Search

অনৌবা পাউশিং

মচাকশিং অসি পি আই বিদগী মশা মথন্তা লৌথোকচবনি

অইং-অশা হোংলকপা অমসুং অকোয়বগী মতাংদা তেক্নিকেলগী মতেং পীন্নবা ভারত অমসুং সুইজরলেন্দগী মরক্ত এম ও য়ু খুৎয়েক পীনবা মন্ত্রীমন্দলনা য়ারে


 

অইং–অশা হোংলকপা অমসুং অকোয়বগী মতাংদা তেক্নিকেলগী মতেং পীন্নবা ভারত অমসুং সুইজরলেন্দগী মরক্ত এম ও য়ু অমাখুৎয়েক পীনখ্রবামতুংদা প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে। এম ও য়ু অদু ২০১৯গী সেপ্তেম্বর ১৩দা খুৎয়েক পীনখিবনি।

অচৌবা ইথিল:

অকোয়বগী ফিবম শোকচিল্লকপনা খুন্নাই অমসুং শেন-থুমগী ফিবমদা খুদোংচাদবা কয়া মায়োক্নরি। অকোয়বগী ফিবম শোকচিল্লকপা থিংনবা থবক খুদিংমক অকোয়বদা ফংলিবা মহৌশাগী লনশিং খুন্নাইগী কাংলুপ খুদিংমক্ত চাং মান্না থুংলবা মতমদা ওইথোক্কনি।

কান্নবশিং:

এম ও য়ু অসিনা লৈবাক অনিগী মরক্ত অকোয়বগী ফিবম ঙাকপা অমসুং মহৌশাগী লনশিং শেন্ননবা চুনবা আইনশিং অমসুং আইনগী ৱাফমশিংগী মতাংদা লৈবাক অমনা অমদা মতেং পীনবা ঙমগনি। মসিনা লৈবাক অনিগী মরক্ত মরম চানবা ই-পাউ অমসুং তেক্নোলোজি পীথোক-পীশিন তৌনবা হেনগৎহনগনি। মসিনা অকোয়বগী ফিবম ঙাক্নবা , কন্নবা, অইং-অশা হোংলকপা অমসুং লমলক্কী শা-উচেক ঙাক্নবগী হেন্না ফবা থবকশিং অমসুং খ্বাইদগী নৌবা তেক্নোলোজিশিং শীজিন্নবা ঙমহনগনি।

মচং ওইবা শরুকশিং:

  1. অইং-অশা হোংলকপা অমসুং তুংকোইনা চৎনগদবা ঈশিং শীজিন্নবগী মতাংদা ত্রেনিং পীবা;
  2. তুংকোইনা চৎনগদবা উমং শেন্নবা ;
  3. তুংকোইনা চৎনগদবা উমং চীংগী লমদমশিং শেমগৎপা
  4. অকোয়বগী ফিবম শোকহন্দনা সহর শেমগৎপা;
  5. নুংশিৎ, লৈবাক অমসুং ঈশিং মোৎপগী ৱাফম খন্নবা;
  6. মৈখু চেন্দবা অমসুং রিনিউয়েবল ইনর্জিদা মীৎয়েং থম্বা অমসুং
  7. অইং-অশা হোংলকপগী খুদোংথিবশিং অশীন-অরাং তৌবা