ಪಿಎಂಇಂಡಿಯಾ

ಪ್ರಧಾನಮಂತ್ರಿ ಶ್ರೀ. ನರೇಂದ್ರ ಮೋದಿ ಅವರು ಇಂದು ಟೆಲ್ ಅವೀವ್ ನ ಬೆನ್ ಗುರಿಯನ್ ವಿಮಾನ ನಿಲ್ದಾಣಕ್ಕೆ ಆಗಮಿಸಿದರು.
ವಿಸ್ತೃತ ಅಧಿಕೃತ ಸ್ವಾಗತ ಸಮಾರಂಭದ ಭಾಗವಾಗಿ, ಇಸ್ರೇಲ್ ಪ್ರಧಾನಮಂತ್ರಿ ಶ್ರೀ. ಬೆಂಜಮಿನ್ ನೆತನ್ಯಾಹು, ಅವರು ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರನ್ನು ನಿಲ್ದಾಣದಲ್ಲಿ ಬಂದಿಳಿಯುತ್ತಿದ್ದಂತೆ ಸ್ವಾಗತಿಸಿದರು. ಪ್ರಧಾನಿ ಮೋದಿ ಅವರು ಸಾಂಪ್ರದಾಯಿಕ ಗೌರವರಕ್ಷೆ ಪರಿವೀಕ್ಷಿಸಿದರು.
ಪ್ರಧಾನಮಂತ್ರಿ ನೆತನ್ಯಾಹು ಅವರು ತಮ್ಮ ಪತ್ರಿಕಾ ಹೇಳಿಕೆಯನ್ನು “आपका स्वागत है मेरे दोस्त.”(ನಿಮಗೆ ಸ್ವಾಗತ ನನ್ನ ಗೆಳೆಯರೇ) ಎಂಬ ಹಿಂದಿಯ ವಾಕ್ಯದೊಂದಿಗೆ ಆರಂಭಿಸಿದರು. ಪ್ರಧಾನಮಂತ್ರಿಯವರನ್ನು ಮುಕ್ತ ಬಾಹುಗಳಿಂದ ಸ್ವಾಗತಿಸುತ್ತಿರುವುದಾಗಿ ಮತ್ತು ಎರಡೂ ದೇಶಗಳ ನಡುವಿನ ಸಹಕಾರಕ್ಕೆ ಆಕಾಶವೂ ಕೂಡ ಮಿತಿಯಲ್ಲ ಎಂದು ಹೇಳಿದರು. ಪ್ರಧಾನಮಂತ್ರಿ ಮೋದಿ ಅವರು ಒಬ್ಬ ಶ್ರೇಷ್ಠ ನಾಯಕ ಮತ್ತು ‘ವಿಶ್ವ ನಾಯಕ’ಎಂದು ಬಣ್ಣಿಸಿದರು.

ಈ ಸಂದರ್ಭದಲ್ಲಿ ಪ್ರಧಾನಮಂತ್ರಿ, ‘ಶಲೋಮ್ ಲೆ ಕುಲಮ್’ ಎಂಬ ಹೆಬ್ರ್ಯೂ ಶುಭಾಶಯದೊಂದಿಗೆ ತಮ್ಮ ಮಾತು ಆರಂಭಿಸಿದರು. ಹೆಬ್ರ್ಯೂವಿನಲ್ಲಿ ಮತ್ತಷ್ಟು ಮಾತನಾಡಿದ ಅವರು ಇಸ್ರೇಲ್ ನಲ್ಲಿ ಇರುವುದು ತಮಗೆ ಹರ್ಷ ತಂದಿದೆ ಎಂದರು.

ಸರಿಯಾಗಿ 41 ವರ್ಷಗಳ ಹಿಂದೆ ಜುಲೈ 4ರಂದು ಎಂಟೆಬ್ಬೆಯಲ್ಲಿನ ಇಸ್ರೇಲೀ ಕಾರ್ಯಾಚರಣೆಯನ್ನು ಸ್ಮರಿಸಿದ ಅವರು, ಅಲ್ಲಿ ನೆತನ್ಯಾಹು ಅವರ ಹಿರಿಯ ಸೋದರ, ಹಲವು ಇಸ್ರೇಲಿ ಒತ್ತೆಯಾಳುಗಳನ್ನು ಬಿಡುಗಡೆಗೊಳಿಸಲು ತಮ್ಮ ಪ್ರಾಣಾರ್ಪಣೆ ಮಾಡಿದ್ದರು ಎಂದು ತಿಳಿಸಿದರು.

ಸುಸ್ಥಿರ ಉನ್ನತ ಪ್ರಗತಿ ಮತ್ತು ಸರ್ವಾಂಗೀಣ ಅಭಿವೃದ್ಧಿಯ ನಮ್ಮ ಹಾದಿಯಲ್ಲಿ, ಭಾರತವು ಇಸ್ರೇಲ್ ಅನ್ನು ತನ್ನ ಮಹತ್ವದ ಪಾಲುದಾರ ಎಂದು ಪರಿಗಣಿಸುತ್ತದೆ ಎಂದು ಪ್ರಧಾನಿ ಹೇಳಿದರು.

ಎರಡೂ ಕಡೆ ವಿನಿಮಯಿತ ಆರ್ಥಿಕ ಪ್ರಗತಿಯ ಪಾಲುದಾರಿಕೆಯ ಜೊತೆಗೆ, ನಮ್ಮ ಸಮಾಜವನ್ನು ಸಮಾನ ಭೀತಿಯಾದ ಭಯೋತ್ಪಾದನೆಯಿಂದ ಸುರಕ್ಷಿತಗೊಳಿಸುವ ಸಹಕಾರವನ್ನೂ ನಿರ್ಮಿಸಲಿದ್ದೇವೆ ಎಂದೂ ಅವರು ಹೇಳಿದರು.

ಇಸ್ರೇಲ್ ನಲ್ಲಿರುವ ಭಾರತೀಯ ಸಮುದಾಯವನ್ನು ಭೇಟಿ ಮಾಡುವ ತಮ್ಮ ತವಕವನ್ನು ವ್ಯಕ್ತಪಡಿಸಿದ ಪ್ರಧಾನಿ, ಭಾರತೀಯ ಮೂಲದ ಯಹೂದಿಗಳು ನಮ್ಮ ಎರಡೂ ಸಮಾಜವನ್ನು ಶ್ರೀಮಂತಗೊಳಿಸಿವೆ ಎಂದರು.

***

AKT/NT