પીએમઇન્ડિયા

વડાપ્રધાને આજે બિહાર માટે 1.25 લાખ કરોડ રૂપિયાના વિકાસ પેકેજની જાહેરાત કરી છે. તેમણે જણાવ્યું હતું કે જુદી જુદી ચાલી રહેલી યોજનાઓના માધ્યમથી રાજ્યમાં વધારાના 40 હજાર કરોડ રૂપિયા ખર્ચવામાં આવી રહ્યા છે.

વડાપ્રધાને બિહારના આરામાં અનેક વિકાસ યોજાનાઓની જાહેરાતના પ્રસંગે આયોજિત સમારંભને સંબોધિત કર્યો હતો. વડાપ્રધાને 11 રાષ્ટ્રીય રાજમાર્ગ યોજનાઓનું ઉદ્ધાટન કરીને તક્તીઓનું અનાવરણ કર્યું હતું. તેમણે 22 કૌશલ્ય પ્રશિક્ષણ કેન્દ્રોનું ઉદ્ધાટન કર્યું હતું તથા મહિલાઓ માટે પટણામાં સ્થપાનારી વ્યવસાયિક પ્રશિક્ષણ સંસ્થાની આધારશિલા રાખી હતી.

પ્રધાનમંત્રીએ જણાવ્યું હતું કે આજે જાહેરાત કરવામાં આવેલી યોજનાઓથી આવનારા સમયમાં બિહારની તસવીર બદલાશે. તેમણે જણાવ્યું હતું કે તેમની સરકાર ટુકડાઓમાં વિચારતી નથી.

વડાપ્રધાને મેક ઇન ઇન્ડિયા કાર્યક્રમની ચર્ચા કરી હતી અને જણાવ્યું હતું કે વિદેશી રોકણના વાયદા કરવામાં આવી રહ્યા છે. તેમણે આ સંબંધમાં સંયુક્ત આરબ અમીરાત સરકારની પ્રતિબદ્ધતાનો પણ ઉલ્લેખ કર્યો હતો. તેમણે જણાવ્યું હતું કે મેક ઇન ઇન્ડિયાની સફળતા તથા રોજગાર સુનિશ્ચિત કરવા માટે કૌશલ્ય વિકાસ અને સતત વિજળી પહોંચાડવી જરૂરી છે. તેમણે સ્ટાર્ટ અપ ઇન્ડિયા, સ્ટેન્ડ-અપ ઇન્ડિયાના આહવાનની પણ ચર્ચા કરી હતી. તેમણે જણાવ્યું હતું કે આ એક સમગ્ર વિઝન છે, જેની સાથે સરકાર કામ કરી રહી છે.

વડાપ્રધાને જણાવ્યું હતું કે કૃષિ વિકાસ માટે ખેડૂતોના કલ્યાણ જરૂરી છે. તેમણે જણાવ્યું હતું કે કૃષિ મંત્રાલયને નવું નામ આપવામાં આવી રહ્યું છે અને હવે તેમનું નામ કૃષિ તથા ખેડૂત કલ્યાણ મંત્રાલય હશે.

વડાપ્રધાને જણાવ્યું હતું કે ભારતની પ્રગતિ માટે ભારતના પૂર્વ ભાગનું આગળ વધવું જરૂરી છે.

UM/AP/JK/GP