પીએમઇન્ડિયા

પ્રધાનમંત્રી શ્રી નરેન્દ્ર મોદીની અધ્યક્ષતામાં મળેલી મંત્રીમંડળની બેઠકે બીજા તબક્કાના પ્રોજેક્ટ માટે 10 રાજ્યોમાં 96 જિલ્લાઓના ડાબેરી ઉગ્રવાદથી પ્રભાવિત (એલડબ્લ્યુઈ) વિસ્તારોમાં ગૃહ મંત્રાલય દ્વારા પસંદ કરાયેલા 4072 ટાવર સ્થળો પર મોબાઇલ સેવા પૂરી પાડવા માટે “સાર્વત્રિક સેવા જવાબદારી ભંડોળ (યુએસઓએફ)” સમર્થિત યોજનાને મંજુરી આપી દીધી છે. આ સમગ્ર પરિયોજનાનો કુલ ખર્ચ 7,330 કરોડ રૂપિયા થશે.

આ નેટવર્ક ડાબેરી ઉગ્રવાદથી પ્રભાવિત ક્ષેત્રોમાં તૈનાત કરવામાં આવેલા સુરક્ષા અધિકારીઓ દ્વારા ઉપયોગમાં લેવાશે. આ પ્રોજેક્ટ સંપર્ક વિહોણા ગામડાઓને મદદ પહોંચાડવા માટે પણ મોબાઇલ સેવાઓ પૂરી પાડશે જે એ પ્રદેશોની આર્થિક પ્રવૃત્તિઓમાં સુધારો લાવશે. તે પછાત વિસ્તારોમાં ઈ-ગવર્નન્સની પ્રવૃત્તિઓને પ્રોત્સાહન પૂરું પડશે અને બીજી બાજુ ડાબેરીઉગ્રવાદથી પ્રભાવિત ક્ષેત્રોમાં ડિજિટલ મોબાઈલ કનેક્ટિવિટી ઉપલબ્ધ કરાવશે.

10 રાજ્યોમાં પ્રસ્તાવિત ટાવર સ્થળોની સંખ્યા નીચે મુજબ છે:

પૂર્વભૂમિકા:

અ) એલડબ્લ્યુઈ પ્રોજેક્ટ – પ્રથમ તબક્કો

1. એલડબ્લ્યુઈ વિસ્તારોમાં 4080.78 કરોડ રૂપિયાના કુલ ખર્ચે મંજુર થયેલ 2જી ટેકનોલોજીની સહાયતાથી મોબાઇલ સેવાઓ પૂરી પાડવા માટેના એલડબ્લ્યુઈ પ્રથમ તબક્કાનો પ્રોજેક્ટ પૂર્ણ થવાના આરે છે.
2. આજની તારીખમાં કુલ 2355 સાઈટમાંથી 2335 સાઈટ કાર્યાન્વિત થઇ ગઇ છે.

બ) એલડબ્લ્યુઈ પ્રોજેક્ટ – બીજો તબક્કો

1. ગૃહમંત્રાલયે સંલગ્ન રાજ્યોની સાથે વાતચીત કરીને 10 રાજ્યોના 96 જિલ્લાઓમાં તૈનાત કરવામાં આવેલા સુરક્ષા જવાનોની દુરસંચારની જરૂરિયાત પૂરી પાડવા માટે 4072 ટાવર સ્થળો પસંદ કર્યા છે અને 27મી ઓક્ટોબર 2017ના રોજ તે અંગેની માહિતી ડીઓટીને આપી દીધી છે.
2. બીજા તબક્કાના પ્રોજેક્ટમાં પ્રસ્તાવિત ટેકનોલોજીને હિતધારકોની જરૂરિયાત અનુસાર અપગ્રેડ કરવામાં આવી છે.હવેથી મોબાઇલ કનેક્ટિવિટી માટે આ પ્રોજેક્ટમાં 2જી અને 4જી ટેકનોલોજીઆપવામાં આવી છે.

NP/J.Khunt/GP/RP