পি এম ইণ্ডিয়া
প্ৰধানমন্ত্ৰী শ্ৰী নৰেন্দ্ৰ মোদীয়ে ১২ এপ্ৰিলত তামিলনাডু ভ্ৰমণ কৰিব৷ তেওঁ চেন্নাইৰ কাঞ্চীপুৰম জিলাৰ তিৰুভিদান্থলত দশম সংস্কৰণৰ ডেফেন্স এক্সপ’২০১৮ উদ্বোধন কৰিব৷
এই বৰ্ষৰ ডিফেন্স এক্সপ’ৰ প্ৰধান বিষয়টো হ’ল—‘ভাৰতঃ প্ৰতিৰক্ষা সামগ্ৰী নিৰ্মাণৰ নতুন কেন্দ্ৰস্থল’৷ ইয়াৰ জৰিয়তে প্ৰতিৰক্ষা ব্যৱস্থা আৰু সা-সামগ্ৰী ৰপ্তানিৰ ক্ষেত্ৰত ভাৰতৰ সক্ষমতা প্ৰদৰ্শন কৰা হ’ব৷ ডিফেন্স এক্সপ’ত ১৫০ গৰাকী আন্তঃৰাষ্ট্ৰীয় প্ৰদৰ্শনকাৰীকে ধৰি ৬৭০ ৰো অধিক প্ৰদৰ্শনকাৰীয়ে অংশ ল’ব৷ সুক্ষ্ম, ক্ষুদ্ৰ আৰু মজলীয়া উদ্যোগ খণ্ডই প্ৰায় ১৫ শতাংশ অংশগ্ৰহণ নিশ্চিত কৰিছে৷
টাটা, এল এণ্ড টি, কল্যাণী, ভাৰত ফ’ৰ্গ, মাহিন্দ্ৰ, এমকেইউ, ডিআৰডিঅ’, এইচএএল, বিইএল, বিডিএল, বিইএমএল, এমডিএল, জিআৰএছই, জিএছএল, এইচএছএল, মিধানী, অস্ত্ৰ কাৰখানা আদিৰ দৰে ভাৰতীয় কোম্পানীৰ লগতে গুৰুত্বপূৰ্ণ আন্তঃৰাষ্ট্ৰীয় কোম্পানী যেনে; ল’কহীড মাৰ্টিন, ব’য়িং(ইউএছএ), ছাব(ছুইডেন), এয়াৰবাছ, ৰাফেল(ফ্ৰান্স), ৰোছনবৰণ এক্সপ’ৰ্টছ, ইউনাইটেড শ্বিপবিল্ডিং(ৰাছিয়া), বিএই ছিষ্টেমছ(ইউকে), ছাইবাট(ইজৰাইল), ৱাৰ্টছিলা (ফিনলেণ্ড), ৰ’ডি এণ্ড স্কৱাৰ্জ(জাৰ্মানী) আদিয়ে ডিফেন্স এক্সপ’ত অংশ ল’ব৷
প্ৰধানমন্ত্ৰীয়ে চেন্নাইৰ এডিয়াৰস্থিত কেন্সাৰ প্ৰতিষ্ঠানো পৰিদৰ্শন কৰিব৷ তেওঁ ডায়মণ্ড জুবিলী বিল্ডিং, শ্ৰীপেৰুম্বাদুৰত আৰোগ্য কেন্দ্ৰ, এডিয়াৰ কেন্সাৰ প্ৰতিষ্ঠানত সেৱা কেন্দ্ৰ আৰু নাৰ্ছৰ কোৱাৰ্টাৰ উদ্বোধন কৰিব৷
***
AKT/SH/MS
