പ്രധാന ഉള്ളടക്കത്തിലേക്ക് നീങ്ങുക
Search
മെനു
മെനു അടയ്ക്കാൻ
പ്രധാന താള്‍

പിഎം ഇന്ത്യപിഎം ഇന്ത്യ

പുതിയ വാർത്തകൾ

ഉള്ളടക്കം പി.ഐ.ബി യില്നിന്ന് ശേഖരിച്ചത്

റോമിൽ വെച്ച് ഐക്യരാഷ്ട്രസഭയുടെ ഭക്ഷ്യ-കാർഷിക സംഘടന (FAO)യുടെ അഗ്രിക്കോള മെഡൽ ഏറ്റുവാങ്ങി പ്രധാനമന്ത്രി

റോമിൽ വെച്ച് ഐക്യരാഷ്ട്രസഭയുടെ ഭക്ഷ്യ-കാർഷിക സംഘടന (FAO)യുടെ അഗ്രിക്കോള മെഡൽ ഏറ്റുവാങ്ങി പ്രധാനമന്ത്രി


റോമിലെ എഫ്.എ.ഒ ആസ്ഥാനത്ത് വെച്ച് ഐക്യരാഷ്ട്രസഭയുടെ ഭക്ഷ്യ-കാർഷിക സംഘടനയുടെ 2026-ലെ അഗ്രിക്കോള മെഡൽ ഇന്ന് പ്രധാനമന്ത്രി ശ്രീ നരേന്ദ്ര മോദിക്ക് സമ്മാനിച്ചു. ഇന്ത്യയിലും ആഗോളതലത്തിലും ഭക്ഷ്യസുരക്ഷ, സുസ്ഥിര കൃഷി, ഗ്രാമീണ വികസനം എന്നിവ ഉറപ്പാക്കുന്നതിൽ അദ്ദേഹം നൽകിയ അസാമാന്യ നേതൃത്വത്തിനുള്ള അംഗീകാരമായാണ് ഈ പുരസ്കാരം സമ്മാനിച്ചത്.

എഫ്.എ.ഒ ഡയറക്ടർ ജനറൽ ഡോ.ക്യു ഡോങ്യൂവിൽ നിന്ന് പ്രധാനമന്ത്രി പുരസ്കാരം ഏറ്റുവാങ്ങി. ഇന്ത്യക്കാർക്കും ലോകമെമ്പാടുമുള്ള ജനങ്ങൾക്കും ഭക്ഷ്യസുരക്ഷയും പോഷകാഹാരവും ഉറപ്പാക്കാൻ അശ്രാന്തം പരിശ്രമിക്കുന്ന ഇന്ത്യൻ കർഷകർക്കും ഇന്ത്യൻ കാർഷിക ശാസ്ത്ര സമൂഹത്തിനുമായി അദ്ദേഹം ഈ ബഹുമതി സമർപ്പിച്ചു. ഈ അംഗീകാരം മാനവക്ഷേമത്തോടും ഭക്ഷ്യസുരക്ഷയോടും സുസ്ഥിര വികസനത്തോടുമുള്ള ഇന്ത്യയുടെ പ്രതിബദ്ധതയ്ക്കുള്ള ആദരവാണെന്ന് അദ്ദേഹം അടിവരയിട്ടുപറഞ്ഞു. ഇന്ത്യയിലെ കാർഷിക ജീവിതത്തിന്റെ പ്രാധാന്യം എടുത്തുകാണിച്ചുകൊണ്ട് കൃഷിയെന്നത് ഭൂമിദേവിയും ഇന്ത്യൻ ജനതയും തമ്മിലുള്ള പവിത്രമായൊരു ബന്ധമാണെന്ന് പ്രധാനമന്ത്രി ഊന്നിപ്പറഞ്ഞു.

കൃഷിയോടുള്ള ഇന്ത്യയുടെ ശാസ്ത്രീയവും നൂതനവുമായ സമീപനം സുസ്ഥിരവും കാലാവസ്ഥാ വ്യതിയാനങ്ങളെ പ്രതിരോധിക്കാൻ ശേഷിയുള്ളതും ഭാവിക്ക് അനുയോജ്യവുമായ ഒരു ആവാസവ്യവസ്ഥയെ വളർത്തിയെടുക്കുന്നതാണെന്ന് പ്രധാനമന്ത്രി ചൂണ്ടിക്കാട്ടി. ഈ ഉദ്യമത്തിൽ ‘പെർ ഡ്രോപ്പ് മോർ ക്രോപ്പ്’ (ഓരോ തുള്ളിയിലും കൂടുതൽ വിളവ്), സൂക്ഷ്മ ജലസേചനത്തോടുള്ള മിഷൻ അധിഷ്ഠിത സമീപനം, കൃത്യതാ കൃഷി തുടങ്ങിയ രീതികളാണ് ഇന്ത്യയുടെ കാർഷിക നയങ്ങൾക്ക് മാർഗ്ഗനിർദ്ദേശം നൽകുന്നതെന്ന് അദ്ദേഹം പ്രസ്താവിച്ചു. സാങ്കേതികവിദ്യാധിഷ്ഠിത കാർഷിക പരിഹാരങ്ങളെക്കുറിച്ച് വിശദീകരിച്ച അദ്ദേഹം ഡിജിറ്റൽ പബ്ലിക് ഇൻഫ്രാസ്ട്രക്ചർ (ഡിജിറ്റൽ പൊതു സൗകര്യങ്ങൾ), നിർമ്മിത ബുദ്ധി (AI) അധിഷ്ഠിത ഉപദേശക സംവിധാനങ്ങൾ, ഡ്രോണുകൾ, റിമോട്ട് സെൻസിംഗ് സാങ്കേതികവിദ്യകൾ, സെൻസർ അധിഷ്ഠിത യന്ത്രസാമഗ്രികൾ എന്നിവ ഇന്ത്യൻ കർഷകരെ മികച്ച വിളവെടുപ്പ് നടത്താനും ഉയർന്ന കാർഷിക വരുമാനം നേടാനും സഹായിക്കുന്നുണ്ടെന്ന് പ്രസ്താവിച്ചു. കഴിഞ്ഞ 10 വർഷത്തിനിടയിൽ കാലാവസ്ഥാ വ്യതിയാനങ്ങളെ പ്രതിരോധിക്കാൻ ശേഷിയുള്ള ഏതാണ്ട് 3,000-ത്തോളം വിളയിനങ്ങൾക്ക് ഇന്ത്യ രൂപം നൽകിയിട്ടുണ്ടെന്നും അദ്ദേഹം പറഞ്ഞു. ശാസ്ത്രാധിഷ്ഠിതമായ ഇന്ത്യയുടെ കൃഷിരീതി ആഗോള ഭക്ഷ്യസുരക്ഷയെ, പ്രത്യേകിച്ച് ഗ്ലോബൽ സൗത്തിലെ രാജ്യങ്ങളുടെ ഭക്ഷ്യസുരക്ഷയെ ശക്തിപ്പെടുത്തുകയാണെന്ന് പ്രധാനമന്ത്രി അഭിപ്രായപ്പെട്ടു.

എഫ്.എ.ഒ-യുടെ ഒരു സ്ഥാപക അംഗം എന്ന നിലയിൽ ആഗോള ഭക്ഷ്യസുരക്ഷ, സുസ്ഥിര കൃഷി, വിശപ്പുരഹിത ലോകം എന്നിവ വളർത്തിയെടുക്കുന്നതിനായി ഈ സംഘടനയോടൊപ്പം ചേർന്ന് പ്രവർത്തിക്കാൻ കഴിഞ്ഞത് ഇന്ത്യയുടെ ഭാഗ്യമാണെന്ന് പ്രധാനമന്ത്രി അനുസ്മരിച്ചു. അന്താരാഷ്ട്ര ചെറുധാന്യ വർഷം ആചരിക്കുന്നതിലൂടെ ആരോഗ്യകരമായ ഭക്ഷണ ശീലങ്ങൾ പ്രോത്സാഹിപ്പിക്കുന്നതിനായി ഇന്ത്യയുമായി സഹകരിച്ച് പ്രവർത്തിച്ചതിന് അദ്ദേഹം എഫ്.എ.ഒ-യ്ക്ക് നന്ദി അറിയിച്ചു.

കഴിഞ്ഞ 30 വർഷത്തിനിടയിൽ ഒരു ഇന്ത്യൻ ഭരണത്തലവൻ എഫ്.എ.ഒ ആസ്ഥാനം സന്ദർശിക്കുന്നത് ഇതാദ്യമായാണ് എന്ന പ്രത്യേകതയും പ്രധാനമന്ത്രി മോദിയുടെ സന്ദർശനത്തിനുണ്ടായിരുന്നു.

***

SK

ജനപ്രിയ

‘മൻ കി ബാത്തിന്റെ’ 133-ാം എപ്പിസോഡിൽ പ്രധാനമന്ത്രിയുടെ അഭിസംബോധന (26-04-2026) 26 Apr, 2026
കൊറിയൻ റിപ്പബ്ലിക് പ്രസിഡന്റുമൊത്തുള്ള സംയുക്ത വാർത്താസമ്മേളനത്തിനിടെ പ്രധാനമന്ത്രി നടത്തിയ പ്രസ്താവനയുടെ പൂർണ്ണ രൂപം 20 Apr, 2026
​പ്രധാനമന്ത്രി ശ്രീ നരേന്ദ്ര മോദി രാഷ്ട്രത്തെ അഭിസംബോധന ചെയ്തു 18 Apr, 2026
PM’s address during inauguration of Sri Guru Bhairavaikya Mandira in Mandya, Karnataka 15 Apr, 2026
യുഎസ് പ്രസിഡന്റ് ഡൊണാൾഡ് ട്രംപ് പ്രധാനമന്ത്രിയെ ഫോണിൽ ബന്ധപ്പെടുകയും ഉഭയകക്ഷി സഹകരണം അവലോകനം ചെയ്യുകയും പശ്ചിമേഷ്യയെയും ഹോർമുസ് കടലിടുക്കിനെയും കുറിച്ച് ചർച്ച ചെയ്യുകയും ചെയ്തു 14 Apr, 2026
PM addresses the Lok Sabha on the ongoing conflict in West Asia 23 Mar, 2026

പുതിയ വാർത്തകൾ

നമ്മുടെ മാതൃരാജ്യത്തിന്റെ പവിത്രമായ പാരമ്പര്യത്തെ എടുത്തുകാണിക്കുന്നതും ലോകമെമ്പാടുമുള്ള അഭിവൃദ്ധിക്കായി പ്രാർത്ഥിക്കുന്നതുമായ ഒരു സംസ്കൃത സുഭാഷിതം പങ്കുവെച്ച് പ്രധാനമന്ത്രി 21 May, 2026
മുൻ പ്രധാനമന്ത്രി ശ്രീ രാജീവ് ഗാന്ധിയുടെ ചരമവാർഷിക ദിനത്തിൽ പ്രണാമമർപ്പിച്ച് പ്രധാനമന്ത്രി 21 May, 2026
റോമിൽ വെച്ച് ഐക്യരാഷ്ട്രസഭയുടെ ഭക്ഷ്യ-കാർഷിക സംഘടന (FAO)യുടെ അഗ്രിക്കോള മെഡൽ ഏറ്റുവാങ്ങി പ്രധാനമന്ത്രി 20 May, 2026
​ഇന്ത്യ-ഇറ്റലി സംയുക്തപ്രഖ്യാപനം 20 May, 2026
​ഇറ്റാലിയൻ പ്രധാനമന്ത്രിയുമായി പ്രധാനമന്ത്രി നരേന്ദ്ര മോദി കൂടിക്കാഴ്ച നടത്തി 20 May, 2026