ಪಿಎಂಇಂಡಿಯಾ

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿಂದು ನಡೆದ ಕೇಂದ್ರ ಸಚಿವ ಸಂಪುಟ ಸಭೆಯು ಹಾಲಿ ಇರುವ ಕೈತಪ್ಪದ ಕೇಂದ್ರೀಯ ಸಂಪನ್ಮೂಲ ನಿಧಿ (ಎನ್.ಎಲ್.ಸಿ.ಪಿ.ಆರ್.) ಯೋಜನೆಯನ್ನು 2020ರವರೆಗೆ 5300 ಕೋಟಿ ರೂಪಾಯಿ ಹಂಚಿಕೆಯೊಂದಿಗೆ 90:10ಅನುಪಾತದಲ್ಲಿ ಮುಂದುವರಿಸಲು ತನ್ನ ಅನುಮೋದನೆ ನೀಡಿದೆ. ಇದು ಪ್ರಗತಿಯಲ್ಲಿರುವ ಯೋಜನೆಗಳನ್ನು ಪೂರ್ಣಗೊಳಿಸಲು ಸಹಕಾರಿಯಾಗಲಿದೆ.

ಅಲ್ಲದೆ ಕೇಂದ್ರ ಸಚಿವ ಸಂಪುಟವು 2020 ಮಾರ್ಚ್ ವರೆಗೆ ನಿರ್ದಿಷ್ಟ ಮೂಲಸೌಕರ್ಯ ಸೃಷ್ಟಿಯ ಕೊರತೆ ತುಂಬಲು 2017-18ರಿಂದ ಪ್ರತಿಶತ 100ರಷ್ಟು ಕೇಂದ್ರ ಸರ್ಕಾರದ ಹೂಡಿಕೆಯೊಂದಿಗೆ “ಈಶಾನ್ಯ ವಿಶೇಷ ಮೂಲಸೌಕರ್ಯ ಅಭಿವೃದ್ಧಿ ಯೋಜನೆ” (ಎನ್ಇಎಸ್ಐಡಿಎಸ್) ಎಂಬ ಹೊಸ ಯೋಜನೆ ಆರಂಭಿಸಲು ತನ್ನ ಸಮ್ಮತಿ ಸೂಚಿಸಿದೆ.

ಎನ್.ಐ.ಎಸ್.ಐ.ಡಿ.ಎಸ್. ಮುಖ್ಯಾಂಶಗಳು:

ಈ ಹೊಸ ಯೋಜನೆಯು ಈ ಕೆಳಗಿನ ವಲಯಗಳಲ್ಲಿ ಮೂಲಸೌಕರ್ಯ ಸೃಷ್ಟಿಯ ವ್ಯಾಪಕ ವ್ಯಾಪ್ತಿ ಹೊಂದಿದೆ:-

a)ನೀರು ಪೂರೈಕೆ, ವಿದ್ಯುತ್, ಸಂಪರ್ಕ ಮತ್ತು ಪ್ರವಾಸೋದ್ಯಮ ಉತ್ತೇಜಿಸುವಂಥ ನಿರ್ದಿಷ್ಟ ಯೋಜನೆಗಳಿಗೆ ಸಂಬಂಧಿಸಿದ ಭೌತಿಕ ಮೂಲಸೌಕರ್ಯ.;

b) ಶಿಕ್ಷಣ ಮತ್ತು ಆರೋಗ್ಯದಂಥ ಸಾಮಾಜಿಕ ವಲಯದ ಮೂಲಸೌಕರ್ಯ.

ಎನ್.ಐ.ಎಸ್.ಐ.ಡಿ.ಎಸ್. ಪ್ರಯೋಜನಗಳು:

ಎನ್.ಐ.ಎಸ್.ಐ.ಡಿ.ಎಸ್. ಹೊಸ ಯೋಜನೆಯಡಿ ಸೃಷ್ಟಿಸಲಾಗುವ ಆಸ್ತಿಗಳು ವಲಯದಲ್ಲಿ ಆರೋಗ್ಯ ರಕ್ಷಣೆ ಮತ್ತು ಶಿಕ್ಷಣದ ಸೌಲಭ್ಯಗಳನ್ನಷ್ಟೇ ಬಲಪಡಿಸುವುದಿಲ್ಲ ಜೊತೆಗೆ ಪ್ರವಾಸೋದ್ಯಮವನ್ನು ಉತ್ತೇಜಿಸುತ್ತದೆ, ತನ್ಮೂಲಕ ಸ್ಥಳೀಯ ಯುವಕರಿಗೆ ಉದ್ಯೋಗಾವಕಾಶ ಕಲ್ಪಿಸುತ್ತದೆ. ಮುಂಬರುವ ವರ್ಷಗಳಲ್ಲಿ ಈ ಯೋಜನೆಯು ವಲಯದ ಸರ್ವಾಂಗೀಣ ಅಭಿವೃದ್ಧಿಗೆ ವೇಗವರ್ಧಕವಾಗಿ ಕಾರ್ಯ ನಿರ್ವಹಿಸಲಿದೆ.

*****