પીએમઇન્ડિયા

પ્રધાનમંત્રી શ્રી નરેન્દ્ર મોદીએ અલ્સ્ટોમ (Alstom) ના સીઇઓ શ્રી માર્ટિન સિઓન સાથે ફળદાયી મુલાકાત અને વાતચીત કરી હતી.

પ્રધાનમંત્રીએ નોંધ્યું હતું કે ભારતમાં અલ્સ્ટોમ કંપની પહેલેથી જ મજબૂત હાજરી ધરાવે છે. શ્રી મોદીએ ભારતની વિકાસગાથામાં કંપનીના વિશ્વાસ અને ‘મેકિંગ ઇન ઇન્ડિયા’ (ભારતમાં નિર્માણ) તથા ‘મેકિંગ ફોર ધ વર્લ્ડ’ તરફના તેમના પ્રયાસોની પ્રશંસા કરી હતી.

પ્રધાનમંત્રીએ જણાવ્યું હતું કે આગામી સમયમાં આ તકો વધુ બહેતર બનવા જઈ રહી છે.

શ્રી મોદીએ ભારપૂર્વક જણાવ્યું હતું કે ભારત પોતાના યુવાનો સાથે સહયોગ કરવા માટે સમગ્ર વિશ્વને આમંત્રિત કરે છે.

પ્રધાનમંત્રીએ X (ટ્વિટર) પર લખ્યું;

“અલ્સ્ટોમના સીઇઓ શ્રી માર્ટિન સિઓન સાથે ફળદાયી વાતચીત થઈ. ભારતમાં અલ્સ્ટોમ પહેલેથી જ મજબૂત હાજરી ધરાવે છે. ભારતની વિકાસગાથામાં તેમનો વિશ્વાસ અને ‘મેકિંગ ઇન ઇન્ડિયા’ તથા ‘મેકિંગ ફોર ધ વર્લ્ડ’ તરફના તેમના પ્રયાસો પ્રશંસનીય છે અને આગામી સમયમાં આ તકો વધુ બહેતર બનવા જઈ રહી છે.

ભારત આપણા યુવાનો સાથે સહયોગ કરવા માટે વિશ્વને આમંત્રિત કરે છે. @Alstom”

Had a productive interaction with the CEO of Alstom, Mr. Martin Sion. Alstom already has a strong presence in India. Their belief in India’s growth story and their efforts towards making in India and making for the world are commendable. And, the opportunities are going to get… pic.twitter.com/2HgwzPgWAx

— Narendra Modi (@narendramodi) June 18, 2026

SM/IJ/JD