিবা অফাওবা লানফমশিং য়েক্তুনা উৎলিবা শেঞ্জেংগী ফক্লাং তরুক য়াওরি।

পরম বীর চক্রগী এৱার্দী ২১গী খ্বাং ককপা মুর্তীশিং পরম য়োদ্ধা স্থলদা খিল্লি মদুগী মনুংদা হৌজিক হৌজিক হিংলিবা এৱার্দ ফংলবা অহুম য়াওরি মখোয় অদুদি সুবেদার মেজর বানা সিংহ (থবক্তগী পোত্থারবা), সুবেদার মেজর য়োগেন্দ্র সিংহ য়াদব অমসুং সুবেদার সঞ্জয় কুমারনি।