ಪಿಎಂಇಂಡಿಯಾ
ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿ ನಡೆದ ಕೇಂದ್ರ ಸಚಿವ ಸಂಪುಟ ಸಭೆಗೆ ರೇಷ್ಮೆಹುಳು ಮತ್ತು ರೇಷ್ಮೆ ಕೈಗಾರಿಕೆ ಕ್ಷೇತ್ರದಲ್ಲಿನ ಸಹಯೋಗದ ಸಂಶೋಧನೆಗಾಗಿ ಭಾರತದ ಕೇಂದ್ರೀಯ ರೇಷ್ಮೆ ಮಂಡಳಿ (ಸಿ.ಎಸ್.ಬಿ.) ಮತ್ತು ಜಪಾನ್ ನ ಕೃಷಿಜೈವಿಕ ವಿಜ್ಞಾನಗಳ ರಾಷ್ಟ್ರೀಯ ಸಂಸ್ಥೆ (ಎನ್.ಐ.ಎ.ಎಸ್.) ನಡುವೆ ಆಗಿರುವ ತಿಳಿವಳಿಕೆ ಒಪ್ಪಂದ (ಎಂ.ಓ.ಯು)ದ ಬಗ್ಗೆ ವಿವರಣೆ ನೀಡಲಾಯಿತು.
ಭಾರತದ ಉಷ್ಣವಲಯಕ್ಕೆ ಸೂಕ್ತವಾದ ಸಮೃದ್ಧ ಬೈವೋಲ್ಟೀನ್ ಮಿಶ್ರತಳಿಯ ರೇಷ್ಮೆ ಹುಳುಗಳ ಅಭಿವೃದ್ಧಿ ಮಾಡಲು ಸಹಯೋಗದ ಸಂಶೋಧನೆ ಆರಂಭಿಸುವ ಸಲುವಾಗಿ ಈ ತಿಳಿವಳಿಕೆ ಒಪ್ಪಂದಕ್ಕೆ 11.11.2016ರಲ್ಲಿ ಸಿ.ಎಸ್.ಬಿ. ಮತ್ತು ಎನ್.ಐ.ಎ.ಎಸ್. ನಡುವೆ ಅಂಕಿತ ಹಾಕಲಾಗಿತ್ತು. ಈ ತಿಳಿವಳಿಕೆ ಒಪ್ಪಂದವು ವೈಜ್ಞಾನಿಕ ಮತ್ತು ತಾಂತ್ರಿಕ ಸ್ವರೂಪದ್ದಾಗಿದೆ. ಇದು ಸಮೃದ್ಧ ಮಿಶ್ರತಳಿಯ ರೇಷ್ಮೆಹುಳುಗಳ ಅಭಿವೃದ್ಧಿಗೆ ಸಹಕಾರಿಯಾಗಲಿದ್ದು, ಇದು ಭಾರತೀಯ ರೇಷ್ಮೆ ಕೈಗಾರಿಕೆಯ ಗುಣಮಟ್ಟ ಮತ್ತು ಉತ್ಪಾದನಾ ಸಾಮರ್ಥ್ಯವನ್ನು ಸುಧಾರಣೆ ಮಾಡಲಿದೆ ಮತ್ತು ಆಮೂಲಕ ರೇಷ್ಮೆ ಮತ್ತು ರೇಷ್ಮೆ ಉತ್ಪನ್ನಗಳ ರಫ್ತು ಹೆಚ್ಚಿಸಲಿದೆ.
ಈ ತಿಳಿವಳಿಕೆ ಒಪ್ಪಂದದ ತರುವಾಯ ಭಾರತೀಯ ಜವಳಿ ಮತ್ತು ಉಡುಪು ಉದ್ಯಮವು ವಿಶ್ವದರ್ಜೆಯ ರೇಷ್ಮೆ ಮತ್ತು ರೇಷ್ಮೆ ಉತ್ಪನ್ನಗಳ ತಯಾರಿಕೆಗೆ ಶಕ್ತವಾಗಲಿದೆ. ಉತ್ಪಾದಕೆ ಮತ್ತು ಗುಣಮಟ್ಟದ ಸುಧಾರಣೆಯು ಅಂತಿಮವಾಗಿ ರೇಷ್ಮೆ ಉತ್ಪನ್ನಗಳ ರಫ್ತು ಹೆಚ್ಚಳಮಾಡಲಿದೆ.
****
