મુખ્ય વિષયવસ્તુ પર જાઓ
Search
મેનુ
મેનુ બંધ કરો
HOME

પીએમઇન્ડિયાપીએમઇન્ડિયા

ન્યૂઝ અપડેટ

વિષયવસ્તુ પીઆઇબીથી આપમેળે પ્રાપ્ત થાય છે

રાજ્યસભામાં રાષ્ટ્રપતિના અભિભાષણના આભાર પ્રસ્તાવ પર પ્રધાનમંત્રીનો જવાબ


પ્રધાનમંત્રી શ્રી નરેન્દ્ર મોદીએ આજે રાજ્યસભામાં રાષ્ટ્રપતિના અભિભાષણ પર આભાર પ્રસ્તાવનો જવાબ આપ્યો હતો.

તેમણે કહ્યું હતું કે, વિમુદ્રીકરણ પર કેટલાક સભ્યોએ તેમના અભિપ્રાયો વ્યક્ત કર્યા છે અને તેના પર નોંધપાત્ર ચર્ચા થઈ હતી. પ્રધાનમંત્રીએ જણાવ્યું હતું કે, કાળું નાણું અને ભ્રષ્ટાચાર સામેની લડાઈ રાજકીય લડાઈ નથી અને તેનો ઉદ્દેશ કોઈ એક રાજકીય પક્ષને લક્ષ્યાંક બનાવવાનો નથી. તેમણે ભારપૂર્વક જણાવ્યું હતું કે, ભ્રષ્ટાચારથી ગરીબો અને મધ્યમ વર્ગની આકાંક્ષાઓને નુકસાન થાય છે. તેમણે જણાવ્યું હતું કે, જે લોકો વ્યવસ્થા સાથે છેતરપિંડી કરે છે તેમની સામે કડક હાથે કામ લેવામાં આવશે, જેથી ગરીબોના હાથ મજબૂત કરી શકાય.

પ્રધાનમંત્રીએ જણાવ્યું હતું કે, વિમુદ્રીકરણ પછી આશરે 700 માઓવાદીએ આત્મસમર્પણ કર્યું છે અને આ સંખ્યામાં વધારો થઈ રહ્યો છે.

શ્રી નરેન્દ્ર મોદીએ કહ્યું હતું કે, આજે દેશ વિભાજીત થઈ ગયો છે, જેમાં એક તરફ કેન્દ્ર સરકાર અને ભારતની જનતા છે, તો બીજી તરફ રાજકીય નેતાઓનું જૂથ છે.

પ્રધાનમંત્રીએ જણાવ્યું હતું કે, આજે ભારત આપણા સમાજમાં પેસી ગયા સડાને દૂર કરવાનું કામ કરી રહ્યો છે. તેમણે કહ્યું હતું કે, આપણે વ્યવહારિક ફેરફાર માટે અગ્રેસર થવાનું જાળવી રાખવું પડશે અને આપણા દેશની ક્ષમતાને નજરઅંદાજ ક્યારેય ન કરવી જોઈએ.

પ્રધાનમંત્રીએ કહ્યું હતું કે, સંસ્થાઓને રાજકારણથી પર રાખવી પડશે અને રિઝર્વ બેંક ઓફ ઇન્ડિયાને કોઈ વિવાદમાં લાવવી ન જોઈએ.

પ્રધાનમંત્રીએ જણાવ્યું હતું કે, શાસન સાથે સંબંધિત બાબતો પર ઘણી કામગીરી થઈ છે, જેણે દેશના સામાન્ય નાગરિકોને તાકાત આપી છે. તેમણે પારદર્શકતાનો ઉલ્લેખ કર્યો હતો, જે સરકારી ઇ-માર્કેટપ્લેસ મારફતે સરકારી ખરીદી પ્રક્રિયામાં આવી છે.

પ્રધાનમંત્રીએ સ્વચ્છ ભારતના સંદેશને આગળ વધારવા અને જાગૃતિ લાવવા બદલ મીડિયાને અભિનંદન આપ્યા હતા. તેમણે ઉમેર્યું હતું કે, ગ્રામીણ વિસ્તારોમાં સાફસફાઈમાં વધારો થયો છે. તેમણે કહ્યું હતું કે, સ્વચ્છતાને જન આંદોલન બનાવવું પડશે અને આપણે બધાએ આ માટે કામ કરવું જોઈએ.

પ્રધાનમંત્રીએ કહ્યું હતું કે, એક ભારત, શ્રેષ્ઠ ભારત પહેલ હેઠળ આપણને બધાને દેશના વિવિધ વિસ્તારોની સંસ્કૃતિ અને ક્ષમતાઓ વિશે જાણવાની અને તેની કદર કરવાની તક મળી છે.

AP/JKhunt/TR/GP

લોકપ્રિય સમાચાર

પ્રધાનમંત્રીએ 11 વર્ષના સમાવેશી વિકાસ અને રાષ્ટ્રીય સશક્તિકરણ પર પ્રકાશ પાડતો લેખ શેર કર્યો 11 Jun, 2025
મહાકુંભનું સમાપન થયું છે, ‘એકતાના મહાયજ્ઞ’નું સમાપન થયું છે; પ્રયાગરાજમાં એકતાના આ ભવ્ય મેળાવડાના સમગ્ર 45 દિવસ દરમિયાન, 140 કરોડ નાગરિકોની શ્રદ્ધા એક જ સમયે આ એક ઉત્સવમાં એકઠી થઈ, જે ખરેખર અભિભૂત કરનારું છે! : પ્રધાનમંત્રી 27 Feb, 2025
પ્રધાનમંત્રીએ 2025ના તમામ પદ્મ પુરસ્કાર વિજેતાઓને અભિનંદન પાઠવ્યા 25 Jan, 2025
સ્વામિત્વ યોજના હેઠળ પ્રોપર્ટી કાર્ડના વિતરણ દરમિયાન પ્રધાનમંત્રીના લાભાર્થીઓ સાથેના વાર્તાલાપ અને સંબોધનનો મૂળપાઠ 18 Jan, 2025
પ્રધાનમંત્રીએ સુપ્રસિદ્ધ ગાયક મોહમ્મદ રફીને તેમની 100મી જન્મજયંતી પર યાદ કર્યા 24 Dec, 2024

તાજા સમાચાર

ન્યૂઝીલેન્ડમાં ભારતીય સમુદાયને પ્રધાનમંત્રીના સંબોધનનો મૂળપાઠ 11 Jul, 2026
પ્રધાનમંત્રીએ વિયેતનામના ફૂ ક્વોક નજીક ભારતીય નાગરિકોની બોટ દુર્ઘટના પર ઊંડા દુઃખની લાગણી વ્યક્ત કરી 11 Jul, 2026
પ્રધાનમંત્રીએ ન્યુઝીલેન્ડમાં ભારતીય સમુદાયને સંબોધિત કર્યો 11 Jul, 2026
ગાલા લંચ દરમિયાન પ્રધાનમંત્રીના સંબોધનનો મૂળપાઠ 11 Jul, 2026
પ્રધાનમંત્રીએ ન્યુઝીલેન્ડના પ્રધાનમંત્રી દ્વારા આયોજિત “ઇન્ડિયા-ન્યુઝીલેન્ડ: એ વિનિંગ પાર્ટનરશિપ” થીમ આધારિત વિશેષ કાર્યક્રમમાં હાજરી આપી 11 Jul, 2026