পি এম ইণ্ডিয়া

প্ৰধানমন্ত্ৰী শ্ৰী নৰেন্দ্ৰ মোদীয়ে মালদ্বীপত যোৱাৰ পূৰ্বে প্ৰদান কৰা বক্তব্য তলত উল্লেখ কৰা হ’ল৷

‘‘মই আমাৰ নিচেই ওচৰ চুবুৰীয়া মালদ্বীপ গণৰাজ্যৰ ৰাজধানী মালে ভ্ৰমণ কৰিবলৈ ওলাইছো৷ মালদ্বীপৰ নতুনকৈ নিৰ্বাচিত ৰাষ্ট্ৰপতি এইচ ই ইব্ৰাহিম মহম্মদ ছ’লিহৰ ঐতিহাসিক বিজয় উৎসৱত অংশগ্ৰহণ কৰাৰ উদ্দেশ্যে মই মালদ্বীপলৈ ওলাইছো৷

শেহতীয়া নিৰ্বাচনত তেওঁৰ বিজয়ক মই অভিনন্দন জনাইছো৷ ইয়াৰ দ্বাৰা মালদ্বীপ গণৰাজ্যৰ জনসাধাৰণক উন্নত ভৱিষ্যত প্ৰদানৰ বাবে গণতান্ত্ৰিক তথা নতুন নিয়ম সূচনাই তেওঁলোকৰ প্ৰত্যাশাক নিৰ্দেশায়িত কৰিছে৷

ভাৰত আৰু মালদ্বীপে দুয়োখন দেশৰ জনসাধাৰণৰ শান্তি উন্নতিৰ বাবে শক্তিশালী সহযোগিতাৰ পোষণ কৰে৷ মোৰ চৰকাৰৰ সামূহিক বিকাশৰ দৃষ্টিভংগী ‘‘সবকা সাথ, সবকা বিকাশ’’ আমাৰ চুবুৰীয়া দেশলৈও সম্প্ৰসাৰিত হৈছে৷ আমি ভাৰতত মালদ্বীপ গণৰাজ্যক গণতান্ত্ৰিকভাৱে এখন উন্নত দেশ হিচাপে চাবলৈ বিচাৰো৷

মই শ্ৰীমান ছ’লিহৰ নতুন মালদ্বীপিয়ান চৰকাৰলৈ মোৰ চৰকাৰে তেওঁলোকৰ উন্নয়নৰ বিষয়সমূহ বিশেষকৈ আন্তঃগাঁথনি, স্বাস্থ্যসেৱা, যোগাযোগ আৰু মানৱ সম্পদ বিকাশ আদিক অগ্ৰাধিকাৰ দি সহযোগিতাৰে কাম কৰাৰ বাবে সদিচ্ছা প্ৰেৰণ কৰিছো৷

মই নিশ্চিত যে মোৰ এই ভ্ৰমণৰ দ্বাৰা দুয়োখন দেশৰ মাজত সহযোগিতাৰ এক সুদৃঢ় বান্ধোন স্থাপিত হ’ব৷’’   

***

AKT/SH/MANN