പിഎം ഇന്ത്യ

പ്രധാനമന്ത്രി ശ്രീ നരേന്ദ്ര മോദിയുടെയും നെതർലാൻഡ്‌സ് പ്രധാനമന്ത്രി റോബ് ജെറ്റന്റെയും സാന്നിധ്യത്തിൽ ലൈഡൻ യൂണിവേഴ്സിറ്റി ലൈബ്രറി, 
പതിനൊന്നാം നൂറ്റാണ്ടിലെ ചോളകാല ചെമ്പ് ഫലകങ്ങൾ ഇന്ത്യാ ഗവൺമെന്റിന് കൈമാറി

21 വലിയ ഫലകങ്ങളും 3 ചെറിയ ഫലകങ്ങളും അടങ്ങുന്ന ചോള ചെപ്പുകൾ, പതിനൊന്നാം നൂറ്റാണ്ടിൽ ചോള രാജാക്കന്മാർ പുറപ്പെടുവിച്ച രാജകീയ വിളംബരങ്ങളാണ്. തമിഴ്‌നാട്ടിലെ നാഗപട്ടണത്തുള്ള ചൂളാമണിവർമ്മ വിഹാരം എന്ന ബുദ്ധവിഹാരത്തിന് ആനമംഗലം ഗ്രാമം ദാനമായി നൽകിയതിനെ സാധൂകരിക്കുന്നതാണ് ഈ വിളംബരങ്ങൾ. തമിഴിലും സംസ്കൃതത്തിലും എഴുതപ്പെട്ട ഗ്രന്ഥങ്ങളാണ് ഈ ചെപ്പുകളിൽ അടങ്ങിയിരിക്കുന്നത്.

ഈ ചോള ചെപ്പുകൾ തിരികെ ലഭിക്കുന്നത് അതീവ പ്രാധാന്യമർഹിക്കുന്ന ഒന്നാണ്; കാരണം ഇവ വെറുമൊരു പുരാതന വസ്തു മാത്രമല്ല, ഭാരതത്തിന്റെ പൈതൃകത്തിന്റെയും സംസ്കാരത്തിന്റെയും വിലമതിക്കാനാവാത്ത ചരിത്രം കൂടിയാണ്. ഈ ചെപ്പുകൾ മാതൃരാജ്യത്തേക്ക് തിരിച്ചെത്തുന്നത് ഇന്ത്യൻ ജനതയ്ക്ക് വൈകാരികമായി ഏറെ പ്രിയപ്പെട്ടതാണ്.

SK

****