પીએમઇન્ડિયા
પ્રધાનમંત્રી શ્રી નરેન્દ્ર મોદીની અધ્યક્ષતામાં મંત્રીમંડળે પોસ્ટલ ક્ષેત્રમાં સહયોગ માટે ભારત અને જાપાન વચ્ચે થયેલી સહયોગ સમજૂતીને મંજૂરી આપી દીધી છે. આ સહયોગ સમજૂતી અંતર્ગત બંને દેશો વચ્ચે પોસ્ટલ સેવાઓમાં સુધારો થશે અને પોસ્ટલ ક્ષેત્રમાં સહયોગ વધશે.
લાભ:
આ સહયોગ સમજૂતીત અંતર્ગત ભારત અને જાપાન વચ્ચે પોસ્ટલ સેવાઓમાં સુધારો થશે અને પોસ્ટલ ક્ષેત્રમાં સહયોગ વધશે :
• પોસ્ટલ નીતિનાં સંબંધમાં બંને પક્ષ પોતાનાં અનુભવોને આધારે માહિતીઓ વહેંચશે અને દ્રષ્ટિકોણોનું આદાનપ્રદાન કરશે.
• સહયોગી સંબંધ વધારવા માટે ચર્ચાને પ્રોત્સાહન આપશે.
• બંને પક્ષો દ્વારા પારસ્પરિક રીતે નક્કી થયેલા વિશેષ ક્ષેત્રોમાં સહયોગ વધારવા માટે પોસ્ટલ સેવા સંવાદની સ્થાપના કરશે.
આ સમજૂતીથી ભારત અને જાપાન વચ્ચે સહયોગ વધશે અને આ રીતે બંને દેશો વચ્ચે પોસ્ટલ કામગીરીઓને ફાયદો થશે.
RP
