ಪಿಎಂಇಂಡಿಯಾ

ಒಡಿಶಾ ಮತ್ತು ಪಂಜಾಬ್ ನಲ್ಲಿನ ರಸ್ತೆ ಯೋಜನೆಗಳಿಗೆ ಸಿಸಿಇಎ ಅನುಮೋದನೆಯು ಆ ರಾಜ್ಯಗಳಲ್ಲಿ ಸಂಪರ್ಕ ಮತ್ತು ಮೂಲಸೌಕರ್ಯ ಸುಧಾರಣೆಗೆ ಸಹಕಾರಿಯಾಗಲಿದೆ ಎಂದು ಪ್ರಧಾನ ಮಂತ್ರಿ ಶ್ರೀ ನರೇಂದ್ರ ಮೋದಿ ಹೇಳಿದ್ದಾರೆ. ಸರಣಿ ಟ್ವೀಟ್ ನಲ್ಲಿ ಅವರು ಈ ವಿಷಯ ತಿಳಿಸಿದ್ದಾರೆ.

“ಸಿಸಿಇಎ ಪಂಜಾಬ್ ನ ಪಗ್ವಾರಾ – ರೂಪ್ ನಗರ್ ವಿಭಾಗದ ರಾಷ್ಟ್ರೀಯ ಹೆದ್ದಾರಿ 344ಎ ಚತುಷ್ಪಥ ಮಾರ್ಗದ ಅಭಿವೃದ್ಧಿಗೆ ತನ್ನ ಅನುಮೋದನೆ ನೀಡಿದೆ.

ಇದರ ಅಂದಾಜು ವಚ್ಚ 1444.42 ಕೋಟಿ ರೂಪಾಯಿಗಳು ಮತ್ತು ಅಭಿವೃದ್ಧಿ ಪಡಿಸಲಾಗುವ ರಸ್ತೆಯ ಒಟ್ಟು ಉದ್ದ ಸುಮಾರು 80.820 ಕಿಲೋ ಮೀಟರ್.

ಈ ಯೋಜನೆ ಪಂಜಾಬ್ ನಲ್ಲಿ ಮೂಲಸೌಕರ್ಯ ಸುಧಾರಣೆ ಮಾಡುವುದಲ್ಲದೆ ರಾಜ್ಯದ ಈ ವಲಯದ ಸಾಮಾಜಿಕ – ಆರ್ಥಿಕ ಸ್ಥಿತಿಯನ್ನು ಮೇಲೆತ್ತಲೂ ಸಹಕಾರಿ ಆಗಲಿದೆ.

ಸಿಸಿಇಎ ಒಡಿಶಾದ ಅಂಗುಲ್ – ಸಂಬಾಲ್ ಪುರ ವಿಭಾಗದಲ್ಲಿ ಎನ್.ಎಚ್ 42 (ಹೊಸ ಎನ್.ಎಚ್. 55) ನ್ನು ಚತುಷ್ಪಥವಾಗಿ ಅಭಿವೃದ್ಧಿ ಪಡಿಸಲೂ ಒಪ್ಪಿಗೆ ನೀಡಿದೆ.

ಇದರ ವೆಚ್ಚ ಅಂದಾಜು 2491.53 ಕೋಟಿ ರೂಪಾಯಿಗಳು ಮತ್ತು ಅಭಿವೃದ್ಧಿಪಡಿಸಲಾಗುವ ರಸ್ತೆಯ ಒಟ್ಟು ಉದ್ದ ಅಂದಾಜು 151 ಕಿಲೋ ಮೀಟರ್ ಗಳು.

ಈ ಯೋಜನೆ ಒಡಿಶಾದಲ್ಲಿ ಮೂಲಸೌಕರ್ಯ ಸುಧಾರಣೆಯ ವಿಸ್ತರಣೆಗೆ ಸಹಕಾರಿಯಾಗಲಿದೆ ಮತ್ತು ಸಂಚಾರದ ಒತ್ತಡ ನಿವಾರಿಸಿ, ಅದರಲ್ಲೂ ಅಂಗುಲ ಮತ್ತು ಸಂಬಾಲ್ಪುರ್ ವಿಭಾಗದಲ್ಲಿ ಭಾರೀ ಸಂಚಾರದಟ್ಟಣೆ ನಿವಾರಿಸಿ ಪ್ರಯಾಣ, ಸಮಯ ಮತ್ತು ವೆಚ್ಚವನ್ನು ತಗ್ಗಿಸಲಿದೆ.

ಸಿಸಿಇಎ ಮಹಾರಾಷ್ಟ್ರದ ಔರಂಗಾಬಾದ್ – ತೆಲವಾಡಿ ವಿಭಾಗದ ಎನ್.ಎಚ್. 211ನ್ನು ಚತುಷ್ಪಥವಾಗಿ ಅಭಿವೃದ್ಧಿ ಪಡಿಸಲೂ ತನ್ನ ಅನುಮೋದನೆ ನೀಡಿದೆ.

ಇದರ ಅಂದಾಜು ವೆಚ್ಚ 2028.91 ಕೋಟಿ ರೂಪಾಯಿಗಳಾಗಲಿದೆ ಮತ್ತು ಅಭಿವೃದ್ಧಿ ಪಡಿಸಲಾಗುವ ರಸ್ತೆಯ ಉದ್ದ ಸುಮಾರು 87 ಕಿಲೋ ಮೀಟರ್ ಗಳು.

ಈ ಮಾರ್ಗದ ಅಭಿವೃದ್ಧಿಯಿಂದಾಗಿ ಸಾಮಾಜಿಕ-ಆರ್ಥಿಕ ಸ್ಥಿತಿ ಉತ್ತಮಗೊಳ್ಳುತ್ತದೆ ಮತ್ತು ಜನರಿಗೆ ಉದ್ಯೋಗದ ಸಾಮರ್ಥ್ಯ ಹೆಚ್ಚಿಸುತ್ತದೆ. ”