મુખ્ય વિષયવસ્તુ પર જાઓ
Search
મેનુ
મેનુ બંધ કરો
HOME

પીએમઇન્ડિયાપીએમઇન્ડિયા

ન્યૂઝ અપડેટ

વિષયવસ્તુ પીઆઇબીથી આપમેળે પ્રાપ્ત થાય છે

પ્રધાનમંત્રીએ બેંગાલુરૂમાં દસમાં સૌન્દર્યલહરી પારાયણોત્સવ મહાસમર્પણ કાર્યક્રમમાં હાજરી આપી


પ્રધાનમંત્રી શ્રી નરેન્દ્ર મોદી આજે બેંગાલુરુમાં દસમાં સૌન્દર્યલહરી પારાયણોત્સવ મહાસમર્પણ કાર્યક્રમમાં ઉપસ્થિત રહ્યાં હતાં.

 

સૌન્દર્યલહરી આદિ શંકરાચાર્ય રચિત શ્લોકોનો સમૂહ છે. આ કાર્યક્રમમાં સૌન્દર્યલહરીનાં શ્લોકોનું સામૂહિક પારાયણ કરવામાં આવ્યું હતું.

 

આ પ્રસંગે પ્રધાનમંત્રીએ કહ્યું હતું કે, સામૂહિક મંત્રગાન દ્વારા ઊભા થયેલા દૈવી વાતાવરણથી તેઓ વિશેષ ઊર્જા અનુભવે છે.

 

અહીં પ્રધાનમંત્રીએ થોડાં દિવસો અગાઉ કેદારનાથની મુલાકાતને યાદ કરી હતી અને જણાવ્યું હતું કે, આદિ શંકરાચાર્યએ તેમનાં જીવનનાં અતિ ટૂંકા સમયગાળામાં કેદારનાથ જેવા દૂરનાં અંતરિયાળ સ્થાને અને સમગ્ર ભારતમાં અન્ય સ્થળોએ કરેલી સાધના કે દૈવી કાર્યોથી તેઓ અતિ પ્રભાવિત થયા છે. એમણે કહ્યું હતું કે, આદિ શંકરે વેદ અને ઉપનિષદોનાં માધ્યમથી સમગ્ર ભારતમાં ધાર્મિક-આધ્યાત્મિક એકતા સ્થાપિત કરી હતી.

 

પ્રધાનમંત્રીએ જણાવ્યું હતું કે, આદિ શંકર રચિત સૌંદર્યલહરીને સામાન્ય માણસ પોતાની સાથે જોડી શકે છે. તેમણે કહ્યું હતું કે, આદિ શંકરાચાર્યએ સમાજમાંથી અનિષ્ટ તત્ત્વોને દૂર કર્યા હતાં અને આ અનિષ્ટ તત્ત્વોને ભવિષ્યની પેઢીઓથી બચાવવાનું કામ કર્યું હતું. પ્રધાનમંત્રીએ જણાવ્યું હતું કે, આદિ શંકરે વિવિધ વિચારસરણી અને વિચારોમાંથી શ્રેષ્ઠ પદ્ધતિઓને અપનાવી હતી. એમણે કહ્યું હતું કે, આદિ શંકરાચાર્યનું આધ્યાત્મિક જ્ઞાન ભારતીય સંસ્કૃતિનાં વર્તમાન સ્વરૂપમાં હજુ પણ અસ્તિત્વ ધરાવે છે. તેમણે ઉમેર્યું હતું કે, ભારતીય સંસ્કૃતિ સમગ્ર વિશ્વમાંથી સારાં વિચારો અપનાવે છે અને સતત વિકાસ સાધે છે. આ સંસ્કૃતિ જ નવા ભારતનો પાયો છે જે સબ કા સાથ, સબ કા વિકાસનાં મંત્રને અનુસરશે.

 

પ્રધાનમંત્રીએ કહ્યું હતું કે, આ રીતે ભારતનો સાંસ્કૃતિક વારસો તમામ વૈશ્વિક સમસ્યાઓનું સમાધાન ધરાવે છે. એમણે જણાવ્યું હતું કે, ભારતમાં પ્રકૃતિનાં શોષણને અટકાવવા પર હંમેશાથી ચિંતન થતું આવ્યું છે.

 

પ્રધાનમંત્રીએ જણાવ્યું હતું કે, અગાઉ એલઇડી બલ્બની કિંમત 350 રૂપિયાથી વધારે હતી, પણ અત્યારે ઉજાલા યોજના હેઠળ તેની કિંમત રૂ. 40થી રૂ. 45 છે. તેમણે કહ્યું હતું કે, અત્યાર સુધી 27 કરોડથી વધારે એલઇડી બલ્બનું વિતરણ થયું છે. તેમણે ઉમેર્યું હતું કે, એલઇડી બલ્બનાં ઉપયોગને પરિણામે વીજળીનાં બિલમાં બચત કે ઘટાડો થયો છે.

 

અહીં પ્રધાનમંત્રીએ ઉલ્લેખ કર્યો હતો કે, ઉજ્જવલા યોજના મારફતે 3 કરોડથી વધારે એલપીજી કનેક્શનનું વિતરણ થયું છે. એમણે ઉમર્યું હતું કે, તેનાથી ગ્રામીણ મહિલાઓનાં જીવનમાં સકારાત્મક પરિવર્તન આવવાની સાથે પર્યાવરણને સ્વચ્છ રાખવામાં પણ મદદ મળી છે.

 

પ્રધાનમંત્રીએ જણાવ્યું હતું કે, અત્યારે નિરક્ષરતા, અજ્ઞાનતા, કુપોષણ, કાળું નાણું અને ભ્રષ્ટાચાર જેવા અનિષ્ટ તત્ત્વોથી ભારતને મુક્ત કરવા માટેનાં પ્રયાસો યુદ્ધનાં ધોરણે હાથ ધરવાની જરૂર છે.

 

 

NP/RP

લોકપ્રિય સમાચાર

પ્રધાનમંત્રીએ 11 વર્ષના સમાવેશી વિકાસ અને રાષ્ટ્રીય સશક્તિકરણ પર પ્રકાશ પાડતો લેખ શેર કર્યો 11 Jun, 2025
મહાકુંભનું સમાપન થયું છે, ‘એકતાના મહાયજ્ઞ’નું સમાપન થયું છે; પ્રયાગરાજમાં એકતાના આ ભવ્ય મેળાવડાના સમગ્ર 45 દિવસ દરમિયાન, 140 કરોડ નાગરિકોની શ્રદ્ધા એક જ સમયે આ એક ઉત્સવમાં એકઠી થઈ, જે ખરેખર અભિભૂત કરનારું છે! : પ્રધાનમંત્રી 27 Feb, 2025
પ્રધાનમંત્રીએ 2025ના તમામ પદ્મ પુરસ્કાર વિજેતાઓને અભિનંદન પાઠવ્યા 25 Jan, 2025
સ્વામિત્વ યોજના હેઠળ પ્રોપર્ટી કાર્ડના વિતરણ દરમિયાન પ્રધાનમંત્રીના લાભાર્થીઓ સાથેના વાર્તાલાપ અને સંબોધનનો મૂળપાઠ 18 Jan, 2025
પ્રધાનમંત્રીએ સુપ્રસિદ્ધ ગાયક મોહમ્મદ રફીને તેમની 100મી જન્મજયંતી પર યાદ કર્યા 24 Dec, 2024

તાજા સમાચાર

પ્રધાનમંત્રીએ કતાર દેશના ફાધર અમીર હિઝ હાઇનેસ શેખ હમદ બિન ખલીફા અલ થાનીના અવસાન પર શોક વ્યક્ત કર્યો 12 Jul, 2026
પ્રધાનમંત્રીએ પ્રખ્યાત પાર્શ્વગાયિકા એસ. જાનકી અમ્માના નિધન પર શોક વ્યક્ત કર્યો 12 Jul, 2026
ન્યૂઝીલેન્ડમાં ભારતીય સમુદાયને પ્રધાનમંત્રીના સંબોધનનો મૂળપાઠ 11 Jul, 2026
પ્રધાનમંત્રીએ વિયેતનામના ફૂ ક્વોક નજીક ભારતીય નાગરિકોની બોટ દુર્ઘટના પર ઊંડા દુઃખની લાગણી વ્યક્ત કરી 11 Jul, 2026
પ્રધાનમંત્રીએ ન્યુઝીલેન્ડમાં ભારતીય સમુદાયને સંબોધિત કર્યો 11 Jul, 2026