પીએમઇન્ડિયા

પ્રધાનમંત્રી શ્રી નરેન્દ્ર મોદીએ નવી દિલ્હીમાં યોજાયેલી બ્રિક્સ સમિટ દરમિયાન ફેડરલ રિપબ્લિક ઓફ નાઇજીરીયાના ઉપરાષ્ટ્રપતિ, મહામહિમ શ્રી કાશિમ શેત્તિમા મુસ્તફા, GCON સાથે મુલાકાત કરી હતી. ઉપરાષ્ટ્રપતિ કાશિમ શેત્તિમા મુસ્તફા, GCON નવી દિલ્હીમાં બ્રિક્સ સમિટમાં નાઇજીરીયન પ્રતિનિધિમંડળનું નેતૃત્વ કરી રહ્યા છે. આ પ્રતિનિધિમંડળમાં વિદેશ બાબતો; ઉદ્યોગ, વેપાર અને રોકાણ; સંચાર નવીનતા અને ડિજિટલ ટેકનોલોજી; માનવતાવાદી બાબતો અને ગરીબી નાબૂદી, મહિલા બાબતો; અને વિજ્ઞાન અને ટેકનોલોજી મંત્રીઓ સહિત અનેક મંત્રીઓનો સમાવેશ થાય છે.

બંને નેતાઓએ બહુમુખી ભારત-નાઇજીરીયા સંબંધોની સમીક્ષા કરી હતી અને વિવિધ ક્ષેત્રોમાં થયેલી સતત પ્રગતિ પર સંતોષ વ્યક્ત કર્યો હતો. ચર્ચા વેપાર અને રોકાણ, સંરક્ષણ અને સુરક્ષા, ઊર્જા ભાગીદારી, કૃષિ, આરોગ્ય અને ડિજિટલ ટેકનોલોજી સહિતના મુખ્ય ક્ષેત્રો પર કેન્દ્રિત હતી. તેમણે ભારત-નાઇજીરીયા વ્યૂહાત્મક ભાગીદારીને વધુ મજબૂત બનાવવાની તેમની પ્રતિબદ્ધતાનો પુનઃરોચ્ચાર કર્યો હતો.

પ્રધાનમંત્રી મોદી અને ઉપરાષ્ટ્રપતિ શેત્તિમા મુસ્તફાએ ગ્લોબલ સાઉથની પ્રાથમિકતાઓ અને ચિંતાઓ સહિત પરસ્પર હિતના પ્રાદેશિક અને વૈશ્વિક મુદ્દાઓ પર પણ વિચારોનું આદાનપ્રદાન કર્યું હતું. તેમણે બહુપક્ષીય મંચોમાં સહયોગ મજબૂત કરવાના અને વધુ પ્રતિનિધિ, સમાવેશી અને બહુપક્ષીય આંતરરાષ્ટ્રીય વ્યવસ્થા તરફ મળીને કામ કરવાના મહત્વ પર ભાર મૂક્યો હતો.

પ્રધાનમંત્રી મોદીએ નાઇજીરીયા સાથેની પોતાની ભાગીદારીને મજબૂત કરવા અને આફ્રિકા સાથે ભારતના જોડાણને વધુ ગાઢ બનાવવા માટે ભારતની સતત પ્રતિબદ્ધતા પર પ્રકાશ પાડ્યો હતો. ઉપરાષ્ટ્રપતિ શેત્તિમા મુસ્તફાએ ભારતના વિકાસના અનુભવ અને નાઇજીરીયામાં ક્ષમતા નિર્માણ અને આર્થિક વિકાસમાં તેના યોગદાનની પ્રશંસા કરી હતી.

આ બેઠકે બંને દેશોમાં અને વ્યાપક ગ્લોબલ સાઉથમાં શાંતિ, સમૃદ્ધિ અને વિકાસમાં યોગદાન આપતા, એક મજબૂત, ભવિષ્યલક્ષી ભાગીદારીના નિર્માણ માટે ભારત અને નાઇજીરીયાની સહિયારી પ્રતિબદ્ધતાની પુનઃપુષ્ટિ કરી હતી.

SM/BS/JD