পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীয়ে আজি নতুন দিল্লীত সেৱা তীৰ্থ আৰু কৰ্তব্য ভৱন-১ আৰু ২ৰ উদ্বোধনী অনুষ্ঠানত ভাষণ প্ৰদান কৰে। এই উপলক্ষে আগবঢ়োৱা ভাষণত প্ৰধানমন্ত্ৰীয়ে কয় যে আজি সকলোৱে এক নতুন ইতিহাসৰ সাক্ষী হৈছে। তেওঁ প্ৰধানমন্ত্ৰী কাৰ্যালয়ৰ দল, কেবিনেট সচিবালয় আৰু বিভিন্ন বিভাগৰ কৰ্মচাৰীক সেৱা তীৰ্থ আৰু নতুন ভৱনৰ বাবে অভিনন্দন জনায়। তেওঁ ইয়াৰ নিৰ্মাণৰ সৈতে জড়িত সকলো অভিযন্তা আৰু শ্ৰমিকক কৃতজ্ঞতা জ্ঞাপন কৰে।

‘এক্স’ৰ একাধিক পোষ্টত শ্ৰী মোদীয়ে কয়ঃ

“ভাৰতৰ জনসাধাৰণক সেৱা কৰাৰ এক অটল সংকল্পৰ সৈতে আৰু নাগৰিক দেৱো ভৱৰ পবিত্ৰ আত্মাৰ দ্বাৰা পৰিচালিত হৈ সেৱা তীৰ্থক দেশবাসীৰ বাবে বিনম্ৰভাৱে উৎসৰ্গা কৰা হৈছে।

সেৱা তীৰ্থ সদায় কৰ্তব্য, সহানুভূতি আৰু ‘ৰাষ্ট্ৰ প্ৰথম’ৰ প্ৰতি দায়বদ্ধতাৰ এক উজ্জ্বল প্ৰতীক হৈ ৰওক। ই ভৱিষ্যত প্ৰজন্মক নিঃস্বাৰ্থ সেৱা আৰু সকলোৰে কল্যাণৰ অৰ্থে নিৰন্তৰ সমৰ্পণৰ পথত আগবাঢ়ি যাবলৈ প্ৰেৰণা যোগাব”।

“আজি পুৱা সেৱা তীৰ্থত দৰিদ্ৰ, নিপীড়িত, আমাৰ কঠোৰ পৰিশ্ৰমী কৃষকসকলৰ সৱলীকৰণ, যুৱ শক্তি আৰু নাৰী শক্তিৰ সৈতে জড়িত ফাইলত স্বাক্ষৰ কৰিলো। মূল সিদ্ধান্তসমূহৰ ভিতৰত আছেঃ

পিএম ৰাহট আঁচনিৰ শুভাৰম্ভণিৰ বাবে অনুমোদন, য’ত দুৰ্ঘটনাত পতিত হোৱা লোকসকলে ১.৫ লাখ টকালৈকে নগদধনবিহীন চিকিৎসাৰ সুবিধা লাভ কৰিব। ইয়াৰ দ্বাৰা পীড়িত ব্যক্তিক তাৎক্ষণিকভাৱে চিকিৎসা সাহায্য প্ৰদান কৰাটো নিশ্চিত কৰা হ’ব।

লাখপতি দিদী আঁচনিৰ লক্ষ্য দুগুণ কৰি ৬ কোটি কৰা হৈছে। ইয়াৰ জৰিয়তে মহিলা সবলীকৰণ আৰু আত্মনিৰ্ভৰশীলতা বৃদ্ধি হ’ব।

কৃষি আন্তঃগাঁথনি পুঁজিৰ লক্ষ্য ১ লাখ কোটি টকাৰ পৰা ২ লাখ কোটি টকালৈ দুগুণ কৰা হৈছে। ইয়াৰ দ্বাৰা আমাৰ কৃষকসকলৰ যথেষ্ট উপকাৰ হ’ব আৰু তেওঁলোকৰ আয় বৃদ্ধি হ’ব।

১০,০০০ কোটি টকাৰ পুঁজিৰে ষ্টাৰ্টআপ ইণ্ডিয়া ফাণ্ড অৱ ফাণ্ডছ ২.০ৰ বাবে অনুমোদন। ইয়াৰ দ্বাৰা প্ৰাৰম্ভিক পৰ্যায়ত ষ্টাৰ্ট-আপ আৰু গভীৰ প্ৰযুক্তিগত গৱেষণাক উৎসাহিত কৰা হ’ব”।

“দেশবাসীৰ সেৱাৰ অটুট সংকল্প আৰু ‘নাগৰিক দেৱো ভৱ’ৰ পবিত্ৰ চেতনা লৈ আজি দেশবাসীৰ বাবে ‘সেৱা তীৰ্থ’ উৎসৰ্গা কৰাৰ সৌভাগ্য লাভ কৰিছো।

সেৱা তীৰ্থ হৈছে কৰ্তব্য, কৰুণা আৰু ‘ৰাষ্ট্ৰ প্ৰথম’ৰ প্ৰতি আমাৰ প্ৰতিশ্ৰুতিৰ এক শক্তিশালী প্ৰতীক।

মই আশা কৰো যে ই অনাগত প্ৰজন্মক নিঃস্বাৰ্থ সেৱা আৰু জন-কল্যাণৰ অৰ্থে উৎসৰ্গা কৰি আগুৱাই যাবলৈ প্ৰেৰণা যোগাব।

“সেৱা তীৰ্থ স্মাৰক ডাক টিকট আৰু মুদ্ৰা মুকলি কৰি মই গৌৰৱান্বিত হৈছো, যিটো আজি দিল্লীত ‘সেৱা তীৰ্থ’ আৰু ‘কৰ্তব্য ভৱন’ৰ উদ্বোধনৰ সৈতে সংগতি ৰাখি মুকলি কৰা হৈছে।

“আজি মই যি অমৃত ভাৱনাৰ সৈতে ‘সেৱা তীৰ্থ’ আৰু ‘কৰ্তব্য ভৱন’ দেশবাসীৰ নামত উৎসৰ্গা কৰিছো, সেয়া ১৪০ কোটি দেশবাসীৰ আশা-আকাংক্ষা পূৰণৰ এক শক্তিশালী আধাৰ হ’ব।

“বিগত ১১ বছৰ ধৰি আমি দাসত্বৰ মানসিকতা সলনি কৰাৰ বাবে অভিযান চলাই আহিছো। আমাৰ মন্ত্ৰ হ’ল-স্বাধীন ভাৰতৰ স্বাধীন পৰিচয়, দাসত্বৰ পৰা মুক্ত প্ৰতীক!

‘সেৱা তীৰ্থ’ নামতে এটা ডাঙৰ বাৰ্তা আছে–ই হৈছে দেশবাসীৰ সেৱাৰ সংকল্পক সিদ্ধিলৈ লৈ যোৱাৰ এক পবিত্ৰ স্থান!

“দায়িত্ব হৈছে এই প্ৰাণৱন্ত ৰাষ্ট্ৰৰ প্ৰাণবায়ু। ই কোটি কোটি দেশবাসীৰ সপোন বাস্তৱায়িত কৰাৰ সংকল্পক নতুন শক্তি প্ৰদান কৰিছে।

“নাগৰিকসকল, আপোনালোক আমাৰ কৰ্ম-সংস্কৃতি। ‘সেৱা তীৰ্থ’ত গ্ৰহণ কৰা প্ৰতিটো সিদ্ধান্তই ১৪০ কোটি দেশবাসীৰ জীৱন উন্নত কৰিব।

With an unwavering resolve to serve the people of India and guided by the sacred spirit of Nagrikdevo Bhava, Seva Teerth is humbly dedicated to the nation.

May Seva Teerth always stand as a radiant symbol of duty, compassion, commitment to the principle of India First. May it… pic.twitter.com/xVRoEcbtE9

— Narendra Modi (@narendramodi) February 13, 2026

****

MJPS/VJ/DB