പിഎം ഇന്ത്യ

“നമ്മുടെ സമഗ്ര തന്ത്രപരമായ പങ്കാളിത്തം (Comprehensive Strategic Partnership), സൈബർ–സൈബർ അധിഷ്ഠിത നിർണായക സാങ്കേതികവിദ്യാ സഹകരണത്തിനായുള്ള 2020-ലെ ചട്ടക്കൂട് കരാർ (2020 Framework), കൂടാതെ രണ്ടു പതിറ്റാണ്ടുകാലത്തെ സംയുക്ത ഗവേഷണം, പ്രവർത്തന ഏകോപനം, നയപരമായ ഇടപെടൽ എന്നിവയുടെ അടിസ്ഥാനത്തിൽ, നിർണായക സാങ്കേതികവിദ്യകളിൽ ഓസ്‌ട്രേലിയയും ഇന്ത്യയും ദീർ​ഘകാലം നിലനിൽക്കുന്ന ഒരു പങ്കാളിത്തം കെട്ടിപ്പടുത്തിട്ടുണ്ട്.

വിതരണ ശൃംഖലകൾ, നിർണായക സാങ്കേതികവിദ്യ, സൈബർ സുരക്ഷ എന്നിവ സാമ്പത്തിക വളർച്ചയെ നയിക്കുന്നവയാണെന്നും ദേശീയ സുരക്ഷയുടെ കേന്ദ്രമാണെന്നും, മൂല്യങ്ങളും ആഗോള മാനദണ്ഡങ്ങളും രൂപപ്പെടുത്താൻ ഇവ ഉപയോഗിക്കാമെന്നും തിരിച്ചറിഞ്ഞുകൊണ്ട്, ഓസ്‌ട്രേലിയയും ഇന്ത്യയും നിലവിലുള്ള അടിത്തറകൾ കൂടുതൽ ശക്തിപ്പെടുത്തും. ഇതിനായി 2020 ചട്ടക്കൂടിന് പകരമായി  സൈബർ, നിർണായക സാങ്കേതികവിദ്യകൾ, വിതരണ ശൃംഖലകൾ (PACTS)’ എന്ന ഓസ്‌ട്രേലിയ–ഇന്ത്യ പങ്കാളിത്തത്തിന് കീഴിൽ നമ്മുടെ ഉഭയകക്ഷി ലക്ഷ്യങ്ങൾ കൂടതൽ ഉയരങ്ങളിലേക്ക് എത്തിക്കും. 

ദേശീയവും, പ്രാദേശികവുമായ സുരക്ഷയിലുള്ള നമ്മുടെ പൊതു താൽപ്പര്യത്തെ പിന്തുണയ്ക്കുക, കൂടുതൽ ഡിജിറ്റൽ സാധ്യതകൾ ഉപയോഗിച്ച് നമ്മുടെ പങ്കാളികളെ ശാക്തീകരിക്കുക, നിർണായക വിതരണ ശൃംഖലകളെ കൂടുതൽ പ്രതിരോധശേഷിയുള്ളതാക്കുക, ആഗോള സൈബർ പ്രതിരോധശേഷി ശക്തിപ്പെടുത്തുക എന്നിവയാണ് PACTS ലക്ഷ്യമിടുന്നത്. ഈ പങ്കാളിത്തത്തിന് കീഴിലുള്ള നമ്മുടെ ശ്രമങ്ങളുടെ ഓരോ ഘട്ടത്തിലും സുരക്ഷ, ഭദ്രത, പ്രതിരോധശേഷി, എല്ലാവരെയും ഉൾക്കൊള്ളൽ (ഇൻക്ലൂസിവിറ്റി), പൊതുവായ ജനാധിപത്യ മൂല്യങ്ങൾ എന്നിവ ഉൾച്ചേർക്കും. ഇത് ഉത്തരവാദിത്തമുള്ള സാങ്കേതിക നേതാക്കളാകുന്നതിൽ നമ്മുടെ രാജ്യങ്ങളുടെ പ്രതിബദ്ധത പ്രകടമാക്കുന്നു. സമ​ഗ്രവും ഏകീകൃതവും തന്ത്രപരവുമായ കാഴ്ചപ്പാടിന് കീഴിൽ ഈ ശ്രമങ്ങൾ കാര്യക്ഷമമാക്കുന്നത് സഹകരണത്തിന്റെ അഞ്ച് തൂണുകൾക്ക് കീഴിലുള്ള  ലക്ഷ്യാധിഷ്ഠിത പ്രവർത്തനങ്ങളുമായി മുന്നോട്ട് പോകാൻ നമ്മെ സഹായിക്കും.

സഹകരണത്തിനുള്ള തൂണുകൾ

പരസ്പരബന്ധിതമായ ഓരോ തൂണിനു കീഴിലും, സ്വകാര്യ മേഖല, സർവകലാശാലകൾ, ഗവേഷണ സ്ഥാപനങ്ങൾ, ​ഗവൺമെൻര് ഏജൻസികൾ എന്നിവ തമ്മിലുള്ള സഹകരണത്തെ പിന്തുണയ്ക്കുന്നതിനുള്ള അവസരങ്ങളും നിർദ്ദിഷ്ട പദ്ധതികളും ഇന്ത്യയും ഓസ്‌ട്രേലിയയും തിരിച്ചറിയും. ഇത് ഗവൺമെന്റ്–ടു–ഗവൺമെന്റ് സഹകരണത്തെ ശക്തിപ്പെടുത്തുകയും വിപുലീകരിക്കുകയും ചെയ്യും, പുതിയ സാങ്കേതികവിദ്യകളിലേക്ക് ഇരു വശങ്ങളിലേക്കുമുള്ള നിക്ഷേപം വർദ്ധിപ്പിക്കുകയും സാമ്പത്തിക വളർച്ച നൽകുന്ന ഉൽപ്പന്നങ്ങളായി ബൗദ്ധിക സ്വത്തിനെ മാറ്റുന്നതിനായി പിന്തുണ നൽകുകയും ചെയ്യും.

സ്തംഭം 1: വിതരണ ശൃംഖല പ്രതിരോധശേഷിയും വൈവിധ്യവൽക്കരണവും

നമ്മുടെ വളർന്നുവരുന്ന സാങ്കേതിക വ്യവസായങ്ങളെ പിന്തുണയ്ക്കുന്നതിനായി സുരക്ഷിതവും പ്രതിരോധശേഷിയുള്ളതും വിശ്വസനീയവുമായ വിതരണ ശൃംഖലകൾക്കായി ഓസ്‌ട്രേലിയയും ഇന്ത്യയും ചേർന്ന് പ്രവർത്തിക്കും. രൂപകൽപ്പനയിലൂടെയുള്ള സംരക്ഷണ നിയന്ത്രണ ചട്ടക്കൂടുകൾ വഴി സുരക്ഷയും ഭദ്രതയും പ്രോത്സാഹിപ്പിക്കുന്നതിലൂടെയും നിയമങ്ങൾ അടിസ്ഥാനമാക്കിയുള്ള ഉഭയകക്ഷി സാങ്കേതിക വ്യാപാരവും വിതരണ ശൃംഖലകളും ആഴത്തിലാക്കുന്നതിലൂടെയും ഇത് സാധ്യമാക്കും.

• വിശ്വസനീയമായ വെണ്ടർ ചട്ടക്കൂടുകളിൽ സഹകരണത്തിനായി ഒരു ഉഭയകക്ഷി സംവിധാനം വികസിപ്പിക്കുക.

• ഇന്തോ–പസഫിക് മേഖലയിലുടനീളം സുരക്ഷിതവും വിശ്വസനീയവും വിശ്വസനീയവും പ്രതിരോധശേഷിയുള്ളതുമായ സമുദ്രാന്തർ കേബിൾ കണക്റ്റിവിറ്റിയെ പിന്തുണയ്ക്കുന്നതിന്, ക്വാഡ് പാർട്ണർഷിപ്പ് ഫോർ കേബിൾ കണക്റ്റിവിറ്റി ആൻഡ് റെസിലിയൻസ് വഴി ഇന്ത്യ–ഓസ്ട്രേലിയ സഹകരണം പ്രോത്സാഹിപ്പിക്കുക. മികച്ച രീതികൾ പങ്കിടുന്നതിനും, വിവര വിനിമയവും ഏകോപനവും മെച്ചപ്പെടുത്തുന്നതിനും, ഭീഷണികളും അട്ടിമറിയും ഉൾപ്പെടെ സമുദ്രാന്തർ കേബിൾ ഇൻഫ്രാസ്ട്രക്ചറിനുണ്ടാകുന്ന അപകടസാധ്യതകൾ പരിഹരിക്കുന്നതിനും നാം സഹകരണം ശക്തിപ്പെടുത്തും.

• സെമി–കണ്ടക്ടർ വിതരണ ശൃംഖലകളെ സംരക്ഷിക്കുന്നതിൽ ശ്രദ്ധ കേന്ദ്രീകരിച്ച ഓസ്‌ട്രേലിയൻ, ഇന്ത്യൻ ഗവേഷണ സ്ഥാപനങ്ങൾക്കിടയിൽ സഹകരണം വികസിപ്പിക്കുക; അവരുടെ ശ്രമങ്ങൾ ശക്തിപ്പെടുത്തുന്നതിന് സഹ–വികസനത്തിനും ഗവേഷണത്തിനും സൗകര്യമൊരുക്കുക.

• ഏകോപിത നിക്ഷേപം, നിയന്ത്രണ വിന്യാസം, പുനരുപയോഗം, വീണ്ടെടുക്കൽ എന്നിവയിലൂടെ സുരക്ഷിതമായ നിർണായക ധാതുക്കളുടെ വിതരണ ശൃംഖലകളുടെ വികസനത്തിൽ സഹകരിക്കുക.

• ഓസ്‌ട്രേലിയൻ, ഇന്ത്യൻ ബിസിനസുകൾക്കിടയിൽ വാണിജ്യ സഹകരണവും വ്യാപാര വൈവിധ്യവൽക്കരണവും പ്രോത്സാഹിപ്പിക്കുകയും നിലവിലുള്ള സംരംഭങ്ങളെ ഈ സ്തംഭവുമായി വിന്യസിക്കുന്നത് ഉൾപ്പെടെ പ്രസക്തമായ ഉയർന്ന സംവിധാനങ്ങൾ തമ്മിലുള്ള ഇടപെടൽ ശക്തിപ്പെടുത്തുക.

സ്തംഭം 2: നിർണായക സാങ്കേതികവിദ്യ

ആർട്ടിഫിഷ്യൽ ഇന്റലിജൻസ് (AI), ബഹിരാകാശ സാങ്കേതികവിദ്യകൾ, ടെലികമ്മ്യൂണിക്കേഷൻസ്, ബയോടെക്നോളജി, നൂതന വസ്തുക്കൾ തുടങ്ങിയ നിർണായക മേഖലകളിലെ പുതിയ സാങ്കേതികവിദ്യകളിൽ നവീകരണം നടത്തുന്നതിനും മുൻഗണനാ നിർണായക സാങ്കേതികവിദ്യകളുടെ സുരക്ഷ, പ്രതിരോധശേഷി, സമഗ്രത എന്നിവ ശക്തിപ്പെടുത്തുന്നതിനും ഓസ്‌ട്രേലിയയും ഇന്ത്യയും ഒരുമിച്ച് പ്രവർത്തിക്കും. അത്യാവശ്യ ഡിജിറ്റൽ, ഭൗതിക അടിസ്ഥാന സൗകര്യങ്ങൾ സംരക്ഷിക്കുന്നതിനും, നവീകരണവും ഗവേഷണവും ത്വരിതപ്പെടുത്തുന്നതിനും, പരസ്പര പ്രവർത്തനക്ഷമമായ, സമവായത്താൽ നയിക്കപ്പെടുന്ന അന്താരാഷ്ട്ര മാനദണ്ഡങ്ങൾ രൂപപ്പെടുത്തുന്നതിനും, ഇന്തോ–പസഫിക്കിൽ ദീർഘകാല സാമ്പത്തിക സുരക്ഷയെയും പ്രാദേശിക സ്ഥിരതയെയും പിന്തുണയ്ക്കുന്നതിനും ഞങ്ങൾ ശ്രമിക്കും.

• ജനാധിപത്യ മൂല്യങ്ങളിൽ അധിഷ്ഠിതമായ സമവായം അടിസ്ഥാനമാക്കിയുള്ള, മൾട്ടിസ്റ്റേക്ക്‌ഹോൾഡർ ചട്ടക്കൂടുകൾ വികസിപ്പിച്ചുകൊണ്ട് വിശ്വസ്തവും ആശ്രയിക്കാവുന്നതും സുരക്ഷിതവുമായ AI-യ്‌ക്കുള്ള അന്താരാഷ്ട്ര മാനദണ്ഡങ്ങളും മാനദണ്ഡങ്ങളും മുന്നോട്ട് കൊണ്ടുപോകുന്നതിനുള്ള ആഗോള ശ്രമങ്ങൾ പ്രയോജനപ്പെടുത്തുക. ഇന്ത്യൻ, ഓസ്‌ട്രേലിയൻ അക്കാദമിക് സ്ഥാപനങ്ങളും സ്വകാര്യ മേഖലകളും തമ്മിലുള്ള പിന്തുണാ സംരംഭങ്ങൾ ഇതിൽ ഉൾപ്പെടുന്നു, ഇത് നമ്മുടെ പൗരന്മാർക്ക് നേട്ടങ്ങൾ ഉറപ്പാക്കുകയും, AI ഗവേഷകർ, പ്രാക്ടീഷണർമാർ, നയരൂപീകരണക്കാർ, പ്രൊഫഷണലുകൾ എന്നിവരെ അറിവും വൈദഗ്ധ്യവും ഉള്ളവരാക്കി മാറ്റുകയും ചെയ്യുന്നു. ഇത് AI സാങ്കേതികവിദ്യകൾ സുരക്ഷിതമായി വികസിപ്പിക്കുന്നതിലും വിന്യസിക്കുന്നതിലും യോജിച്ച തത്വങ്ങളും മികച്ച രീതിയും നയിക്കാൻ പ്രാപ്തരാക്കുന്നു, ഇത് കമ്പ്യൂട്ട് ചെയ്യാനും, ലാർജ് ലാംഗ്വേജ് മോഡലുകൾ (LLMs), AI, AI അനുബന്ധ അടിസ്ഥാന സൗകര്യങ്ങൾ എന്നിവയിലേക്കുള്ള ആക്‌സസ് സുരക്ഷിതമാക്കുന്നതിനുള്ള സമീപനങ്ങൾ പങ്കിടുന്നതിനും ഉപകരിക്കുന്നു.

• നൂതന വസ്തുക്കൾ, ടെലികമ്മ്യൂണിക്കേഷൻസ്, ബയോടെക്നോളജി എന്നിവയുൾപ്പെടെ മുൻഗണനകൾ ലക്ഷ്യമാക്കി ഓസ്‌ട്രേലിയ–ഇന്ത്യ ഗവേഷണം, നവീകരണം, നിക്ഷേപ പങ്കാളിത്തങ്ങൾ എന്നിവ പുനഃക്രമീകരിക്കുകയും ത്വരിതപ്പെടുത്തുകയും ചെയ്യുക. നിലവിലുള്ള ക്രമീകരണങ്ങളിൽ സ്ഥാപിതമായ പ്രോഗ്രാമുകൾ പുനഃക്രമീകരിക്കുന്നതിലൂടെയും,ഇരു പക്ഷങ്ങൾക്കും വിശാലമായ ഇന്തോ–പസഫിക്കിനും പ്രകടമായ നേട്ടങ്ങൾ നൽകുന്ന ഗവേഷണ പദ്ധതികൾക്ക് ധനസഹായം നൽകുന്നതും ഇതിൽ ഉൾപ്പെടുന്നു.

•  ഇരുരാജ്യങ്ങളിലെയും ബഹിരാകാശ മേഖലകളുടെ ദ്രുതഗതിയിലുള്ള വളർച്ചയും വികസിച്ചുകൊണ്ടിരിക്കുന്ന ബഹിരാകാശ പങ്കാളിത്തവും പ്രയോജനപ്പെടുത്തിക്കൊണ്ട്, സംയുക്ത വാണിജ്യ, ​ഗവൺമെന്റ് നേതൃത്വത്തിലുള്ള ബഹിരാകാശ മേഖല സംരംഭങ്ങൾ വളർത്തിയെടുക്കുന്നതിൽ സഹകരണ സാധ്യതകൾ ആരായുക.

സ്തംഭം 3: സൈബർ സുരക്ഷ

സൈബർ, ഡിജിറ്റൽ മേഖലയുടെ സുരക്ഷയും സുരക്ഷയും ശക്തിപ്പെടുത്തുന്നതിന് ഓസ്‌ട്രേലിയയും ഇന്ത്യയും ഒരുമിച്ച് പ്രവർത്തിക്കും. സൈബർ കുറ്റകൃത്യങ്ങളെ ചെറുക്കുക, ക്ഷുദ്രകരമായ സൈബർ പ്രവർത്തനം തടയുക, സൈബർ, സാങ്കേതികവിദ്യ സുരക്ഷാ മാനദണ്ഡങ്ങളുമായി ബന്ധപ്പെട്ട അറിവും അനുഭവങ്ങളും കൈമാറുക, നിർണായകമായ ദേശീയ അടിസ്ഥാന സൗകര്യങ്ങൾ സംരക്ഷിക്കുക എന്നിവ ഇതിൽ ഉൾപ്പെടുന്നു.

• നയപരമായ ഏകീകരണം ഉറപ്പാക്കുന്നതിനൊപ്പം, ഒന്നിലധികം പ്രവർത്തന ചാനലുകളിൽ ഇരട്ടിപ്പ് ഒഴിവാക്കുന്നതിനും ശേഷി വർദ്ധിപ്പിക്കൽ സംരംഭങ്ങൾ, പ്രാദേശിക, ബഹുമുഖ സഹകരണ അവസരങ്ങൾ എന്നിവ കാര്യക്ഷമമാക്കുന്നതിന് സൈബർ, ഐസിടി മേഖലകളിൽ ഏകീകൃതവും യുക്തിസഹവുമായ ഒരു ഉഭയകക്ഷി സംവിധാനം സ്ഥാപിക്കുന്നതിന് പ്രവർത്തിക്കുക.

• യുഎൻ നിർദ്ദേശിച്ചിട്ടുള്ള സൈബർ അനുബന്ധ പ്രക്രിയകളിൽ സഹകരണം ശക്തിപ്പെടുത്തുകയും ടെലികമ്മ്യൂണിക്കേഷൻ മേഖലയിലെ സൈബർ സുരക്ഷയെ അഭിസംബോധന ചെയ്യുന്നതിൽ ഡാറ്റാ ഗവേണൻസ് ആർക്കിടെക്ചറും അന്താരാഷ്ട്ര സഹകരണവും സംബന്ധിച്ച സംഭാഷണം വർദ്ധിപ്പിക്കുകയും ചെയ്യുക.

• സൈബർ സുരക്ഷയിലും സാങ്കേതിക സംരംഭങ്ങളിലും ഓസ്‌ട്രേലിയൻ, ഇന്ത്യൻ ബിസിനസുകൾ തമ്മിലുള്ള വ്യാപാരത്തിനും നിക്ഷേപത്തിനും അവസരങ്ങൾ വർദ്ധിപ്പിക്കുകയും മെച്ചപ്പെടുത്തുകയും ചെയ്യുക.

• സൈബർ സുരക്ഷാ മേഖലയിലെ ഓസ്‌ട്രേലിയൻ, ഇന്ത്യൻ ​ഗവൺമെന്റ് ഏജൻസികളെയും മറ്റ് പങ്കാളികളെയും ഒരുമിച്ച് കൊണ്ടുവരുന്നതിന് പ്രായോഗിക സംയുക്ത വർക്ക്‌ഷോപ്പുകൾ സുഗമമാക്കുക.

• നിർണായക കഴിവുകളുടെ വളർച്ചയ്ക്കും കൈമാറ്റത്തിനുമായി ഒരു സൈബർ ടെക് സ്‌കിൽ ഇൻകുബേറ്റർ ഹബ് സൃഷ്ടിക്കുക.

സ്തംഭം 4: ഡിജിറ്റൽ പ്രതിരോധശേഷി

ഇന്തോ–പസഫിക് മേഖലയിലുടനീളമുള്ള ഡിജിറ്റലൈസേഷൻ സമ്പദ്‌വ്യവസ്ഥകളെ പിന്തുണയ്ക്കുന്നതിനായി വിശ്വസനീയവും വിപുലീകരിക്കാവുന്നതുമായ സാങ്കേതിക പരിഹാരങ്ങൾ നൽകാൻ ഓസ്‌ട്രേലിയയും ഇന്ത്യയും ശ്രമിക്കും. പ്രാദേശിക കഴിവുകൾ ശക്തിപ്പെടുത്തുന്ന പ്രത്യേക പദ്ധതികൾ തിരിച്ചറിഞ്ഞ് വികസന വെല്ലുവിളികളെ അഭിമുഖീകരിക്കുന്ന പരിഹാരങ്ങൾ സൃഷ്ടിക്കാൻ ഞങ്ങൾ ഒരുമിച്ച് പ്രവർത്തിക്കും.

• ഇന്ത്യയുടെ ഡിജിറ്റൽ പബ്ലിക് ഇൻഫ്രാസ്ട്രക്ചർ (ഡിപിഐ) തത്വങ്ങളിൽ ഇന്തോ–പസഫിക് മേഖലയിലെ രാജ്യങ്ങളുമായുള്ള പുതിയ പങ്കാളിത്ത കൈമാറ്റങ്ങളെ പിന്തുണയ്ക്കുക.

• ശുദ്ധവും പുനരുപയോഗിക്കാവുന്നതുമായ ഊർജ്ജം, പ്രതിരോധശേഷിയുള്ള നിർണായക അടിസ്ഥാന സൗകര്യങ്ങൾ, കണക്റ്റിവിറ്റി, ഡിജിറ്റൽ പരിവർത്തനം, ആരോഗ്യം, സാമൂഹിക സംരക്ഷണം, നൈപുണ്യ വികസനം, വിദ്യാഭ്യാസം, ഗവേഷണം തുടങ്ങിയ മേഖലകളിൽ ഉൾപ്പെടെ, ഇന്തോ–പസഫിക്കിലേക്ക് താങ്ങാനാവുന്ന വിലയിലുള്ള ഡിപിഐ പരിഹാരങ്ങൾ വ്യാപിപ്പിക്കുകയും പ്രചരിപ്പിക്കുകയും ചെയ്യുക.

• ഇന്തോ–പസഫിക് മേഖലയിലുടനീളം ശക്തമായ ഡിപിഐ ഉപയോഗ മാതൃകകൾ വ്യാപിപ്പിച്ചു കൊണ്ട് ഡിജിറ്റൽ പ്രതിരോധശേഷിയിൽ ഇന്ത്യയും ഓസ്‌ട്രേലിയയും വൈദഗ്ദ്ധ്യം പ്രോത്സാഹിപ്പിക്കുകയും പ്രാദേശികമായി പൊരുത്തപ്പെടാവുന്ന ഡിജിറ്റൽ ആവാസവ്യവസ്ഥകൾ നിർമ്മിക്കുന്നതിനുള്ള സംയുക്ത പദ്ധതികൾ ഉൾപ്പെടെ വിവിധ ശേഷി വർദ്ധിപ്പിക്കൽ സംരംഭങ്ങളിലൂടെ അടിസ്ഥാന ഡിജിറ്റൽ പരിഹാരങ്ങളിൽ ശ്രദ്ധ കേന്ദ്രീകരിക്കുന്ന ഇന്തോ–പസഫിക് പൈലറ്റ് പദ്ധതികൾക്ക് സൗകര്യമൊരുക്കുകയും ചെയ്യുക.

സ്തംഭം 5: പ്രതിരോധ ഗവേഷണ സഹകരണം

വിവിധ മേഖലകളിലെ പ്രതിരോധ വെല്ലുവിളികളെയും കഴിവുകളെയും കുറിച്ചുള്ള പൊതുവായ ധാരണ മുന്നോട്ട് കൊണ്ടുപോകുന്നതിനായി പ്രതിരോധ ഗവേഷണ പങ്കാളിത്തങ്ങൾ പ്രയോജനപ്പെടുത്തുന്നതിന് ഓസ്‌ട്രേലിയയും ഇന്ത്യയും ഒരുമിച്ച് പ്രവർത്തിക്കും. മുൻകാല സംയുക്ത ഗവേഷണങ്ങളെ അടിസ്ഥാനമാക്കി, നമ്മുടെ പങ്കിട്ട താൽപ്പര്യങ്ങൾക്കനുസൃതമായി ഭാവി പദ്ധതികൾ രൂപകൽപ്പന ചെയ്യും.  കൂടാതെ, പ്രതിരോധ സഹകരണത്തിനായുള്ള ധാരണാപത്രത്തിലെ (Memorandum of Understanding on Defence Cooperation) ‘പ്രതിരോധ ശാസ്ത്ര സാങ്കേതിക സഹകരണവുമായി ബന്ധപ്പെട്ട നടപ്പാക്കൽ ക്രമീകരണത്തിന്‘ (Implementing Arrangement) കീഴിൽ നമ്മുടെ പ്രതിരോധ ശാസ്ത്ര സംഘടനകൾ തമ്മിലുള്ള കൈമാറ്റങ്ങൾ വർദ്ധിപ്പിക്കും.

• പ്രതിരോധ മന്ത്രിമാരുടെ സംഭാഷണം (Defence Ministers’ Dialogue), പ്രതിരോധ നയ ചർച്ചകൾ (Defence Policy Talks), പ്രതിരോധ വ്യവസായം, ഗവേഷണം, മെറ്റീരിയൽ എന്നിവയെക്കുറിച്ചുള്ള സംയുക്ത വർക്കിംഗ് ഗ്രൂപ്പ് എന്നിവയിലൂടെ പ്രതിരോധ ശാസ്ത്ര സാങ്കേതിക മുൻഗണനകളെക്കുറിച്ചുള്ള നമ്മുടെ സംഭാഷണം ശക്തിപ്പെടുത്തുക.

• ഓസ്‌ട്രേലിയയുടെ പ്രതിരോധ ശാസ്ത്ര സാങ്കേതിക ഗ്രൂപ്പും ഇന്ത്യയുടെ പ്രതിരോധ ഗവേഷണ വികസന സംഘടനയും തമ്മിൽ സ്ഥാപനപരമായ ബന്ധങ്ങൾ കെട്ടിപ്പടുക്കുകയും ഗവേഷണ സഹകരണം ത്വരിതപ്പെടുത്തുന്നതിന് വർക്കിംഗ് ലെവൽ എക്സ്ചേഞ്ചുകൾ ക്രമപ്പെടുത്തുകയും ചെയ്യുക.

• ബിസിനസ്സ്–ടു–ബിസിനസ് ഇടപെടൽ ഉൾപ്പെടെ, ബന്ധപ്പെട്ട പ്രതിരോധ നവീകരണവും സ്റ്റാർട്ടപ്പ് ആവാസവ്യവസ്ഥയും തമ്മിലുള്ള ആഴത്തിലുള്ള ബന്ധങ്ങൾ സുഗമമാക്കുക.

• പ്രതിരോധ ആപ്ലിക്കേഷനുകൾക്കായി നൂതന സമുദ്ര ശാസ്ത്ര സാങ്കേതിക കഴിവുകളിൽ (സമുദ്ര നിരീക്ഷണം, നൂതന വസ്തുക്കൾ ഉൾപ്പെടെ) സഹകരണം കേന്ദ്രീകരിക്കുക.

ഘടനയും ഭരണനിർവഹണവും

ഉഭയകക്ഷി മേൽനോട്ടം

പ്രധാനമന്ത്രിയുടെയും മന്ത്രിസഭയുടെയും വകുപ്പായ ഓസ്‌ട്രേലിയൻ ഡെപ്യൂട്ടി സെക്രട്ടറി ഇന്റർനാഷണൽ ആൻഡ് സെക്യൂരിറ്റി ഗ്രൂപ്പും ഇന്ത്യൻ ഡെപ്യൂട്ടി നാഷണൽ സെക്യൂരിറ്റി ഉപദേഷ്ടാവും മുതിർന്ന തലത്തിൽ പങ്കാളിത്തത്തിന് നേതൃത്വം നൽകും. സൈബർ, നിർണായക സാങ്കേതികവിദ്യകളിലുടനീളം പരസ്പര പ്രയോജനകരമായ സഹകരണത്തിനുള്ള മുൻഗണനാ മേഖലകൾ ചെയറുകൾ നിശ്ചയിക്കുകയും അവസരങ്ങൾ തിരിച്ചറിയുകയും ചെയ്യും.

മുതിർന്ന ഉദ്യോഗസ്ഥരുടെ യോഗം (വാർഷികം): ഉത്തരവാദിത്തമുള്ള മുതിർന്ന ഉദ്യോഗസ്ഥർ ഓരോ സ്തംഭത്തിനു കീഴിലും ഏകോപിപ്പിക്കുകയും ചെയറുകൾ റിപ്പോർട്ട് ചെയ്യുകയും മുൻഗണനകൾ അവലോകനം ചെയ്യുകയും, ഇതുവരെയുള്ള പുരോഗതി വിലയിരുത്തുകയും, സൈബർ, നിർണായക സാങ്കേതികവിദ്യാ മേഖലകളിലെ പുതിയതും ഉയർന്നുവരുന്നതുമായ അപകടസാധ്യതകൾ വിലയിരുത്തുകയും, സഹകരണത്തിന്റെ ഓരോ സ്തംഭത്തിനു കീഴിലുള്ള നിർദ്ദിഷ്ട പദ്ധതികളുടെ പരസ്പര തിരിച്ചറിയലിനായി പ്രവർത്തിക്കുകയും ചെയ്യും.

***

SK