পি এম ইণ্ডিয়া

প্রধানমন্ত্রী শ্রী নৰেন্দ্র মোদীয়ে ইটালীৰ প্রধানমন্ত্রী শ্ৰীযুত মাৰিঅ’ দ্রাঘিৰ সৈতে টেলিফোনযোগে বাৰ্তালাপ কৰে।

দুয়োগৰাকী নেতাই আফগানিস্তানৰ শেহতীয়া পৰিস্থিতি আৰু সংশ্লিষ্ট অঞ্চলৰ লগতে বিশ্বত ইয়াৰ প্রভাৱ সম্পর্কে পর্যালোচনা কৰে৷

বৃহস্পতিবাৰে কাবুল আন্তর্জাতিক বিমানবন্দৰত ভয়াবহ সন্ত্রাসবাদী আক্ৰমণৰ তীব্র নিন্দা কৰাৰ লগতে তাত আৱদ্ধ হৈ থকা লোকসলকক নিৰাপদে প্রত্যাৱর্তন সুনিশ্চিত কৰাৰ বাবে প্রয়োজনীয় ব্যৱস্থা গ্রহণৰ ওপৰত জোৰ দিয়ে৷

আফগানিস্তানৰ বর্তমান পৰিস্থিতিক লৈ সৃষ্টি হোৱা মানৱীয় সংকট আৰু দীর্ঘম্যাদী নিৰাপত্তা বিষয়টো মোকাবিলা কৰাৰ বাবে জি–২০ পৰ্যায়ত আন্তর্জাতিক সহযোগিতাৰ প্রয়োজনীয়তাৰ ওপৰত তেওঁলোকে জোৰ দিয়ে।

দুয়োগৰাকী নেতাই জলবায়ু পৰিৱর্তনকে ধৰি জি–২০ সদস্যভুক্ত দেশসমূহৰ অন্যান্য গুৰুত্বপূর্ণ বিষয়ক লৈও আলোচনা কৰে। এই ক্ষেত্ৰত তেওঁলোকে চিঅ’পি–২৬কে ধৰি অন্যান্য বহুপাক্ষিক কর্মকাণ্ডৰ ওপৰতো মত বিনিময় কৰে৷

প্রধানমন্ত্রীয়ে জি–২০ সদস্যভুক্ত দেশসমূহৰ মাজত ফলপ্রসূ আলোচনাত ইটালীৰ প্রগতিশীল নেতৃত্বৰ উচ্চ প্রশংসা কৰে৷

দুয়োখন দেশৰ প্রধানমন্ত্রীয়ে দ্বিপাক্ষিক আৰু বিশ্বৰ বিভিন্ন বিষয়, বিশেষকৈ আফগানিস্তানৰ পৰিস্থিতি সম্পর্কে পাৰস্পৰিক যোগাযোগ বজাই ৰাখিবলৈ সন্মতি প্ৰকাশ কৰিছে।

****

DS/SH/DB