પીએમઇન્ડિયા

પ્રધાનમંત્રીએ 18 જૂન 2026ના રોજ પેરિસમાં ભારતીય સમુદાયના એક વિશાળ મેળાવડાને સંબોધિત કર્યો હતો. સ્થળ પર પહોંચતા જ પ્રધાનમંત્રીનું ઉષ્માભર્યું અને રંગારંગ સ્વાગત કરવામાં આવ્યું હતું, જે માતૃભૂમિ પ્રત્યે પ્રવાસી ભારતીયોના ઊંડા સ્નેહને પ્રતિબિંબિત કરે છે.

તેમના સંબોધનમાં, પ્રધાનમંત્રીએ ફ્રાન્સમાં વિવિધ ક્ષેત્રોમાં ભારતીય સમુદાયના નોંધપાત્ર યોગદાન પર પ્રકાશ પાડ્યો હતો. તેમણે ભારતીય ઇનોવેશન અને વિચારોને વૈશ્વિક બજારો સાથે જોડવામાં અને ભારત–ફ્રાન્સ સ્પેશિયલ ગ્લોબલ સ્ટ્રેટેજિક પાર્ટનરશિપને આગળ વધારવામાં તેમની મુખ્ય ભૂમિકાનો પણ સ્વીકાર કર્યો હતો. તેમણે નોંધ્યું હતું કે ભારત અને ફ્રાન્સ વચ્ચેના પીપલ–ટુ–પીપલ સંબંધોનો વિસ્તાર થયો છે, જેમાં વધુ સંખ્યામાં ભારતીય વિદ્યાર્થીઓ, વ્યાવસાયિકો અને પ્રવાસીઓ ફ્રાન્સને પોતાનું ગંતવ્ય બનાવી રહ્યા છે. તેમણે લોકોની ગતિશીલતાને સરળ બનાવવા માટે લેવાયેલા પગલાંની પ્રશંસા કરી હતી. ફ્રાન્સમાં યુપીઆઈના વિસ્તરતા વ્યાપ વિશે વાત કરતા તેમણે નોંધ્યું હતું કે આનાથી બંને દેશો વચ્ચે પ્રવાસનના પ્રવાહને વેગ મળશે.

પ્રધાનમંત્રીએ ભારતમાં થઈ રહેલા પરિવર્તનકારી ફેરફારો વિશે વાત કરી હતી, જેમાં સર્વસમાવેશક વિકાસ અને મહિલા નેતૃત્વવાળા વિકાસથી લઈને માનવ–કેન્દ્રિત એઆઈ અને અદ્યતન ટેકનોલોજીના ક્ષેત્રોમાં પ્રગતિનો સમાવેશ થાય છે. તેમણે હાઇલાઇટ કર્યું હતું કે છેલ્લા 12 વર્ષમાં ભારતે 25 કરોડ લોકોને ગરીબીમાંથી બહાર કાઢ્યા છે. તેમણે નોંધ્યું હતું કે યુકે અને ઇયુ સાથે સંપન્ન થયેલા વ્યાપાર કરારો ભારતીય કામદારો, ખેડૂતો, ઇનોવેટર્સ અને અન્ય લોકો માટે નવી તકો ખોલશે. નાઇસમાં યોજાયેલા ‘ભારત ઇનોવેટ્સ 2026’ અને પેરિસમાં ‘વિવાટેક 2026’ માં ભારતીય સહભાગિતાનો ઉલ્લેખ કરતા તેમણે રેખાંકિત કર્યું હતું કે વૈશ્વિક સમુદાય માટે ટેકનોલોજીના ક્ષેત્રમાં ભારત પસંદગીનો ભાગીદાર બની રહ્યું છે. ‘ભારત ઇનોવેટ્સ’ ની સફળતા વિશે વાત કરતા તેમણે નોંધ્યું હતું કે આ પ્લેટફોર્મ નવીનતા રાજદ્વારીનું એક મોડેલ છે. એવિયનમાં જી7 સમિટમાં પોતાની સહભાગિતા વિશે વિગતવાર જણાવતા તેમણે કહ્યું હતું કે ભારત અડગપણે વિશ્વાસ આધારિત આંતરરાષ્ટ્રીય ભાગીદારી બનાવવાના પક્ષમાં છે, જ્યાં ગ્લોબલ સાઉથને સમાન ભાગીદાર તરીકે ગણવામાં આવે. પ્રધાનમંત્રીએ નોંધ્યું હતું કે ભારતની પ્રતિભા, કૌશલ્ય અને ઇનોવેશન ડિજિટલ યુગના પડકારોના ઉકેલો શોધવામાં વિશ્વને મદદ કરી રહ્યા છે. તેમણે પ્રવાસી ભારતીયોને ભારતના વિકાસમાં યોગદાન આપવા અને તેની વિકસિત ભારતની સફરમાં ભાગીદાર બનવા માટે આમંત્રિત કર્યા હતા.

આ સંવાદ ભારત અને ફ્રાન્સ વચ્ચેના ઊંડા લોકો-થી-લોકોના સંબંધોને પ્રતિબિંબિત કરે છે અને વિશ્વભરમાં તેના ડાયસ્પોરાના કલ્યાણ, હિતો અને જોડાણ પ્રત્યે ભારતની કાયમી પ્રતિબદ્ધતાને પુનઃપુષ્ટી કરે છે.

SM/DK/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964@gmail.com [ 0KB ]