പിഎം ഇന്ത്യ

പ്രധാനമന്ത്രി ശ്രീ നരേന്ദ്ര മോദി 2026 മാർച്ച് 14ന്  പശ്ചിമ ബംഗാൾ സന്ദർശിക്കും. ഉച്ചയ്ക്ക് 2 മണിക്ക് പ്രധാനമന്ത്രി കൊൽക്കത്തയിൽ  18,680 കോടിയോളം രൂപയുടെ ഒന്നിലധികം വികസന പദ്ധതികൾ ഉദ്ഘാടനം ചെയ്യുകയും തറക്കല്ലിടുകയും ചെയ്യും.

മേഖലയിലെ റോഡ് അടിസ്ഥാന സൗകര്യങ്ങൾക്ക് ഒരു പ്രധാന ഉത്തേജനമായി, ഏകദേശം 16,990 കോടി രൂപ ചിലവു വരുന്ന 420 കിലോമീറ്ററിലധികം ദൈർഘ്യമുള്ള നിരവധി ദേശീയ പാത പദ്ധതികളുടെ  ഉദ്ഘാടനവും തറക്കല്ലിടലും പ്രധാനമന്ത്രി നിർവഹിക്കും.  ഉദ്ഘാടനം ചെയ്യപ്പെടുന്ന പദ്ധതികളിൽ പശ്ചിമ ബംഗാളിലെയും ഝാർഖണ്ഡിലെയും എൻഎച്ച്-19 ന്റെ ഭാഗങ്ങളും പശ്ചിമ ബംഗാളിലെ എൻഎച്ച്-114 ഉം ഉൾപ്പെടുന്നു. റോഡ് സുരക്ഷ വർദ്ധിപ്പിക്കുന്നതിനും, യാത്രാ സമയം കുറയ്ക്കുന്നതിനും, ഗതാഗതക്കുരുക്കും മലിനീകരണവും ലഘൂകരിക്കുന്നതിനും, പ്രാദേശിക കണക്റ്റിവിറ്റി മെച്ചപ്പെടുത്തുന്നതിനും, ടൂറിസം പ്രോത്സാഹിപ്പിക്കുന്നതിനും, മേഖലയിലെ സാമ്പത്തിക വളർച്ച വർദ്ധിപ്പിക്കുന്നതിനും ഈ പദ്ധതികൾ സഹായിക്കുമെന്ന് പ്രതീക്ഷിക്കുന്നു.

നിരവധി പുതിയ ദേശീയ പാത പദ്ധതികൾക്ക് പ്രധാനമന്ത്രി തറക്കല്ലിടും. ഇതിൽ NH-116A യിലെ 231 കിലോമീറ്റർ നീളമുള്ള നാലുവരി ഖരഗ്പൂർ-മോറെഗ്രാം സാമ്പത്തിക ഇടനാഴി ഭാഗത്തിന്റെ അഞ്ച് പാക്കേജുകൾ ഉൾപ്പെടുന്നു. ഖരഗ്പൂരിനും സിലിഗുരിക്കും ഇടയിലുള്ള സാമ്പത്തിക ഇടനാഴിയുടെ ഭാഗമായ ഈ പദ്ധതി പശ്ചിമ ബംഗാളിലെ പശ്ചിം മേദിനിപൂർ, ബങ്കുര, ഹൂഗ്ലി, പുർബ ബർധമാൻ, ബിർഭം, മുർഷിദാബാദ് ജില്ലകളിലൂടെ കടന്നുപോകും. നേരിട്ടുള്ള ഖരഗ്പൂർ-മോറെഗ്രാം കണക്റ്റിവിറ്റി യാത്രാ ദൂരം ഏകദേശം 120 കിലോമീറ്റർ കുറയ്ക്കുകയും ഏകദേശം ഏഴ് മുതൽ എട്ട് മണിക്കൂർ വരെ യാത്രാ സമയം ലാഭിക്കുകയും ചെയ്യും. NH-16, NH-19, NH-14, NH-12 എന്നിവയുൾപ്പെടെയുള്ള പ്രധാന ദേശീയ പാതകളുമായി ഇടനാഴി സംയോജിപ്പിക്കുകയും അതുവഴി മൾട്ടി-കോറിഡോർ കണക്റ്റിവിറ്റി ശക്തിപ്പെടുത്തുകയും ചെയ്യും. ദുബ്രാജ്പൂർ നഗരത്തിലെ ജനസാന്ദ്രതയുള്ള പ്രദേശങ്ങളിലെ തിരക്ക് കുറയ്ക്കുന്നതിനും യാത്രാ സമയം ഏകദേശം ഒരു മണിക്കൂർ കുറയ്ക്കുന്നതിനും സഹായിക്കുന്ന 5.6 കിലോമീറ്റർ നീളമുള്ള നാലുവരി ദുബ്രാജ്പൂർ ബൈപാസിന്റെ നിർമ്മാണത്തിന് പ്രധാനമന്ത്രി തറക്കല്ലിടും. ദുബ്രാജ്പൂർ നഗരത്തിലെ ജനസാന്ദ്രതയുള്ള പ്രദേശങ്ങളിലെ ഗതാഗതക്കുരുക്ക് കുറയ്ക്കുന്നതിനും യാത്രാ സമയം ഏകദേശം ഒരു മണിക്കൂർ കുറയ്ക്കുന്നതിനും ഇത് സഹായിക്കും. ദുബ്രാജ്പൂർ 14ലെ കാങ്ഷബതി, ശിലാബതി നദികൾക്ക് കുറുകെയുള്ള കൂടുതൽ നാലുവരി പ്രധാന പാലങ്ങളുടെ നിർമ്മാണത്തിനും അദ്ദേഹം തറക്കല്ലിടും.

സന്ദർശന വേളയിൽ, നിരവധി ഷിപ്പിംഗ്, തുറമുഖ സംബന്ധിയായ പദ്ധതികൾക്ക് പ്രധാനമന്ത്രി ഉദ്ഘാടനവും തറക്കല്ലിടലും നടത്തും. കാര്യക്ഷമവും വേഗതയേറിയതും പരിസ്ഥിതി സൗഹൃദപരവുമായ ചരക്ക് കൈകാര്യം ചെയ്യാൻ പ്രാപ്തമാക്കുന്ന ഹാൽഡിയ ഡോക്ക് കോംപ്ലക്സിലെ ബെർത്ത് നമ്പർ 2 യന്ത്രവൽക്കരിക്കുന്ന പദ്ധതി അദ്ദേഹം ഉദ്ഘാടനം ചെയ്യും. ഈ പദ്ധതി ചരക്ക് കൈകാര്യം ചെയ്യൽ ശേഷി വർദ്ധിപ്പിക്കുകയും, കാര്യക്ഷമമായ ഫുൾ-റേക്ക് റെയിൽ ലോഡിംഗ് സംവിധാനങ്ങൾ സുഗമമാക്കുകയും, പ്രധാന പ്രകടന സൂചകങ്ങൾ മെച്ചപ്പെടുത്തുകയും, അപകടകരമായ പ്രവർത്തനങ്ങളിൽ മനുഷ്യന്റെ സമ്പർക്കം കുറയ്ക്കുന്നതിലൂടെ സുരക്ഷ വർദ്ധിപ്പിക്കുകയും, തൊഴിലവസരങ്ങൾ സൃഷ്ടിക്കുകയും ചെയ്യും. ഖിദ്ദർപൂർ ഡോക്സിൽ (ഡോക്ക് 1 – വെസ്റ്റ്) പുനരുജ്ജീവന പദ്ധതിയും പ്രധാനമന്ത്രി ഉദ്ഘാടനം ചെയ്യും.

സംസ്ഥാനത്തെ ഒന്നിലധികം തുറമുഖ അടിസ്ഥാന സൗകര്യ പദ്ധതികൾക്കും പ്രധാനമന്ത്രി തറക്കല്ലിടും. ശ്യാമ പ്രസാദ് മുഖർജി തുറമുഖത്തിന്റെ ഹാൽദിയ ഡോക്ക് കോംപ്ലക്സിലെ അഞ്ചാം നമ്പർ ബെർത്തിന്റെ യന്ത്രവൽക്കരണം ഇതിൽ ഉൾപ്പെടുന്നു. കൊൽക്കത്ത ഡോക്ക് സിസ്റ്റത്തിലെ ബാസ്കുല് പാലത്തിന്റെ നവീകരണം; കിദ്ദർപോർ ഡോക്ക്-1 (കിഴക്ക്), ഡോക്ക്-2 (കിഴക്ക്) എന്നിവിടങ്ങളിലെ ഡ്രെയിനേജ് സംവിധാനങ്ങൾ ഉൾപ്പെടെയുള്ള യാർഡ് വികസനം; ഹൗറ പാലത്തിന്റെ പൈലോൺ മുതൽ നിംതല ഘട്ട് വരെയുള്ള കൊൽക്കത്ത നദീതീരത്തെ തീര സംരക്ഷണ പ്രവർത്തനങ്ങൾ; കൊൽക്കത്ത ഡോക്ക് സിസ്റ്റത്തിലെ ഇൻഡഞ്ചർ മെമ്മോറിയൽ കോംപ്ലക്സിന് സമീപം ഒരു നദീ ക്രൂയിസ് ടെർമിനലിനും നദി ടൂറിസം സൗകര്യത്തിനുമായി ഒരു ടെർമിനൽ കെട്ടിടത്തിന്റെ നിർമ്മാണം എന്നിവയാണ് മറ്റ് പദ്ധതികൾ. 

റെയിൽവേ മേഖലയിൽ, പശ്ചിമ ബംഗാൾ, ഉത്തർപ്രദേശ്, ബീഹാർ, ഝാർഖണ്ഡ്, ദേശീയ തലസ്ഥാന മേഖല എന്നിവയ്ക്കിടയിലുള്ള റെയിൽ കണക്റ്റിവിറ്റി ശക്തിപ്പെടുത്തുന്ന പുരുലിയ-ആനന്ദ് വിഹാർ ടെർമിനൽ (ഡൽഹി) എക്സ്പ്രസ് പ്രധാനമന്ത്രി ഫ്ലാഗ് ഓഫ് ചെയ്യും.

അമൃത് സ്റ്റേഷൻ സ്കീമിന് കീഴിൽ പുനർവികസിപ്പിച്ച ആറ് റെയിൽവേ സ്റ്റേഷനുകളും പ്രധാനമന്ത്രി ഉദ്ഘാടനം ചെയ്യും. കാമാഖ്യാഗുരി, അനാര, തംലുക്ക്, ഹാൽദിയ, ബരാഭും, സിയുരി എന്നിവ ഈ സ്റ്റേഷനുകളിൽ ഉൾപ്പെടുന്നു.

ബെൽഡയ്ക്കും ദന്തനും ഇടയിലുള്ള 16 കിലോമീറ്റർ നീളമുള്ള മൂന്നാമത്തെ റെയിൽ പാത, കലൈകുണ്ടയ്ക്കും കനിമോഹുലിക്കും ഇടയിലുള്ള ഓട്ടോമാറ്റിക് ബ്ലോക്ക് സിഗ്നലിംഗ് സംവിധാനം എന്നീ രണ്ട് റെയിൽവേ പദ്ധതികളും പ്രധാനമന്ത്രി രാഷ്ട്രത്തിന് സമർപ്പിക്കും. ഈ പദ്ധതികൾ ട്രെയിൻ സുരക്ഷയും സമയനിഷ്ഠയും മെച്ചപ്പെടുത്തുകയും തിരക്ക് കുറയ്ക്കുകയും മേഖലയിലെ യാത്രക്കാർക്ക് മൊത്തത്തിലുള്ള യാത്രാ സൗകര്യം വർദ്ധിപ്പിക്കുകയും ചെയ്യും.

പശ്ചിമ ബംഗാളിലും കിഴക്കൻ ഇന്ത്യയിലും അടിസ്ഥാന സൗകര്യങ്ങൾ ശക്തിപ്പെടുത്തുന്നതിനും കണക്റ്റിവിറ്റി വർദ്ധിപ്പിക്കുന്നതിനും സാമ്പത്തിക വളർച്ച ത്വരിതപ്പെടുത്തുന്നതിനുമുള്ള ​ഗവൺമെന്റിന്റെ തുടർച്ചയായ പ്രതിബദ്ധതയാണ് ഈ സംരംഭങ്ങൾ പ്രതിഫലിപ്പിക്കുന്നത്.

-SK-