পি এম ইণ্ডিয়া

কেন্দ্রীয় কেবিনেটৰ আজি অনুষ্ঠিত বৈঠকত দিল্লীৰ বেআইনী কলনিসমূহক বসবাস কৰা ৪০ লাখ লোকক মর্টগেজ বা হস্তান্তৰ অথবা বসবাসৰ স্বীকৃতি প্ৰদানৰ প্ৰস্তাৱত অনুমোদন জনোৱা হৈছে৷ কেবিনেটৰ এই প্ৰস্তাৱ কার্যকৰী কৰাৰ বাবে সংসদৰ পৰৱৰ্তী অধিৱেশনত এই বিধেয়কখন উত্থাপন কৰা হ’ব৷

দিল্লীৰ বেআইনী কলনিসমূহত বসবাস কৰা লোকসকলৰ ক্ষেত্ৰত পৰিবলগীয়া প্ৰভাৱ আৰু সুবিধাসমূহঃ

• কেবিনেটৰ আজিৰ এই সিদ্ধান্তৰ ফলত দিল্লীৰ বেআইনী কলনিসমূহত বসবাস কৰা ৪০ লাখ লোক উপকৃত হ’ব৷ দিল্লীৰ প্রায় ১৭৫ বর্গ কিলোমিটাৰ এলেকাত এই ধৰণৰ কলনি আছে৷ এই সিদ্ধান্তই এনে অঞ্চলসমূহৰ উন্নয়ন বা পুনৰুত্থানত গুৰুত্বপূর্ণ ভূমিকা পালন কৰিব৷ ইয়াৰ ফলত কলনিসমূহৰ বাস্তৱ পৰিৱেশৰ সলনি হৈ এক পৰিস্কাৰ-পৰিচ্ছন্ন, নিৰাপদ আৰু স্বাস্থ্যসন্মত বাসপযোগী এলেকাত পৰিণত হ’ব৷

• বেআইনি কলনিসমূহৰ বাসিন্দাসকলৰ মৌলিক আন্তঃগাঁথনি তথা বুনিয়াদী সা-সুবিধাৰ পৰা বঞ্চিত হোৱাৰ লগতে যিবোৰ বৃহৎ সমস্যাৰ সন্মুখীন হ’বলগীয়া হয়, সেইবোৰ দূৰ কৰা সম্ভৱ হ’ব৷.

• এই বিধেয়কখন কার্যকৰী হ’লে, সম্পত্তিৰ নথিপত্রৰ স্বীকৃতি লাভৰ ফলত এই ধৰণৰ কলনিসমূহৰ সম্পত্তিৰ মালিকসলে বৈধ সম্পত্তি লেনদেনৰ অধিকাৰ লাভ কৰিব৷ সম্পত্তিৰ আইনী স্বীকৃত লাভ কৰাৰ ফলত সম্পত্তিৰ মালিকসকলে এফালে যেনেকৈ উপযুক্ত বাসস্থান নির্মাণত ব্যয় কৰিব পাৰিব আনফালে, তেনেকৈ কলনিসমূহত বসবাসৰ উপযোগী পৰিৱেশো গঢ় লৈ উঠিব৷

• কেবিনেটৰ এই সিদ্ধান্ত দিল্লীৰ চিনাক্তকৰণ কৰা ১,৭৯৭টা বেআইনি কলনিত বসবাস কৰা লোকসকলৰ ক্ষেত্রত প্ৰযোজ্য হ’ব। এই ধৰণৰ কলনিত নিম্ন আয়ৰ লোকসকল বসবাস কৰে৷ অৱশ্যে, দিল্লী উন্নয়ন প্ৰাধিকৰণে পৃথকে সৈনিক ফাৰ্ম, মহেন্দ্ৰ এনক্লেভ আৰু অনন্ত ৰাম দুগ্ধপামকে ধৰি যি ৬৯টা কলনিক চিহ্নিত কৰিছে, কেবিনেটৰ আজিৰ সিদ্ধান্ত সেইবোৰৰ ক্ষেত্রত প্ৰযোজ্য নহয়৷

• বাসস্থানৰ অধিকাৰ সংক্রান্তত কেবিনেটৰ এই সিদ্ধান্তৰ ফলত কার্পেট এলেকাৰ ভিত্তিত ভূমিৰ মূল্য স্থিৰ কৰা হ’ব৷.

• কেবিনেটৰ বৈঠকত গ্ৰহণ কৰা আন এক সিদ্ধান্ত অনুসৰি বেআইনি কলনিৰ বাসিন্দাসকলৰ সুবিধার্থে ভূমিৰ জেনেৰেল পাৱাৰ অৱ এটর্নি, উইল, ক্ৰয়-বিক্ৰয় সম্পৰ্কীয় স্বীকৃতিৰ বাবে এখন বিধেয়ক সংসদৰ পৰৱৰ্তী অধিৱেশনত উত্থাপন কৰা হ’ব।

• এই বিধেয়কত ভূমি হস্তান্তৰৰ ক্ষেত্রত পঞ্জীয়ন মাচুল আৰু ষ্টাম্প ডিউটি সংগ্ৰহৰ ব্যৱস্থা আছে৷

• দিল্লী উন্নয়ন প্ৰাধিকৰণে সম্পত্তি পঞ্জীয়ন ইছ্যু কৰাৰ বাবে এক সহজ প্ৰক্রিয়া প্ৰণয়ন কৰিব৷

• বেআইনি কলনিসমূহৰ সীমা নির্ধাৰণৰ দায়িত্ব দিল্লী উন্নয়ন প্ৰাধীকৰণৰ হাতত আছে৷

• আনকি, কলনিৰ বাসিন্দাসকলৰ সুবিধার্থে কোনো জৰিমণা বা অতিৰিক্ত উন্নয়নমূলক মাচুল ধার্য কৰা হোৱা নাই৷.

*****

VRRK/SC/SH/DB