পি এম ইণ্ডিয়া

উপ-ৰাষ্ট্ৰপতি হিচাপে ভেংকায়া নাইডুৰ কাৰ্যকালৰ প্ৰথম বৰ্ষপূৰ্তি উপলক্ষে “মোভিং অন, মোভিং ফৰৱাৰ্ড-এ ইয়েৰ ইন অফিছ” শীৰ্ষক গ্ৰন্থ উন্মোচন কৰে প্ৰধানমন্ত্ৰী শ্ৰী নৰেন্দ্ৰ মোদীয়ে। তেওঁ লগতে উপ-ৰাষ্ট্ৰপতিক গ্ৰন্থখনিৰ প্ৰথমটো কপি উপহাৰ দিয়ে।

এই উপলক্ষে আগবঢ়োৱা ভাষণত প্ৰধানমন্ত্ৰীয়ে কয় যে শ্ৰী ভেংকায়া নাইডুৰ সৈতে তেওঁ কেইবাবছৰো কাম কৰাৰ সূযোগ পাইছিল। তেওঁ কয় যে শ্ৰী নাইডুৱে সকলোতকৈ তেওঁক ন্যস্ত কৰা কাৰ্যভাৰত গুৰুত্ব প্ৰদান কৰিছিল।

প্ৰধানমন্ত্ৰীয়ে কয় যে শ্ৰী ভেংকায়া নাইডু ডাঙৰীয়াক যি দায়িত্বই প্ৰদান নকৰক কিয়, অতি কৰ্মদক্ষতাৰে তেওঁৰ ভূমিকা সহজ কৰি তোলে। প্ৰধানমন্ত্ৰীয়ে লগতে কয় যে ভেংকায়া নাইডুৱে সূদীৰ্ঘ ৫০ বছৰ ৰাজহুৱা কৰ্মত জড়িত হৈ আছে-১০ বছৰ ছাত্ৰ ৰাজনীতি আৰু ৪০ বছৰ ৰাজ্যৰ সমান্তৰালভাৱে ৰাষ্ট্ৰীয় ৰাজনীতত আছে।

প্ৰধানমন্ত্ৰী শ্ৰী নৰেন্দ্ৰ মোদীয়ে কয় যে শ্ৰী ভেংকায়া নাইডুৰ সকলো শ্ৰেণীৰ লোকক আত্মীয় কৰি লোৱা সক্ষমতা আছে আৰু তেওঁ এগৰাকী অতি নিয়মানুৱৰ্তী ব্যক্তি। তেওঁক যি দায়িত্বই প্ৰদান নকৰক কিয়, সকলোতে দূৰদৃষ্টিসম্পন্ন নেতৃত্ব প্ৰদান কৰে। তেওঁক অৰ্পণ কৰা কামৰ জৰিয়তে সম্পূৰ্ণ ন্যায় লাভ কৰাটো সুনিশ্চিত কৰিবলৈ, তেওঁ সৰ্বশ্ৰেষ্ঠ বিশেষজ্ঞৰ সেৱা লয় বুলি উল্লেখ কৰে প্ৰধানমন্ত্ৰীয়ে।

প্ৰধানমন্ত্ৰীয়ে লগতে দোঁহাৰে যে প্ৰাক্তন প্ৰধানমন্ত্ৰী শ্ৰী অটল বিহাৰী বাজপেয়ীৰ শাসনকালত শ্ৰী ভেংকায়া নাইডুক কেবিনেটক অন্তৰ্ভূক্ত কৰা হৈছিল, তেতিয়া ভেংকায়া ডাঙৰীয়াই তেওঁক গ্ৰামোন্নয়ন দপ্তৰ প্ৰদান কৰিবলৈ অনুৰোধ জনাইছিল। ভেংকায়া ডাঙৰীয়া অন্তৰৰ পৰা এগৰাকী কৃষক আছিল আৰু কৃষকৰ কল্যান আৰু কৃষিৰ প্ৰতি উৎসাহী আছিল।

প্ৰধানমন্ত্ৰীয়ে কয় যে প্ৰধানমন্ত্ৰী গ্ৰাম চড়ক যোজনা কাৰ্যকৰী হোৱাৰ মুলতে আছিল ভেংকায়া নাইডুৰ প্ৰচেষ্টা। যিসময়ত ৰাজনীতিৰ আলোচনা কেৱল ৰে’ল ষ্টপেজতে কেন্দ্ৰিত আছিল, সেইসময়ত নাইডু ডাঙৰীয়াই এইটো সুনিশ্চিত কৰিছিল যে নেতাসকলে পথৰ লগতে যোগাযোগৰ অন্যান্য মাধ্যমসমূহৰ বিষয়েও ভাবৱ বুলি প্ৰধানমন্ত্ৰীয়ে লগতে কয়।

প্ৰধানমন্ত্ৰীয়ে ইংৰাজী অথবা তেলেগু ভাষাত ভেংকায়া নাইডু ডাঙৰীয়াই ব্যৱহাৰ কৰা শব্দাৱলীৰ প্ৰশংসা কৰে। প্ৰধানমন্ত্ৰীয়ে কয় যে এইটো প্ৰশংসনীয় যে উপ-ৰাষ্ট্ৰপতি ডাঙৰীয়াই তেওঁ কাৰ্যকালৰ প্ৰথম বৰ্ষৰ সন্দৰ্ভত ৰিপোৰ্ট কাৰ্ড প্ৰস্তুত কৰিছে, য’তে তেওঁ সংসদৰ বাহিৰে-ভিতৰে কৰা কামৰ তথ্যৰে সমৃদ্ধ হৈ আছে।

*******

AKT/KP/DB