પીએમઇન્ડિયા

પ્રધાનમંત્રી શ્રી નરેન્દ્ર મોદીએ આજે નવી દિલ્હીમાં 18મી બ્રિક્સ સમિટ દરમિયાન આફ્રિકન યુનિયનના ચેરપર્સન અને બુરુન્ડી પ્રજાસત્તાકના રાષ્ટ્રપતિ મહામહિમ ઇવેરિસ્ટ એન્દાચિમીયે સાથે એક દ્વિપક્ષીય બેઠક યોજી હતી.

બંને નેતાઓએ વર્ષ 2023માં ભારતની અધ્યક્ષતા દરમિયાન આફ્રિકન યુનિયનને જી-20માં લાવવામાં ભારતની ભૂમિકાને યાદ કરતા ભારપૂર્વક જણાવ્યું હતું કે ભારત-આફ્રિકન યુનિયન ભાગીદારી એ ગ્લોબલ સાઉથ અંતર્ગત સહયોગનો એક મુખ્ય સ્તંભ છે. તેમણે પરસ્પર અનુકૂળ તારીખે ચોથી ભારત-આફ્રિકા ફોરમ સમિટ (IAFS-IV)ના વહેલા આયોજન અંગે ચર્ચા કરી હતી.

પ્રધાનમંત્રીએ ઇબોલા રોગચાળાનો સફળતાપૂર્વક સામનો કરવા બદલ એયુ (AU) ના નેતૃત્વની પ્રશંસા કરી હતી. એયુ (AU) ચેરપર્સને રોગચાળાને હળવો કરવામાં મદદ કરવા માટે ભારત તરફથી આફ્રિકા સીડીસી (Africa CDC)ને આપવામાં આવેલી તબીબી સહાયની સરાહના કરી હતી.

બંને નેતાઓએ ભારત-બુરુન્ડી સંબંધો અંગે ચર્ચા કરી હતી, જે ઉષ્મા, એકજૂથતા અને સહિયારી વિકાસલક્ષી આકાંક્ષાઓ દ્વારા વ્યાખ્યાયિત થવાનું ચાલુ રાખે છે. બંને નેતાઓએ આર્થિક સહયોગ, વિકાસ ભાગીદારી, કૃષિ આધુનિકીકરણ, આરોગ્યસંભાળ અને ક્ષમતા-નિર્માણ પહેલોના ક્ષેત્રોમાં દ્વિપક્ષીય સંબંધોની સમીક્ષા કરી હતી.

SM/JD