પીએમઇન્ડિયા

પ્રધાનમંત્રીએ કુવૈતના ક્રાઉન પ્રિન્સ હિઝ હાઈનેસ શેખ સબાહ અલ-ખાલદ અલ-હમદ અલ-મુબારક અલ-સબાહ સાથે ઉત્સવની શુભેચ્છાઓની આપ-લે કરવા અને પ્રાદેશિક સુરક્ષાના વિકાસની સમીક્ષા કરવા માટે વાત કરી હતી.

પ્રધાનમંત્રીએ કુવૈતના ક્રાઉન પ્રિન્સ HH શેખ સબાહ અલ-ખાલદ અલ-હમદ અલ-મુબારક અલ-સબાહ સાથે વાત કરી અને આગામી ઈદના તહેવાર નિમિત્તે શુભેચ્છાઓ પાઠવી હતી. વાતચીત દરમિયાન, શ્રી મોદી અને ક્રાઉન પ્રિન્સે પશ્ચિમ એશિયામાં બદલાતી પરિસ્થિતિ પર વિચારોનું આદાનપ્રદાન કર્યું અને તાજેતરના ઘટનાક્રમ અંગે ચિંતા વ્યક્ત કરી હતી. પ્રધાનમંત્રીએ કુવૈતની સાર્વભૌમત્વ અને પ્રાદેશિક અખંડિતતા પરના હુમલાઓની ભારતની નિંદાનો પુનરોચ્ચાર કર્યો હતો, અને ભારપૂર્વક જણાવ્યું હતું કે સ્ટ્રેટ ઓફ હોર્મુઝ (Strait of Hormuz) દ્વારા સુરક્ષિત અને મુક્ત નેવિગેશન સુનિશ્ચિત કરવું એ સૌથી મોટી પ્રાથમિકતા છે. બંને નેતાઓ સંમત થયા હતા કે પ્રાદેશિક શાંતિ અને સ્થિરતા માટે સતત રાજદ્વારી જોડાણ આવશ્યક છે. પ્રધાનમંત્રીએ કુવૈતમાં ભારતીય સમુદાયની સુરક્ષા અને સુખાકારી માટે પૂરા પાડવામાં આવેલા સતત સમર્થન બદલ ક્રાઉન પ્રિન્સનો આભાર પણ માન્યો હતો.

પ્રધાનમંત્રીએ X પર લખ્યું;

“કુવૈતના ક્રાઉન પ્રિન્સ HH શેખ સબાહ અલ-ખાલદ અલ-હમદ અલ-મુબારક અલ-સબાહ સાથે વાત કરી અને આગામી ઈદના તહેવાર પર શુભેચ્છાઓ પાઠવી.

અમે પશ્ચિમ એશિયામાં વિકસતી પરિસ્થિતિ પર વિચારોનું આદાનપ્રદાન કર્યું અને તાજેતરના ઘટનાક્રમ અંગે ચિંતા વ્યક્ત કરી. કુવૈતની સાર્વભૌમત્વ અને પ્રાદેશિક અખંડિતતા પરના હુમલાઓની ભારતની નિંદાનો પુનરોચ્ચાર કર્યો. સ્ટ્રેટ ઓફ હોર્મુઝ (Strait of Hormuz) દ્વારા સુરક્ષિત અને મુક્ત નેવિગેશન સુનિશ્ચિત કરવું એ અમારી સર્વોચ્ચ પ્રાથમિકતા છે.

અમે સંમત થયા કે પ્રાદેશિક શાંતિ અને સ્થિરતા માટે સતત રાજદ્વારી જોડાણ આવશ્યક છે.

મેં કુવૈતમાં ભારતીય સમુદાયની સુરક્ષા અને સુખાકારી માટે સતત સમર્થન બદલ તેમનો આભાર માન્યો.”

Spoke with HH Sheikh Sabah Al-Khaled Al-Hamad Al-Mubarak Al-Sabah, Crown Prince of Kuwait and conveyed greetings on the upcoming festival of Eid.

We exchanged views on the evolving situation in West Asia and shared concerns over recent developments. Reiterated India’s…

— Narendra Modi (@narendramodi) March 18, 2026

SM/IJ/JD