পি এম ইণ্ডিয়া

১.

প্ৰব্ৰজন আৰু চলাচল অংশীদাৰিত্ব (এমএমপি) সম্পৰ্কীয় বুজাবুজি চুক্তি

এই বুজাবুজি চুক্তিৰ লক্ষ্য হৈছে সমান ব্যৱহাৰৰ নীতিৰ অধীনত প্ৰব্ৰজন আৰু চলাচল সহযোগিতা বিকশিত কৰাৰ লগতে ৰাষ্ট্ৰীয় আইন অনুসৰি অনিয়মিত প্ৰব্ৰজন/মানৱ শোষণ/সৰবৰাহ প্ৰতিৰোধ আৰু আনুসংগিক প্ৰত্যাহ্বানৰ মুখামুখি হোৱা। এই চুক্তিৰ জৰিয়তে ৫ বছৰলৈকে এখন দেশত বাৰে বাৰে প্ৰৱেশ কৰিবলৈ ভিছাৰ সুবিধাৰ ব্যৱস্থা কৰা হৈছে। এই সময়ছোৱাত প্ৰতিবাৰ ভ্ৰমণকালত ৬ মাহলৈকে থকাৰ সুবিধাৰ লগতে শিক্ষাৰ্থীসকলৰ বাবে এবছৰীয়া নৱীকৰণযোগ্য অনুমতিপত্ৰ প্ৰদানৰ ব্যৱস্থা।

২.

যুৱ পেছাদাৰীসকলৰ বিনিময়ৰ চুক্তি (ৱাই পি এছ)

এই চুক্তিৰ লক্ষ্য হৈছে নিৰ্দিষ্ট ক্ষেত্ৰৰ ভিতৰত পেছাদাৰী আৰু ভাষাৰ দক্ষতা বৃদ্ধি কৰিবলৈ আন দেশত অস্থায়ী নিযুক্তি লোৱা যুৱ পেছাদাৰীসকলৰ বিনিময় নিয়ন্ত্ৰণ কৰা। ৱাই পি এছৰ জৰিয়তে প্ৰতিখন দেশত বছৰি ৩০০ গৰাকী লোকৰ বিনিময়ৰ ব্যৱস্থা কৰা হৈছে। এই সংখ্যা ৫০০লৈ বৃদ্ধি হ’ব পাৰে তথা অন্যান্য ব্যৱস্থাসমূহৰ ভিতৰত ৰাষ্ট্ৰীয়তা/বাসস্থানৰ স্থিতিৰ প্ৰমাণীকৰণৰ বাবে ৩০/৯০ দিনৰ সময়সীমা অন্তৰ্ভুক্ত কৰা হৈছে।

৩.

ফেডাৰেল অৰ্থনৈতিক পৰিক্ৰমা, শিক্ষা আৰু গৱেষণা বিভাগ (ই এ ই আৰ) আৰু পথ পৰিবহণ তথা ঘাইপথ মন্ত্ৰালয়ৰ মাজত নিৰ্দিষ্ট কৰা ক্ষেত্ৰসমূহত পৰিবহণ প্ৰযুক্তি, আহ-যাহৰ ব্যৱস্থা আৰু আন্তঃগাঁথনি সন্দৰ্ভত প্ৰচাৰ আৰু সহযোগিতাৰ বাবে বুজাবুজি চুক্তি

এই বুজাবুজি চুক্তিখনৰ লক্ষ্য হৈছে বৈদ্যুতিক বাহন, ৰোপৱে’, চক্ৰীয় অৰ্থনীতি, সুৰংগ পথ আৰু অন্যান্য পৰিবহণ খণ্ডৰ দৰে ক্ষেত্ৰত প্ৰযুক্তি তথা আন্তঃগাঁথনিৰ অগ্ৰগতিৰ জৰিয়তে পৰিবহণ আৰু গতিশীলতা প্ৰণালীৰ ওপৰত গুৰুত্ব আৰোপ কৰি বহনক্ষম আন্তঃগাঁথনি উন্নয়নত সহযোগিতা বৃদ্ধি কৰা।

৪.

বিজ্ঞান আৰু প্ৰযুক্তি বিভাগ (ডিএছটি) আৰু ছুইচ নেচনেল ছায়েন্স ফাউণ্ডেচন (এছ এন এছ এফ) ৰ মাজত অভিপ্ৰায় পত্ৰ (এল অ’ আই)

অনুসন্ধানমূলক বৈজ্ঞানিক সহযোগিতাক সমৰ্থন কৰি, ভৱিষ্যতৰ যুটীয়া গৱেষণাৰ বাবে অংশীদাৰীত্ব গঢ়ি তোলা আৰু পাৰস্পৰিকভাৱে সন্মতিপ্ৰাপ্ত অগ্ৰাধিকাৰৰ ক্ষেত্ৰসমূহত দীৰ্ঘম্যাদী পদক্ষেপ বজাই ৰাখিবলৈ এক বিস্তৃত পৰিকাঠামো স্থাপন কৰি ভাৰতীয় আৰু ছুইছ গৱেষণা সম্প্ৰদায়ৰ মাজত দীৰ্ঘম্যাদী সহযোগিতা বৃদ্ধি কৰাটো এল অ’ আইৰ লক্ষ্য।

৫.

বিজ্ঞান আৰু প্ৰযুক্তি বিভাগ (ডিএছটি) আৰু জুৰিখ ইউনিভাৰ্ছিটি অব এপ্লাইড ছায়েন্সৰ মাজত উদ্ভাৱন, প্ৰযুক্তি স্থানান্তৰ আৰু উদ্যোগশীলতাৰ ক্ষেত্ৰত সহযোগিতাৰ বাবে ৰূপায়ণ ব্যৱস্থা (আই এ)

আই এৰ লক্ষ্য হৈছে দ্বিপাক্ষিক বিনিময়, যুটীয়া কৰ্মশালা, সামৰ্থ্য বিকাশ আৰু নেটৱৰ্কিঙৰ জৰিয়তে প্ৰাৰম্ভিক পৰ্যায়ৰ ষ্টাৰ্টআপৰ বাবে ইণ্ডো-ছুইছ একাডেমিয়া-ইণ্ডাষ্ট্ৰী ট্ৰেইনিং (এ আই টি ইণ্ডিয়া) কাৰ্যসূচী ৰূপায়ণ কৰি উদ্ভাৱন, প্ৰযুক্তি স্থানান্তৰ আৰু উদ্যোগশীলতাৰ ক্ষেত্ৰত দ্বিপাক্ষিক সহযোগিতা স্থাপন কৰা।

ক্ৰমিক নং

ঘোষণাসমূহ

১.  

বিজ্ঞান আৰু প্ৰযুক্তি মন্ত্ৰালয়ৰ সহযোগিতাত ইণ্ডো-ছুইছ গৱেষণা ধ্বজাবাহী অনুষ্ঠানৰ উদ্বোধনী অধিৱেশন