পি এম ইণ্ডিয়া

১

ভাৰত আৰু অষ্ট্ৰিয়াৰ মাজত দৃশ্য-শ্ৰব্য সহ-উৎপাদনৰ চুক্তি

এই চুক্তিয়ে দুয়োখন দেশৰ চলচ্চিত্ৰ উদ্যোগৰ মাজত সহযোগিতা বৃদ্ধিৰ বাবে এক পৰিকাঠামো প্ৰদান কৰিব আৰু যুটীয়াভাৱে চলচ্চিত্ৰ নিৰ্মাণ, সৃষ্টিশীল বিনিময় আৰু অধিক সাংস্কৃতিক সংযোগৰ সুবিধা প্ৰদান কৰিব।

২

ভাৰত আৰু অষ্ট্ৰিয়াৰ কোম্পানীসমূহৰ বাবে ফাষ্ট ট্ৰেক ব্যৱস্থা স্থাপনৰ যৌথ ঘোষণা

ফাষ্ট ট্ৰেক ব্যৱস্থাপনাই ভাৰত আৰু অষ্ট্ৰিয়াৰ কোম্পানী আৰু দুয়ো দেশৰ পৰস্পৰৰ অৰ্থনীতিত বিনিয়োগকাৰীয়ে সন্মুখীন হোৱা সমস্যাসমূহ চিনাক্ত কৰি সমাধান কৰিব।

এই ফাষ্ট ট্ৰেক ব্যৱস্থাপনাই বিনিয়োগকাৰীৰ দৃষ্টিকোণৰ পৰা ব্যৱসায় কৰাত সহজতাৰ সৈতে জড়িত সাধাৰণ পৰামৰ্শসমূহ আলোচনা কৰাৰ বাবেও এখন মঞ্চ হিচাপে কাম কৰিব।

৩

সামৰিক বিষয়ত সহযোগিতাৰ বাবে উদ্দেশ্য পত্ৰ

এই উদ্দেশ্য পত্ৰখনে সামৰিক বিষয়, প্ৰতিৰক্ষা উদ্যোগ আৰু প্ৰযুক্তি অংশীদাৰিত্বত সহযোগিতা প্ৰসাৰিত কৰাৰ বাবে এক প্ৰতিষ্ঠানিক কাঠামো প্ৰদান কৰিব আৰু ২০২৬ চনৰ ২৭ জানুৱাৰীত স্বাক্ষৰিত ভাৰত-ইউৰোপীয় ইউনিয়নৰ প্ৰতিৰক্ষা আৰু নিৰাপত্তা অংশীদাৰিত্বৰ গতি বৃদ্ধি কৰাৰ লগতে প্ৰতিৰক্ষা নীতিৰ আলোচনা, প্ৰশিক্ষণ আৰু সামৰ্থ্য বিকাশৰ সুবিধা প্ৰদান কৰিব।

৪

সন্ত্ৰাসবাদ বিৰোধী যৌথ কৰ্মগোটৰ উদ্দেশ্য পত্ৰ

এই লেটাৰ অব ইনটেণ্টে ভাৰত আৰু অষ্ট্ৰিয়াৰ মাজত সন্ত্ৰাসবাদবিৰোধী সহযোগিতাক আগুৱাই নিব। সন্ত্ৰাসবাদৰ বিৰুদ্ধে যুঁজৰ সৈতে জড়িত বিষয়সমূহৰ ওপৰত কৌশলগত সহযোগিতাৰ ক্ষেত্ৰসমূহ অন্বেষণ কৰিবলৈ দুয়োপক্ষই একেলগে কাম কৰি সন্ত্ৰাসবাদ বিৰোধী যৌথ কৰ্মগোট গঠন কৰাৰ লক্ষ্য লৈছে।

৫

অষ্ট্ৰিয়াৰ এজিএছ আৰু ভাৰতৰ এফ এছ এছ এআইৰ মাজত খাদ্য সুৰক্ষা সম্পৰ্কীয় বুজাবুজিৰ চুক্তি

এই বুজাবুজি চুক্তিয়ে খাদ্য সুৰক্ষাৰ মানদণ্ড, বৈজ্ঞানিক বিনিময়, সামৰ্থ্য বিকাশ, আৰু খাদ্য নিয়ন্ত্ৰণ আৰু বিপদ মূল্যায়নৰ উত্তম পদ্ধতিসমূহৰ অংশীদাৰিত্বৰ ক্ষেত্ৰত সহযোগিতাক প্ৰসাৰিত কৰিব। ইয়াৰ দ্বাৰা কৃষি আৰু খাদ্য সামগ্ৰীৰ বাণিজ্যক প্ৰসাৰিত কৰা হ’ব, একে সময়তে সুৰক্ষাৰ মানদণ্ডক সৰ্বোচ্চ অগ্ৰাধিকাৰ দিয়াটো নিশ্চিত কৰা হ’ব।

৬

দ্বৈত বৃত্তিমূলক প্ৰশিক্ষণ, দক্ষতা বিকাশ, আৰু বৃত্তিগত অৰ্হতাৰ স্বীকৃতিৰ ওপৰত যৌথ বুজাবুজি চুক্তি

এই বুজাবুজি চুক্তিয়ে দ্বৈত বৃত্তিমূলক প্ৰশিক্ষণ (এপ্ৰেণ্টিছশ্বিপ) আৰু দক্ষতা বিকাশৰ ক্ষেত্ৰত বিনিময় আৰু জ্ঞান বিনিময়ক প্ৰসাৰিত কৰাত সহায় কৰাৰ লগতে অষ্ট্ৰিয়াৰ মানদণ্ড অনুসৰি ভাৰতীয় বৃত্তিমূলক অৰ্হতাক স্বীকৃতি প্ৰদান কৰাত সহায় কৰিব।

ক্ৰমিক নম্বৰ

শিৰোনাম

১

পথ আন্তঃগাঁথনি খণ্ডত কাৰিকৰী সহযোগিতাৰ বুজাবুজি নৱীকৰণ।

(এই বুজাবুজি চুক্তিয়ে বুদ্ধিমত্তাসম্পন্ন পৰিবহণ ব্যৱস্থা (আইটিএছ), পথ সুৰক্ষা, ইলেক্ট্ৰনিক টোল সংগ্ৰহ, আৰু যাতায়াত ব্যৱস্থাপনাৰ ক্ষেত্ৰত কাৰিকৰী সহযোগিতা শক্তিশালী কৰাত সহায় কৰিব।)

২

ভাৰত-অষ্ট্ৰিয়া ষ্টাৰ্টআপ সাঁকোৰ অধীনত ষ্টাৰ্টআপ পৰিৱেশতন্ত্ৰৰ মাজত সহযোগিতা বৃদ্ধি কৰা।

(দুয়োখন দেশৰ ষ্টাৰ্টআপ, ইউনিকৰ্ণ, উদ্ভাৱন পৰিৱেশতন্ত্ৰ, আৰু ভেঞ্চাৰ কেপিটেল নেটৱৰ্কৰ মাজত সহযোগিতা অব্যাহত ৰখা।)

৩

প্ৰতিষ্ঠানিক চাইবাৰ সুৰক্ষা আলোচনাৰ শুভাৰম্ভ।

৪

ৰাষ্ট্ৰসংঘৰ ভাৰতীয় শান্তিৰক্ষা কেন্দ্ৰ আৰু অষ্ট্ৰিয়াৰ সশস্ত্ৰ বাহিনী আন্তঃৰাষ্ট্ৰীয় কেন্দ্ৰ (এইউটিআইএনটি)ৰ মাজত অংশীদাৰিত্ব।

৫

২০২৬ চনৰ শৰৎকালত ভিয়েনাত যৌথভাৱে দ্বিপাক্ষিক মহাকাশ উদ্যোগৰ আলোচনা চক্ৰৰ আয়োজন কৰাৰ চুক্তি; যৌথ বিবৃতিত অন্তৰ্ভুক্ত কৰা হৈছে।

৬

কৰ্ম ছুটীৰ কাৰ্যসূচী আৰম্ভ কৰা।

৭

ভাৰত-অষ্ট্ৰিয়াৰ অংশীদাৰিত্বক প্ৰসাৰিত কৰাৰ বাবে কেন্দ্ৰীয় স্তম্ভ হিচাপে উচ্চ প্ৰযুক্তিৰ সহযোগিতা।

(বিজ্ঞান আৰু প্ৰযুক্তিৰ যুটীয়া সমিতিৰ অধীনত পদাৰ্থ বিজ্ঞান আৰু প্ৰযুক্তি, কোৱাণ্টাম প্ৰযুক্তি, বর্জ্য পানী পৰিশোধন, মেচিন লাৰ্নিং, লেজাৰ আদিৰ ক্ষেত্ৰত কেইবাটাও সহযোগিতামূলক অনুসন্ধান আৰু বিকাশ প্ৰকল্প চিনাক্ত কৰা হৈছে।)

৮

শিক্ষাৰ ক্ষেত্ৰত সহযোগিতাৰ ওপৰত এক গাঁথনিগত দ্বিপাক্ষিক আলোচনা আৰম্ভ কৰা।

(ইয়াৰ লক্ষ্য হৈছে দক্ষতা বিকাশৰ প্ৰসাৰ, পাঠ্যক্ৰম বিকাশক উৎসাহিত কৰা, অৰ্হতাৰ পাৰস্পৰিক স্বীকৃতিৰ সুবিধা প্ৰদান কৰা, আৰু উচ্চ শিক্ষা আৰু বৃত্তিমূলক শিক্ষা আৰু প্ৰশিক্ষণ ব্যৱস্থাৰ বিকাশত প্ৰতিষ্ঠানিক সহযোগিতাৰ সমৰ্থন কৰা।)

৯

অষ্ট্ৰিয়াৰ আগশাৰীৰ কাৰিকৰী বিশ্ববিদ্যালয়সমূহৰ ‘ফ’কাচ ইণ্ডিয়া’ পদক্ষেপৰ লক্ষ্য হৈছে ভাৰতৰ সৈতে শৈক্ষিক আৰু গৱেষণামূলক সহযোগিতা পদ্ধতিগতভাৱে গভীৰ কৰা।

(অষ্ট্ৰিয়াৰ তিনিখন ৰাজহুৱা কাৰিকৰী বিশ্ববিদ্যালয়ে (টেকনিচ ইউনিভাৰ্চিটি উইন, টেকনিচ ইউনিভাৰ্চিটি গ্ৰাজ, আৰু মন্টানা ইউনিভাৰ্চিটি লিওবেন) এটা নিৰ্দিষ্ট পৰ্টেল মুকলি কৰিছে যাতে ভাৰতীয় ছাত্ৰ-ছাত্ৰীসকলক অষ্ট্ৰিয়াত অভিযান্ত্ৰিক আৰু কাৰিকৰী স্নাতকোত্তৰ কাৰ্যসূচীত নামভৰ্তিৰ সুবিধা হয়।)