പിഎം ഇന്ത്യ
വിയറ്റ്നാമിലെ ഡാ നാങ്ങിൽ നടന്ന 2026-ലെ അണ്ടർ-23 ഏഷ്യൻ ചാമ്പ്യൻഷിപ്പിൽ മികച്ച പ്രകടനം കാഴ്ചവെച്ച ഇന്ത്യൻ ഗുസ്തി താരങ്ങളെ പ്രധാനമന്ത്രി ശ്രീ നരേന്ദ്ര മോദി അഭിനന്ദിച്ചു.
നമ്മുടെ പുരുഷ ഫ്രീസ്റ്റൈൽ, വനിതാ ഗുസ്തി ടീമുകൾ ചാമ്പ്യൻഷിപ്പിൽ കിരീടങ്ങൾ നേടിയതായി ശ്രീ മോദി പറഞ്ഞു.
പുരുഷന്മാരുടെ ഫ്രീസ്റ്റൈൽ ഗുസ്തി ടീം 4 സ്വർണ്ണ മെഡലുകൾ ഉൾപ്പെടെ 9 മെഡലുകൾ നേടിയതായും, അണ്ടർ-23 ഏഷ്യൻ ചാമ്പ്യൻഷിപ്പിന്റെ ചരിത്രത്തിൽ ഇന്ത്യയുടെ എക്കാലത്തെയും വലിയ മെഡൽ നേട്ടമാണിതെന്നും പ്രധാനമന്ത്രി ചൂണ്ടിക്കാട്ടി.
വനിതാ ഗുസ്തി ടീം 6 സ്വർണ്ണ മെഡലുകൾ ഉൾപ്പെടെ 10 മെഡലുകൾ നേടിയതായും അദ്ദേഹം കൂട്ടിച്ചേർത്തു.
ഗ്രീക്കോ-റോമൻ ടീം 8 മെഡലുകൾ നേടി അവരുടെ എക്കാലത്തെയും വലിയ മെഡൽ നേട്ടം കൈവരിച്ച കാര്യവും പ്രധാനമന്ത്രി എടുത്തുപറഞ്ഞു.
ഗുസ്തി താരങ്ങളെ അഭിനന്ദിച്ച പ്രധാനമന്ത്രി, അവരുടെ ഭാവിയിലെ എല്ലാ ഉദ്യമങ്ങൾക്കും ആശംസകൾ നേർന്നു.
പ്രധാനമന്ത്രി എക്സിൽ കുറിച്ചു:
“നമ്മുടെ ഗുസ്തി താരങ്ങളുടെ മികച്ച പ്രകടനം!
വിയറ്റ്നാമിലെ ഡാ നാങ്ങിൽ നടന്ന 2026-ലെ അണ്ടർ-23 ഏഷ്യൻ ചാമ്പ്യൻഷിപ്പിൽ നമ്മുടെ പുരുഷ ഫ്രീസ്റ്റൈൽ, വനിതാ ഗുസ്തി ടീമുകൾ കിരീടങ്ങൾ നേടി.
പുരുഷ ഫ്രീസ്റ്റൈൽ ഗുസ്തി ടീം 4 സ്വർണ്ണ മെഡലുകൾ ഉൾപ്പെടെ 9 മെഡലുകൾ സ്വന്തമാക്കി, അണ്ടർ-23 ഏഷ്യൻ ചാമ്പ്യൻഷിപ്പിന്റെ ചരിത്രത്തിൽ ഇന്ത്യയുടെ എക്കാലത്തെയും വലിയ മെഡൽ നേട്ടം കുറിച്ചു. വനിതാ ഗുസ്തി ടീം 6 സ്വർണ്ണ മെഡലുകൾ ഉൾപ്പെടെ 10 മെഡലുകൾ നേടി. ഗ്രീക്കോ-റോമൻ ടീമും 8 മെഡലുകൾ നേടി അവരുടെ എക്കാലത്തെയും വലിയ മെഡൽ നേട്ടം കൈവരിച്ചു.
നമ്മുടെ ഗുസ്തി താരങ്ങൾക്ക് അഭിനന്ദനങ്ങൾ. ഭാവിയിലെ ഉദ്യമങ്ങൾക്ക് എന്റെ ആശംസകൾ.”
NK
***
An outstanding performance by our wrestlers!
— Narendra Modi (@narendramodi) May 28, 2026
Our Men’s Freestyle and Women’s Wrestling teams won the Team Titles at the 2026 U23 Asian Championships in Da Nang, Vietnam.
The Men’s Freestyle Wrestling team secured 9 medals, including 4 Golds, thus registering India’s… pic.twitter.com/41PruCuk1U
