പിഎം ഇന്ത്യ

രാഷ്ട്രീയ സ്വതന്ത്ര പാർട്ടി (RSP) അധ്യക്ഷൻ ശ്രീ രബി ലാമിച്ചാനെയുമായും ആർ.എസ്.പി മുതിർന്ന നേതാവ് ശ്രീ ബാലേന്ദ്ര ഷായുമായും പ്രധാനമന്ത്രി ശ്രീ നരേന്ദ്ര മോദി ടെലിഫോൺ സംഭാഷണം നടത്തി.

തിരഞ്ഞെടുപ്പ് വിജയങ്ങളിലും നേപ്പാൾ തിരഞ്ഞെടുപ്പിൽ രാഷ്ട്രീയ സ്വതന്ത്ര പാർട്ടി (RSP) നേടിയ ഉജ്ജ്വല വിജയത്തിലും ഇരു നേതാക്കളെയും ശ്രീ മോദി അഭിനന്ദിച്ചു. വരാനിരിക്കുന്ന പുതിയ ​ഗവൺമെന്റിന് അദ്ദേഹം ആശംസകൾ നേരുകയും ഇരു രാജ്യങ്ങളിലെയും ജനങ്ങളുടെ പരസ്പര സമൃദ്ധിയ്ക്കും പുരോഗതിക്കും ക്ഷേമത്തിനുമായി അവരുമായി സഹകരിച്ച് പ്രവർത്തിക്കാനുള്ള ഇന്ത്യയുടെ പ്രതിബദ്ധത ആവർത്തിക്കുകയും ചെയ്തു.

ഇന്ത്യ-നേപ്പാൾ ബന്ധത്തിന്റെ ഭാവിയിൽ ആത്മവിശ്വാസം പ്രകടിപ്പിച്ച പ്രധാനമന്ത്രി, സംയുക്ത പരിശ്രമങ്ങളിലൂടെ വരും വർഷങ്ങളിൽ ഇരു രാജ്യങ്ങളും തമ്മിലുള്ള പങ്കാളിത്തം പുതിയ ഉയരങ്ങളിലെത്തുമെന്ന് പറഞ്ഞു.

ഒരു എക്സ് പോസ്റ്റിൽ പ്രധാനമന്ത്രി പറഞ്ഞു;

“രാഷ്ട്രീയ സ്വതന്ത്ര പാർട്ടി (RSP) അധ്യക്ഷൻ ശ്രീ രബി ലാമിച്ചാനെയുമായും ആർ.എസ്.പി മുതിർന്ന നേതാവ് ശ്രീ ബാലേന്ദ്ര ഷായുമായും ഊഷ്മളമായ ടെലിഫോൺ സംഭാഷണം നടത്തി.

തിരഞ്ഞെടുപ്പ് വിജയങ്ങളിലും നേപ്പാൾ തിരഞ്ഞെടുപ്പിലെ ആർ.എസ്.പിയുടെ ഉജ്ജ്വല വിജയത്തിലും ഇരു നേതാക്കളെയും അഭിനന്ദിച്ചു. അവരുടെ വരാനിരിക്കുന്ന പുതിയ ഗവൺമെന്റിന് എന്റെ ആശംസകൾ നേരുകയും ഇരുരാജ്യങ്ങളുടെയും പരസ്പര സമൃദ്ധിക്കും പുരോഗതിക്കും ക്ഷേമത്തിനുമായി അവരുമായി ചേർന്ന് പ്രവർത്തിക്കാനുള്ള ഇന്ത്യയുടെ പ്രതിബദ്ധത അറിയിക്കുകയും ചെയ്തു.

നമ്മുടെ സംയുക്ത പരിശ്രമങ്ങളിലൂടെ വരും വർഷങ്ങളിൽ ഇന്ത്യ-നേപ്പാൾ ബന്ധം പുതിയ ഉയരങ്ങളിലെത്തുമെന്ന് എനിക്ക് ഉറപ്പുണ്ട്.

@hamrorabi
@ShahBalen
@party_swatantra”

Had warm telephone conversations with Mr. Rabi Lamichhane, Chairman of the Rastriya Swatantra Party (RSP) and Mr. Balendra Shah, Senior Leader of the RSP.

Congratulated both leaders on their electoral victories and RSP’s resounding success in the Nepal elections. Conveyed my…

— Narendra Modi (@narendramodi) March 9, 2026

राष्ट्रिय स्वतन्त्र पार्टी (रास्वपा) का सभापति श्री रवि लामिछाने र रास्वपाका वरिष्ठ नेता श्री बालेन्द्र शाहसँग टेलिफोनमा सौहार्दपूर्ण कुराकानी भयो।

वहाँहरुको निर्वाचनमा प्राप्त जित र नेपालको निर्वाचनमा रास्वपाको शानदार सफलताका लागि दुवै नेताहरूलाई बधाई दिएँ। वहाँहरूको आगामी…

— Narendra Modi (@narendramodi) March 9, 2026

***

SK