પીએમઇન્ડિયા

પ્રધાનમંત્રી શ્રી નરેન્દ્ર મોદીએ સાઉદી અરેબિયાના મદીનામાં થયેલા અકસ્માતમાં ભારતીય નાગરિકોના મૃત્યુ પર ઊંડો શોક વ્યક્ત કર્યો છે. તેમણે પોતાના પ્રિયજનો ગુમાવનારાઓના પરિવારો પ્રત્યે ઊંડી સંવેદના વ્યક્ત કરી અને ઘાયલોના ઝડપી સ્વસ્થ થવાની પ્રાર્થના કરી છે.

પ્રધાનમંત્રીએ જણાવ્યું કે રિયાધમાં ભારતીય દૂતાવાસ અને જેદ્દાહમાં કોન્સ્યુલેટ જનરલ અસરગ્રસ્ત વ્યક્તિઓને શક્ય તેટલી બધી સહાય પૂરી પાડી રહ્યા છે. તેમણે એ પણ માહિતી આપી કે ભારતીય અધિકારીઓ જરૂરી સહાય અને સંકલન સુનિશ્ચિત કરવા માટે સાઉદી અરેબિયાના અધિકારીઓ સાથે સતત સંપર્કમાં છે.

પ્રધાનમંત્રીએ X પર લખ્યું;

“મદીનામાં ભારતીય નાગરિકો સાથે થયેલા અકસ્માતથી મને ખૂબ જ દુઃખ થયું છે. મારા સંવેદના એ પરિવારો સાથે છે જેમણે પોતાના પ્રિયજનો ગુમાવ્યા છે. હું બધા ઘાયલોની ઝડપથી સ્વસ્થ થવાની કામના કરું છું. રિયાધમાં આપણા દૂતાવાસ અને જેદ્દાહમાં કોન્સ્યુલેટ જનરલ શક્ય તમામ સહાય પૂરી પાડી રહ્યા છે. આપણાં અધિકારીઓ સાઉદી અરેબિયાના અધિકારીઓ સાથે પણ સતત સંપર્કમાં છે.”

Deeply saddened by the accident in Medinah involving Indian nationals. My thoughts are with the families who have lost their loved ones. I pray for the swift recovery of all those injured. Our Embassy in Riyadh and Consulate in Jeddah are providing all possible assistance. Our…

— Narendra Modi (@narendramodi) November 17, 2025

SM/DK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964@gmail.com [ 0KB ]