പിഎം ഇന്ത്യ

2026-ലെ ജനവിശ്വാസ് (വ്യവസ്ഥകളുടെ ഭേദഗതി) ബിൽ പാർലമെന്റ് പാസാക്കിയതിൽ പ്രധാനമന്ത്രി ശ്രീ നരേന്ദ്ര മോദി അതിയായ സന്തോഷം പ്രകടിപ്പിച്ചു. പൗരന്മാരെ ശാക്തീകരിക്കുന്ന വിശ്വാസാധിഷ്ഠിതമായ ഒരു ഭരണസംവിധാനത്തെ ശക്തിപ്പെടുത്തുന്നതിലേക്കുള്ള സുപ്രധാനമായ ചുവടുവെപ്പാണ് ഈ ബില്ലെന്ന് അദ്ദേഹം അഭിപ്രായപ്പെട്ടു. കുറ്റകൃത്യങ്ങളിൽ നിന്ന് ഒഴിവാക്കുന്നതിലൂടെ കേസുകൾ വേഗത്തിൽ തീർപ്പാക്കുന്നതും വ്യവഹാരങ്ങളുടെ ഭാരം കുറയ്ക്കുന്നതും ഉറപ്പാക്കുന്നതോടൊപ്പം തന്നെ, കാലഹരണപ്പെട്ട നിയമങ്ങളും ചട്ടങ്ങളും ഇല്ലാതാക്കാൻ ഇത് ലക്ഷ്യമിടുന്നു.

ബിൽ തയ്യാറാക്കുന്നതിൽ സ്വീകരിച്ച കൂടിയാലോചനാപരമായ സമീപനത്തെയും പ്രധാനമന്ത്രി എടുത്തുപറഞ്ഞു. കൂടാതെ ബിൽ രൂപീകരണ പ്രക്രിയയിൽ തങ്ങളുടെ ഉൾക്കാഴ്ചകൾ പങ്കുവെച്ചവർക്കും പാർലമെന്റിൽ ബില്ലിനെ പിന്തുണച്ചവർക്കും അദ്ദേഹം അഭിനന്ദനങ്ങൾ അറിയിച്ചു.

പ്രധാനമന്ത്രി എക്സിൽ കുറിച്ചു;

“ജീവിതം എളുപ്പമാക്കൽ, ബിസിനസ്സ് ചെയ്യുന്നത് എളുപ്പമാക്കൽ എന്നിവയ്ക്ക് ഒരു വലിയ ഉത്തേജനം…

പാർലമെന്റ് 2026-ലെ ജനവിശ്വാസ് (വ്യവസ്ഥകളുടെ ഭേദഗതി) ബിൽ പാസാക്കിയത് അതീവ സന്തോഷകരമായ കാര്യമാണ്. നമ്മുടെ പൗരന്മാരെ ശാക്തീകരിക്കുന്ന, വിശ്വാസാധിഷ്ഠിതമായ ഒരു ചട്ടക്കൂടിനെ ഈ ബിൽ ശക്തിപ്പെടുത്തുന്നു. ഇത് കാലഹരണപ്പെട്ട നിയമങ്ങളുടെയും ചട്ടങ്ങളുടെയും അന്ത്യം കുറിക്കുന്നു. അതേസമയം കുറ്റകൃത്യങ്ങളിൽ നിന്ന് ഒഴിവാക്കുന്നതിലൂടെ കേസുകൾ വേഗത്തിൽ തീർപ്പാക്കുന്നതും വ്യവഹാരങ്ങളുടെ ഭാരം കുറയ്ക്കുന്നതും ഇത് ഉറപ്പാക്കുന്നു.

കൂടിയാലോചനകളിലൂടെയുള്ള സമീപനത്തോടെയാണ് ഈ ബിൽ തയ്യാറാക്കിയത് എന്നതും ശ്രദ്ധേയമാണ്.

ബിൽ തയ്യാറാക്കുന്നതിനായി തങ്ങളുടെ ഉൾക്കാഴ്ചകൾ നൽകിയവർക്കും പാർലമെന്റിൽ ഇതിനെ പിന്തുണച്ചവർക്കും എന്റെ അഭിനന്ദനങ്ങൾ.”

A big boost to ‘Ease of Living’ and ‘Ease of Doing Business’…

It’s a matter of immense delight that Parliament has passed the Jan Vishwas (Amendment of Provisions) Bill 2026. This Bill strengthens a trust-based framework that empowers our citizens. It marks the end of rules and…

— Narendra Modi (@narendramodi) April 2, 2026

***

SK