પીએમઇન્ડિયા

ફિલિપાઇન્સ પ્રજાસત્તાકના રાષ્ટ્રપતિ મહામહિમ શ્રી ફર્ડિનાન્ડ આર. માર્કોસ જુનિયરના આમંત્રણ પર પ્રધાનમંત્રી શ્રી નરેન્દ્ર મોદી 16 – 17 નવેમ્બર 2026 દરમિયાન મનીલા, ફિલિપાઇન્સની મુલાકાત લેશે.

આ મુલાકાત દરમિયાન, પ્રધાનમંત્રી 17 નવેમ્બર 2026ના રોજ 2026 માટે ASEANના અધ્યક્ષ તરીકે ફિલિપાઇન્સ દ્વારા આયોજિત 23મી ASEAN-ભારત સમિટ અને 21મી પૂર્વ એશિયા સમિટ (EAS)માં ભાગ લેશે.

ભારત-ASEAN સંબંધો એ ભારતની એક્ટ ઈસ્ટ પોલિસી અને ઈન્ડો-પેસિફિક માટેના આપણા વિઝનનો કેન્દ્રીય આધારસ્તંભ છે. આ મુલાકાત એવા સમયે થઈ રહી છે જ્યારે ભારત અને ASEAN 2026ને ASEAN-ભારત દરિયાઈ સહયોગ વર્ષ તરીકે ઉજવી રહ્યા છે, અને 2027માં સંવાદ સંબંધોના 35 વર્ષ અને આપણી વ્યાપક વ્યૂહાત્મક ભાગીદારીના પાંચ વર્ષની ઉજવણી કરશે.

ASEAN-ભારત સમિટ ASEAN-ભારત પ્લાન ઓફ એક્શન 2026–2030 સહિત વ્યાપક વ્યૂહાત્મક ભાગીદારીના અમલીકરણમાં થયેલી પ્રગતિની સમીક્ષા કરશે અને સહયોગની ભાવિ દિશા નક્કી કરશે.
પૂર્વ એશિયા સમિટ ASEAN અને અન્ય સહભાગી દેશો સાથે પ્રાદેશિક અને વૈશ્વિક મહત્વના વિષયો પર વિચારોનું આદાન-પ્રદાન કરવાની તક પૂરી પાડશે.

SM/DK/JT